Read Quechua Cuzco Bible 1988 1 CRÓNICAS 9 Bible Online

1 CRÓNICAS 9 - Quechua Cuzco Bible 1988 bible

1 CRÓNICAS 9

¹Llapan Israel runakunatan mirayninkuman hina yupasqata qelqarqanku Israel Reykunaq Qelqanpi. Judá suyu runakunan huchanku hawa Babilonia suyuman apasqa karqanku.

²Kutimpusqanku ñawpaqta llaqta wasinkupi tiyaqkunan karqanku wakin Israel runakuna, Sacerdotekuna, Leví runakuna, yupaychana wasipi llank'aqkunapiwan.

³Jerusalenpin tiyarqanku Judá ayllu runakuna, Benjamín ayllu runakuna, Efraín ayllu runakuna, Manasés ayllu runakunapiwan.

⁴Judapa churin Farespa mirayninmanta kutimpuqmi karqan Amiudpa churin Utai (machulankunataq karqan Omri, Imri, Banipiwan).

⁵Judapa churin Siloq mirayninmanta kutimpuqkunan karqan phiwi churin Asaías churinkunantin.

⁶Judapa churin Zeraq mirayninmanta kutimpuqmi karqan Jeuel. Llapan Judá qharikunan soqta pachak isqon chunkayoq karqanku.

⁷Benjaminpa mirayninmanta kutimpuqkunan karqan Mesulampa churin Salú (machulankunataq karqan Hodaviaswan Asenuapiwan),

⁸Jerohampa churin Ibneías, Mikriq churin Uziq churin Ela, Sefatiaspa churin Mesulampiwan. Mesulampa machulankunan karqan Reuelwan Ibniaspiwan.

⁹Llapan Benjamín ayllu qharikuna miraynin qelqaman hina isqon pachak phisqa chunka soqtayoq karqanku. Paykunaqa ayllunkupi umallikunan karqanku.

¹⁰Sacerdotekunamanta kutimpuqkunan karqan: Jedaías, Joiarib, Jakín,

¹¹Hilkiaspa churin Azarías (Azariasmi Diospa wasinpi uma karqan, machulankunataq karqan Mesulam, Sadok, Meraiot, Ahitobpiwan),

¹²Jerohampa churin Adaía (machulankunataq karqan Pasurwan Malkiaspiwan), Adielpa churin Masaipiwan, paypa machulankunataq karqan: Jazera, Mesulam, Mesilemit, Imerpiwan.

¹³Ayllunkupi umalli sacerdotekunan waranqa qanchis pachak soqta chunkayoq karqanku, Diospa wasinpi llank'aykunata allin ruway atiq qharikuna.

¹⁴Leví runakunamanta kutimpuqkunan karqan: Merariq mirayninmanta Hasubpa churin Semaías (paypa machulankunan karqan Azrikamwan Hasabiaspiwan),

¹⁵Bakbakar, Heres, Galal, Mikaiaq churin Matanías (paypa machulankunan karqan Zikriwan Azafpiwan),

¹⁶Semaiaspa churin Obadías (paypa machulankunan karqan Galalwan Jedutunpiwan), Elkanaq churin Asaq churin Berekiaspiwan. Paymi tiyarqan Netofa runakunaq llaqtachankunapi.

¹⁷Punku qhawaqkunamanta kutimpuqkunan karqan: Salum, Akub, Talmón, Ahimán, wawqenkunapiwan. Salumtaq umallinku karqan.

¹⁸Paymi yupaychana wasiq inti lloqsimuy lado reypa punkunta qhawashallarqan. Paykunan karqan Leví runakunaq tiyasqan cheqas punkukuna qhawaqkuna.

¹⁹Ebiasafpa churin Korepa churin Salum, machulan Korepa ayllunmanta wawqenkunapiwan yupaychana wasi punkukunata qhawarqanku, imaynan machulankupas Señor Dioswan Tupana Karpaman haykunata qhawasqaku hinata.

²⁰Ñawpa tiempopin Eleazarpa churin Fineesqa paykunaq umallinku kasqa. ¡Señor Dios paykunawan kachun!

