Read Quechua Bolivia DC Bible 1 JUAN 1 Bible Online

1 JUAN 1 - Quechua Bolivia DC Bible bible

1 JUAN 1

¹Kausayta qoj Palabramanta qankunaman escribimuyku. Kay Palabraqa ñapis karqaña kay pacha qallarikushajtin. Noqayku paymanta qankunaman willamuyku imatachus uyarisqaykuta, imatachus ñawisniykuwan rikusqaykuta, imatachus qhawasqaykuta, imatachus makisniykuwan payta llankhasqaykuta ima.

²Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

³Imatachus rikusqaykuta, chay uyarisqaykuta ima, qankunaman willamuyku; qankunapis uj sonqolla noqaykuwan kanaykichejpaj, imaynatachus noqaykupis ujlla kayku Dios Tatawan Jesucristo Churinwampis.

⁴Kay imasmanta qankunaman escribimuyku, kusiywan sonqoyku junt'asqa kanampaj.

⁵Kay yachachiyta Jesucristomanta uyarerqayku, qankunamantaj willamuyku: Diosqa k'anchaymin, manataj paypeqa ni ima laqhayajpis kanchu.

⁶Dioswan ujlla kanchej nisunman, laqhapitaj purisunman chayqa, noqanchejqa llullakunchej, manataj cheqa kajtachu ruwanchej.

⁷K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

⁸Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

⁹Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

¹⁰Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.