Read Quechua Bolivia DC Bible 1 PEDRO 5 Bible Online

1 PEDRO 5 - Quechua Bolivia DC Bible bible

1 PEDRO 5

¹Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

²Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

⁴Jatun michej rikhurimojtintaj, mana ismoj, lliphipej pilluta jap'inkichej.

⁵Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

⁶K'umuykukuychej atiyniyoj Diospa makinman. Paytaj wakichisqan p'unchaypi, jatumpi oqharisonqachej.

⁷Diosman saqeychej tukuy phutikuyniykichejta; imaraykuchus payqa allinta qankunata qhawasunkichej.

⁸Maychus kajta kausakuychej, allinta qhawakuspa; imaraykuchus chejnisojniykichej supayqa, león jina qhaparqachaspa muyupayashasunkichej, mayqellantapis oqoykunampaj.

⁹Payman sinch'ita sayaykuychej feniykichejwan, yachaspa hermanosniykichejpis mundontimpi kikillantataj ñak'arishasqankuta.

¹⁰Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

¹¹Payman janaj pacha k'anchay, atiytaj kachun, wiñaypa wiñayninkama. Amén.

¹²Kay pisita escribispa Silvanowan apachimuykichej, pay cheqa hermano kasqanta rejsispa. Chay cartapitaj sonqochaykichej, willaykichejtaj, kaymin Diospa cheqa khuyakuynin kasqanta, mayqempichus sayashankichej chay.

¹³Babiloniapi kaj iglesia, qankunawan khuska ajllasqa Marcos wawaypis, napaykamusunkichej.

¹⁴Napaykunakuychej munakuy much'aywan. Sonqo tiyakuy kachun Jesucristopi kankichej chay tukuyman.