Read Quechua Bolivia DC Bible JUECES 21 Bible Online

JUECES 21 - Quechua Bolivia DC Bible bible

JUECES 21

¹Mizpapi jurasqanku israelitasqa ni pi Benjaminmanta kajkunawan warmi wawasninkuta casarachinankuta.

²Chay qhepatataj tantakorqanku Betelpi Diospa ñaupaqempi ch'isiyanankama waqaspa willakuspataj kay jinata: Oh Señor, Israelpa Diosnin! Imaraykutaj kay imas qhatiriwaykuri? Imaynatataj atikonqa Israelmanta ujnin ayllu faltananri?, nispa.

⁴Q'ayantintaj israelitasqa tutamanta jatarikorqanku, uj altarta ruwaspa jaywarqanku q'olachinasta, chantá allinyakuna jaywanastawan.

⁵Tapunakorqankutaj: Pistaj tukuy noqanchejmanta Señorpa ñaupaqempi tantakuyninchejman mana rerqachuri? Imaraykuchus jurasqanku wañuchinankuta pischus chay Mizpapi tantakuyninkuman mana rejkunata.

⁶Israelitasqa sinch'i llakisqaspuni kasharqanku chay ayllu masisninku Benjaminmanta kajkunata chay imas qhatirisqanmanta, nerqankutaj: Kay p'unchaypi Israelpa ayllusninmanta ujnin kaj aylloqa chinkasqa kashan.

⁷Imaynapitaj Benjaminmanta chay puchojkunapaj warmista tarisunchejri? Noqaykoqa Señorman jurarqayku warmi wawasniykuta paykunawan casarakojta mana saqenaykupaj.

⁸Kaypi kanchu mayqen israelitaspis Mizpapi Señorpa ñaupaqempi tantakuyman mana jamojri? Chaypacha tarerqanku Galaapi Jabesmanta kajkuna ni mayqen chay tantakuyman jamusqankuta.

⁹Chaypacha lista qhaparikushajtin chay lugarmanta kajkunamanta ni pipis uyarikusqachu.

¹⁰Chaypacha tukuynin Israelmanta chunka iskayniyoj waranqa sumachaj soldadosninta ajllaspa, kacharqanku wañurachimunankupaj espadasninkuwan tukuy Jabes llajtamanta kajkunata, wawasninkuta, tukuy warmistapis mana doncella kajkunata.

¹²Jabespi tukuy tiyakojkunamantaqa tawa pachaj doncellas sipaskunalla kasqanku, paykunatataj pusamorqanku Canaampi kashan chay Silo jaraman.

¹³Chaypacha tukuynin Israel ayllu kacharqa mask'ajta Rimón chhankaspi kasharqanku chay benjaminitasta, wajyacherqankutaj allinyakunankupaj.

¹⁴Benjaminmanta kajkunaqa kutimporqanku, Israelmanta kajkunataj Jabesmanta apamusqanku chay warmista paykunaman qorqanku. Jinapis warmisqa mana wakerqankuchu tukuyninkupaj.

¹⁵Israelitasqa mayta llakikorqanku Benjamimpa ayllunmanta, imaraykuchus Señorqa, Israelpa ayllusninmanta ujnin kaj aylluta chinkarichisqanmanta.

¹⁶Israel ayllumanta kurajkunataj tapurikorqanku: Imaynatataj chay wakin puchojkunapaj warmista tarisunmanri? Imaraykuchus Benjamimpa ayllunmanta warmisqa tukuyninku wañuchisqas karqanku.

¹⁷Benjamín aylloqa, tukuy Israel ayllu ukhupi, maychus kanampeqa kanallampuni tiyan chay wañuymanta puchojkunanejta, jinamanta Israel ayllusmanta ni mayqen ch'usanampaj.

¹⁸Jinapis noqanchejqa warmi wawasninchejta mana qoyta atinchejchu paykunawan casarakunankupajqa, imaraykuchus jurarqanchej warmi wawasninchejta benjaminitasman mana qonanchejta, mana junt'ajtinchejtaj maldicisqas kananchejpaj.

¹⁹Chaywampis, sapa wata Señorpaj nisqa Silopi uj fiesta tiyan, Betelmanta patanejpi, Betelmanta Siquemman rina ñanmanta inti llojsimuy cheqanejpi, Lebonamanta uranejpi.

²⁰Chaypacha Israelmanta kurajkuna apacherqanku kay willayta benjaminitasman: Riychej pakaykakamuychej Silo qayllapi kashan chay uvas huertas ukhupi.

²¹Sumajtataj qhawakunkichej. Silomanta sipaskuna pandillaspi llojsimojtinku, qankunapis llojsillaychejtaj chay pakaykunasmanta, sapa ujtaj uj sipasta jap'ispa llajtaykichejman apakapunkichej.

²²Sichus tatasninku chayri hermanosninkupis quejakoj jamuwaykuman chayqa, noqaykoqa nisqayku: Qankunamanta mañarikuyku paykunata khuyaspa amaña juchachanaykichejta, noqaykoqa mana tukuyninkupajchu warmista tarerqayku maqanakupeqa, nispa. Chaywampis mana qankunachu chay warmista qorqankichej, chayrayku chay juramentomantaqa mana juchachasqaschu kankichej.

²³Benjaminmanta kajkunaqa chay tukuy nisqasninkuman jina ruwarqanku, jinamanta sapa ujninku uj sipasta suwakorqanku chay pandillaspi llojsimojkunamanta, chantá pusakaporqanku. Chaymantaqa jallp'asninkuman kutiporqanku, llajtastataj jataricherqanku, chaypitaj tiyakaporqanku.

²⁴Chay ujkuna israelitaspis kutipullarqankutaj sapa ujninku ayllunkuman, wasi ayllunkuman, jallp'ankumantaj.

²⁵Chay tiempospeqa Israelpi manaraj rey karqachu, chayrayku sapa ujninku munasqankuman jinalla ruwaj kanku.