Read Quechua Cuzco Bible 1988 GÉNESIS 36 Bible Online

GÉNESIS 36 - Quechua Cuzco Bible 1988 bible

GÉNESIS 36

¹Kaykunan Esaupa mirayninkuna, paymi Edom.

²Esaú casarakurqan Canaán warmikunawan: Het runa Elonpa ususin Adawan, Hiv runa Zibeonpa churin Anapa ususin Aholibamawan,

³Ismaelpa ususin Basematpiwan, payqa Nebaiotpa pananmi.

⁴Ada wachakurqan Esaupaq Elifazta, Basemat-taq wachakurqan Reuelta,

⁵Aholibamataq wachakurqan Jeusta, Jaalamta, Koretawan. Chaykunan Esaupa churinkuna, Canaán suyupi paypaq naceqkuna.

⁶Esautaq pusarikurqan warminkunata, wawankunata, wasinpi kaq llapa runatapas, hinallataq llapa uywankunatapas, Canaán suyupi lliw ima hayk'a tarisqantawan, hinaspanmi wak hallp'aman ripurqan wawqen Jacobmanta t'aqakuspan.

⁷Jacobwan Esauwanqa askha kaqniyoqmi karqanku, manañataq kuska tiyayta atiqkuchu, tiyasqanku hallp'apas manaña aypaqchu uywankupaq.

⁸Chaymi Esauqa Seir orqo-orqopi tiyarqan. Esaumi Edom nisqallataq.

⁹Kaykunan Edom runakunaq taytan Esaupa mirayninkuna, paykunan Seir orqo-orqopi tiyarqanku.

¹⁰Kaykunan Esaupa churinkunaq sutin: Esaupa warmin Adaq wawan Elifaz: Elifazpa churinkunataq karqan Temán, Omar, Zefo, Gatam, Kenazpiwan, tiyaqmasin Timnataq paypaq Amalekta wachakurqan. Esaupa warmin Basematpa wawan Reuel: Reuelpa churinkunataq karqan Nahat, Zera, Sama, Mizapiwan.

¹⁴Zibeonpa churin Anapa ususin Aholibamataq Esaupaq wachakurqan Jeusta, Jaalamta, Koretawan.

¹⁵Kaykunan Esaupa ayllunkuna ukhupi kamachikuqkuna: Esaupa phiwin Elifazpa churinkuna Temán, Omar, Zefo, Kenaz,

¹⁶Gatam, Amalekpiwan. Chaykunan Edom suyupi Elifazpa ayllunpi kamachikuqkuna, Adaq wawankuna.

¹⁷Kaykunataq Esaupa churin Reuelpa churinkuna: Nahat, Zera, Sama, Mizapiwan. Chaykunan Edom suyupi Reuelpa ayllunpi kamachikuqkuna, Basematpa wawankuna.

¹⁸Kaykunataq Esaupa warmin Aholibamaq wawankuna: Jeús, Jaalam, Korepiwan, chay kamachikuqkuna nacerqanku Anapa ususin Aholibamanta.

¹⁹Chaykunan Esaupa ayllunkuna kamachikuqninkunapas, paymi Edom nisqallataq.

²⁰Kaykunan Hor runa Seirpa ayllunkuna, chay hallp'api tiyaqkuna: Lotán, Sobal, Zibeón, Aná, Disón, Ezer, Disanpiwan. Chaykunan Hor runakunaq kamachikuqninkuna Edom suyupi Seirpa churinkuna.

²²Lotanpa churinkunan karqan Horiwan Hemamwan, Timnataq Lotanpa panan karqan.

²³Sobalpa churinkunan karqan Alván, Manahat, Ebal, Sefo, Onampiwan.

²⁴Zibeonpa churinkunataq karqan Ajawan Anawan. Chay Anaqa taytanpa asnonkunata michishaspa ch'inneqpi ruphashaq pukyukunata tariqmi karqan.

²⁵Anapa churinmi karqan Disón, ususin Aholibamapiwan.

²⁶Disonpa churinkunan karqan Hemdán, Esbán, Itrán, Qeranpiwan.

²⁷Ezerpa churinkunan karqan Belhán, Saaván, Akanpiwan.

²⁸Disanpa churinkuna karqan Uzwan Aranwan.

²⁹Seir hallp'a Hor ayllukunapi kamachikuqkunan karqan: Lotán, Sobal, Zibeón, Aná, Disón, Ezer, Disanpiwan.

³¹Israel runakuna ukhupi manaraq rey kamachikushaqtin, Edom hallp'api kamachikuq reykunataq kaykuna karqan:

³²Beorpa churin Bela kamachikurqan, llaqtanpa sutintaq karqan Dinaba.

³³Bela wañukapuqtintaq, rantinpi kamachikurqan Bosrapi tiyaq Zeraq churin Jobab.

³⁴Jobab wañukapuqtintaq, rantinpi kamachikurqan Temán hallp'api tiyaq Husam.

³⁵Husam wañukapuqtintaq, rantinpi kamachikurqan Bedadpa churin Hadad, Moab campopi Madianta atipaq, llaqtanpa sutintaq karqan Avit.

³⁶Hadad wañukapuqtintaq, rantinpi kamachikurqan Masrekapi tiyaq Samla.

³⁷Samla wañukapuqtintaq, rantinpi kamachikurqan Eufrates qaylla Rehobotpi tiyaq Saúl.

³⁸Saúl wañukapuqtintaq, rantinpi kamachikurqan Akborpa churin Baal-hanán.

³⁹Baal-hanán wañukapuqtintaq, rantinpi kamachikurqan Hadar, llaqtanpa sutintaq karqan Pau, warminpa sutintaq Mehetabel, Matredpa ususin Mezaabpa nietan.

⁴⁰Esaupa kamachikuqninkunaq sutinku mirayninkuman hina tiyanankuman hina karqan: Timna, Alva, Jetet,

⁴¹Aholibama, Ela, Pinón,

⁴²Kenaz, Temán, Mibzar,

⁴³Magdiel, Irampiwan. Chaykunan karqan Edompa kamachikuqninkuna, hap'ikapusqanku hallp'api tiyanankuman hina. Edomqa kikin Esaumi, Edom runakunaq taytan.