Read Quechua Bolivia DC Bible 1 SAMUEL 11 Bible Online

1 SAMUEL 11 - Quechua Bolivia DC Bible bible

1 SAMUEL 11

¹Amón llajtaj reynin Nahasqa rerqa Galaapi Jabes llajtaman. Chaypitaj wakicherqa soldadosta chay llajtaman jap'ej yaykunankupaj. Jabes llajtapi tiyakoj runastaj nerqanku: Uj tratota noqaykuwan ruwan, qantataj kasusqayku.

²Amonmanta Nahastaj kuticherqa: Qankunawan uj tratota ruwasaj, chayta ruwanaypajqa sapa ujniykichejmantaraj paña kaj ñawisniykichejta orqhonay kanman, jinamanta Israel aylluta p'enqaypi rikhurichinaypaj.

³Chaypacha Jabes llajtamanta kurajkunaqa kay jinata kuticherqanku: Qanchis diata suyariwayku tukuy Israel jallp'aman willajkunata kachanaykupaj. Mana pipis yanapayta munawasqayku chayqa, qanman k'umuykukusqayku.

⁴Chay willaraj runasqa kachasqa chaypi Saulpa llajtan Gabaaman chayarqanku. Chay willajkunatataj nerqanku, tukuy llajta, tukuy runastaj may sinch'ita waqaj churakorqanku.

⁵Chaypacha Saulqa bueyesnin qhatirisqa campopi chayamorqa, nerqataj: Imataj tiyan kay runaspajri? Imamantataj waqashankuri?, nispa. Chay llajtamanta runastaj willarqanku Jabesmanta chay runas willayta apamusqankuta.

⁶Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

⁷Chantaqa iskay bueyesta jap'ispa cuchillowan t'unarqa. Kachaswantaj apacherqa chay khuchurasqa aychasta tukuynin Israel jallp'aman. Chay kachastaj nerqanku: Pikunachus mana renqankuchu Saulwan, Samuelwan ima chayqa, chaykunaj bueyesninku ajina khuchurasqas kanqanku. Chayta uyarejtinkutaj Señormanta uj sinch'i manchariy chay runasman jamorqa, uj runa jinallataj paykunawan ujchakoj rerqanku.

⁸Tantakorqanku chay runastataj Saulqa yuparqa, Israel ayllumantaqa kinsa pachaj waranqa Bezecpi karqanku. Judamanta kajkunataj kinsa chunka waranqa karqanku.

⁹Chaymantaqa jamojkuna kachasman nerqa: Nimuychej, Jabespi tiyakojkuna runasman q'aya chaupi p'unchayta jina rispa kacharichimusqayku, nispa. Chay kachasqa kutispa Jabespi kajkunaman chay willayta nimorqanku, chay runastaj mayta kusikorqanku.

¹⁰Runastaj Nahasman nerqanku: Q'aya qanman jamusqayku, noqaykuwan ruwanaykipaj imatachus munanki chayta.

¹¹Chay q'ayantintaj Saulta soldadosninta kinsa jatuchaj t'aqasman t'aqarqa, manaraj sut'iyamushajtintaj yaykuykorqanku enemigosninkoj jarankuman. Chaypachataj amonitasmanta kaj runasta ashkhata wañuracherqanku chaupi p'unchaynejkama. Ayqekuspa llusp'erqanku chaykunaqa ch'eqerarqanku tukuynejman, mana iskayllapis khuskaqa qhepakorqankuchu.

¹²Israelitasmanta wakinkunaqa Samuelman nerqanku: Pikunataj iskayrayarqanku Saul reyninchej kananmantari? Chay runasta kayman apamuwayku wañurachinaykupaj.

¹³Saultaj nerqa: Kay p'unchaypeqa mana pipis wañonqachu, Señor Israel ayllunta salvasqanrayku.

¹⁴Samueltaj tukuyninkuman nerqa: Gilgalman rinachej, chaypi reypa kamachiyninta qallarimusunchej, nispa.

¹⁵Chayrayku tukuynin Israel ayllu Gilgal llajtaman kachaykukorqanku, chaypitaj Señorpa ñaupaqempi Saulta reyninku kanampaj churarqanku, chaymantataj Señorman jaywarqanku allinyakuy rikuchikuta. Saulwan israelitaswantaj mayta kusikorqanku.