Read Quechua Bolivia DC Bible 1 SAMUEL 31 Bible Online

1 SAMUEL 31 - Quechua Bolivia DC Bible bible

1 SAMUEL 31

¹Filisteosqa israelitaswan maqanakoj rerqanku, israelitastaj filisteospa ñaupaqenkumanta ayqerqanku. Gilboa orqopitaj ashkhas wañorqanku.

²Filisteostaj Saulta, wawasnintawan qhatiykuspa wañuracherqanku, Jonatanta, Abinadabta, Malquisuata ima.

³Chaymantaqa Saul chaynejman tukuyninkutaj maqanakoj qolluykukorqanku. Chay arco wach'inasninku Saul chaynejman chayajtintaj maytapuni payqa filisteosmanta manchachikorqa.

⁴Chayrayku Saulqa chay yanapajninman nerqa: Espadaykita orqhokuy, chaywantaj t'ojsispa wañuchiway, Diosta mana rejsejkuna runas wañuchiwaspa ama noqamanta asikunawankupaj. Jinapis chay yanapajnenqa mana chay nisqanta ruwarqachu, sinch'ita manchachikusqanrayku. Chaypacha Saulqa espadanta oqharikuspa, chay espadan pataman urmaykarparerqa.

⁵Chay yanapajnintaj Saulta wañusqanta rikuspa, paypis kikillantataj espadanman urmaykorqa, jinamanta paywan khuska wañorqa.

⁶Ajinata chaypacha wañorqanku Saúl, chay kinsa wawasnin, chay yanapajnin, runasninkuwan ima.

⁷Israelitasqa chay vallemanta chimpampi tiyakojkuna, chanta Jordanmanta inti llojsimuynejpi jina tiyakojkunapis israelita soldados ayqesqankuta, Saultaj wawasnintin wañusqankuta yachaspa; chay llajtasninkuta saqespa ayqekullarqankutaj. Filisteos chayman chayamuspa tiyakaporqanku.

⁸Q'ayantintaj, filisteosqa chay wañusqaspa imasninkuta jap'ikapoj rerqanku. Gilboa orqopitaj Saulta kinsantin wawasnintawan wañusqasta tarerqanku.

⁹Chanta Saulpa umanta qholorqanku, chay armasnintataj jap'ikaporqanku. Chaykunatataj apacherqanku tukuy filisteo jallp'asman, jinamanta yachayta qonankupaj tukuy runasman lantisninkuta yupaychana wasisninkupi.

¹⁰Saulpa armasninta Astarteta yupaychananku wasiman churarqanku, ayatataj Bet-sán perqaman warkhorqanku.

¹¹Galaadpi kashan chay Jabes llajtapi tiyakojkunataj yacharqanku filisteosqa Saulta imatachus ruwasqankuta.

¹²Chaypacha tukuy wapu runas parlanakorqanku. Tukuy tutantin rispataj Bet-sán perqamanta orqhomorqanku Saulpa ayanta, wawasnimpa ayasninta ima. Jabes llajtaman apamuspataj chaypi ruphaykucherqanku.

¹³Chaymantataj chay tullusninkutaqa Jabes llajtapi uj sach'a uraman p'ampaykorqanku. Chay qhepantataj qanchis días junt'ata ayunopi karqanku.