Read Quechua Bolivia DC Bible 2 PEDRO 3 Bible Online

2 PEDRO 3 - Quechua Bolivia DC Bible bible

2 PEDRO 3

¹Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani.

²Yuyariykichej ñaupajta ajllasqa profetaspa nisqankuta, Salvaj Señorpa kamachiyninta ima. Chay kamachiyta apóstoles yachachisorqachej.

³Ñaupajta kayta yachachiychej, qhepa p'unchaykunapi kay imasta asipayajkuna jamonqanku, aychankoj munayninman jina purispa.

⁴Nenqankutaj: Mayta Cristoj jamusaj nisqanri? Tatas wañusqankumantapacha kunankamaqa, tukuy ima qallariypi jina, imaynachus karqa, kikimpacha kakushan.

⁵Paykunaqa mana yachajman tukunku. Qallariypi janaj pachapis, kay pachapis Diospa palabranwan ruwasqas karqanku. Kay pachataj yakumanta karqa, yakullapitaj kakushan.

⁶Chayrayku ñaupa mundopi runasqa, yakupi chinkasqas wañorqanku.

⁷Kunanqa janaj pacha, kay pacha imaqa, ninapaj waqaychasqas kashanku, Diospa palabranman jina, juicio p'unchaykama. Chaypachataj Diosta mana yupaychajkuna, ñak'ariyman wijch'usqas kanqanku.

⁸Munakusqasníy, ama qonqaychejchu kayta: Señorpajqa uj p'unchay waranqa watawan ninakun, waranqa watataj uj p'unchaywan ninakun.

⁹Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

¹⁰Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

¹¹Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku.

¹³Noqanchejqa suyashanchej mosoj janaj pachakunata, mosoj jallp'atawan, Diospa promesanman jina. Chaykunapitaj cheqan kausay tiyan.

¹⁴Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

¹⁵Chantá yachaychej, Señorpa paciencianqa salvanapaj kasqanta, imaynatachus munasqa hermanonchej Pablopis escribimusorqachej, Dios payman yachayta qosqanman jina.

¹⁶Yaqha tukuy cartasnimpi chay imasmanta parlan. Chay escribisqasnimpitaj wakenqa mana unanchana jina kanku. Chaykunataqa mana yuyayniyojkuna, mana allinta kausajkuna ima q'ewinku, jinallatataj waj escribisqastapis, paykuna kikin chinkanankupaj q'ewillankutaj.

¹⁷Chayrayku munasqa, hermanosníy, chay imasta ñaupajmanta yachaspaña, allinta qhawakuychej. Pajtá ch'aukiyajkunawan pantayman apachikuwajchej, ajinamantataj sinch'i kayniykichejmanta urmawajchej.

¹⁸Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.