Read Quechua Bolivia DC Bible 3 JUAN 1 Bible Online

3 JUAN 1 - Quechua Bolivia DC Bible bible

3 JUAN 1

¹Noqa kuraj runa, may munasqa Gayoman escribimuni. Paytaqa cheqamanta munakuni.

²Munakusqáy, Diosmanta mañapuyki tukuy imapi allin risunampaj, walejllata, sanolla kakunaykipaj.

³Maytapuni kusikorqani, maypachachus hermanos jamuspa willawarqanku allinta kausakusqaykita, cheqapitaj purishasqaykita.

⁴Mana imapis astawan kusichiwanchu, wawasniy cheqapi purishasqankuta uyarisqaymantaqa.

⁵Munakusqáy, allinta ruwanki hermanosta yanapaspa, astawanqa waj llajtayojkunatapis.

⁶Chay hermanosqa munakuyniykimanta iglesiaman willarqanku. Sumaj kanman, ñampaj imallatapis paykunapaj churapuspa allinta kacharpayanayki, Diospa munayninman jina.

⁷Paykunaqa jamorqanku Jesucristoj sutinrayku, mana creejkunamanta ni ima yanapata jap'ispa.

⁸Chayrayku chay jina hermanostaqa wajyarinanchej tiyan ari, cheqa kajta ruwaysinanchejpaj.

⁹Iglesiaman escriberqaniña. Paykuna ukhupitaj Diótrefes, kuraj atiyniyoj kayta munaspa, noqaykoj nisqaykutapis mana jap'iyta munanchu.

¹⁰Chayrayku noqa jamusaj chayqa, payta k'amisaj tukuy ruwasqasninmanta; noqaykupaj sajrata, llullatataj parlasqanmanta. Manataj chayllatachu ruwan, astawanqa chayamoj hermanosta mana wajyariyta munanchu. Wajyariyta munajkunatapis manallataj saqenchu; wajyarejkunatapis iglesiamanta qharqon.

¹¹Munasqa hermano, ama sajra kajtaqa yachaqakuychu, astawanqa cheqa kajllata. Cheqa kajta ruwajqa, Diosmanta. Pichus sajrata ruwajrí, Diosta mana rejsinchu.

¹²Demetriomanta tukuy allinta parlanku. Cheqa kajpis kikillantataj. Noqaykupis kikinta niyku; yachanki jina, willasqaykoqa cheqamin.

¹³Ashkharaj tiyapuwan escribimusunaypaj, manataj munanichu cartapi churamuyta.

¹⁴Chayrayku suyashani usqhayta rikusuyta. Chaypacha uyapura parlarikusun.

¹⁵Sonqo tiyakuy qanwan kachun. Kausaqesninchej imaynachus kashan nichimusunku. Qampis sapa uj kausaqeta napaykapuway.