²¹Meselemiaspa churin Zakariasmi yupaychana wasipi punku qhawaq karqan.

²²Llapanpitaq punku qhawaqpaq akllasqa qharikuna karqanku iskay pachak chunka iskayniyoq, mirayninkuman hinataq llaqtankupi qelqasqa karqanku. Paykunatan rey David profeta Samuelpiwan mana kuyuq llank'anankupaq churasqaku.

²³Ahinapin paykunamanpas churinkunamanpas Señor Dios yupaychana wasi punkukuna qhawana tuparqan.

²⁴Punku qhawaqkunaqa tawantin ladopin karqanku: inti lloqsimuypi, inti haykuypi, wichaypi, uraypi ima.

²⁵Tiyasqanku llaqtachakunapi kashaq wawqenkunataq qanchis p'unchay llank'aysiq rirqan tupaqninkuman hina.

²⁶Punku qhawaq Leví runakunamantan tawa umallikuna mana kuyuq llank'arqanku, waqaycharqankutaq Diospa wasinpi kashaq wasikunata qolqe waqaychana wasikunatawan.

²⁷Paykunan Diospa wasinpa muyuriqninpi paqarirqanku qhawananku kasqanrayku, sapa paqartaqmi punkuta kicharinanku karqan.

²⁸Wakinninkuqa yupaychana serviciokuna waqaychaqmi karqanku, chaymi horqorqanku yupasqata, churapurqankupas yupasqallatataq.

²⁹Hukkunataq waqaycharqan kawsaykunata, tukuy ch'uya serviciokunata, hak'uta, vinota, aceiteta, inciensota, q'apaq hawinakunatawan.

³⁰Wakin sacerdotekunataq q'apaq hawinata ruwarqanku.

³¹Leví runakunamanta Korepa ayllun Salumpa phiwi churin Matatiasmi Diospa ñawpaqenpi churana t'antakunata ruwanan karqan.

³²Kohatpa ayllun wakin wawqenkunataq sapa samana p'unchaypaq t'antata ruwarqanku, chaytan mesa pataman churarqanku.

³³Kallarqantaqmi takiqkunapas. Leví ayllukunaq umallinkunan tiyarqanku yupaychana wasiq wasinkunapi, paykunaqa tuta p'unchaymi tukuy llank'aykunata qhawananku karqan, chayraykun wak llank'aykunamanta horqosqa karqanku.

³⁴Chaykunan karqan miraynin qelqaman hina Leví ayllukunaq umallinkuna, Jerusalenpitaq tiyarqanku.

³⁵Gabaón llaqta sayarichiq Jehielmi Gabaonpi tiyarqan, warmintaq Maaka karqan.

³⁶Phiwi churinmi karqan: Abdón, qatiqninkunataq Zur, Kis, Baal, Ner, Nadab,

³⁷Gedor, Ahío, Zakarías, Miklotpiwan,

³⁸Miklot-taq churiyarqan Simeamta. Paykunapas Jerusalenpin tiyallarqankutaq wawqenkunawan kuska.

³⁹Nermi churiyarqan Kista, Kistaq churiyarqan Saulta, Saultaq churiyarqan Jonatanta, Malkishuata, Abinadabta, Es-baaltawan.

⁴⁰Jonatanmi churiyarqan Merib-baalta, Merib-baaltaq churiyarqan Mikaiata.

⁴¹Mikaiaq churinkunataq karqan: Pitón, Melek, Tarea, Ahazpiwan.

⁴²Ahazmi churiyarqan Jarata, Jarataq churiyarqan Alemet-ta, Azmavelta, Zimritawan. Zimritaq churiyarqan Mosata.

⁴³Mosataq churiyarqan Binata, Binataq churiyarqan Refaiata, Refaiataq churiyarqan Elasata, Elasataq churiyarqan Azelta.

⁴⁴Azelpa churinkunan soqta karqan: Azrikam, Bokru, Ismael, Searías, Obadías, Hananpiwan.