Read Quechua Cuzco Bible 1988 ESDRAS 10 Bible Online

ESDRAS 10 - Quechua Cuzco Bible 1988 bible

ESDRAS 10

¹Esdrasqa Diospa wasin qayllapi qonqoriykukuspa, waqayninwan mañakuspa huchankuta willakushaqtinmi, askha Israel runakuna, warmikuna, qharikuna, wawakunapiwan payman huñuykukurqanku, hinaspan khuyayta waqaykullarqankutaq.

²Hinan Elampa mirayninmanta Jehielpa churin Sekaniasqa Esdrasta nirqan: —Diosninchis contran huchallikurqayku mana chaninta ruwaspa, mana Judío warmikunawan casarakuspa. Chaywanpas Israelpaq suyakuy kanraqmi.

³Kunanqa Diosninchiswan rimanakusun, llapan mana Judío warmikunata paykunamanta naceq wawakunatapas wikch'upusunchis. Qanpapas, Diospa siminta manchakuqkunaqpas yuyaychasqaykichista ruwasaqkun, Diospa kamachikusqan simitapas hunt'asaqkun.

⁴Sayariy, qanpa ruwanaykin kayqa, ñoqaykutaq yanapasqaykiku. Kallpachakuy, ruwallayña, nispa.

⁵Chaymi Esdrasqa sayarispa uma sacerdotekunata, Leví runakunata, llapan Israel runakunatawan jurachirqan nisqankuman hina ruwanankupaq. Hinan paykunaqa jurarqanku.

⁶Esdrastaq Diospa wasinmanta lloqsispa Eliasibpa churin Johananpa wasinman ripurqan, chaypi tutantin qhepakuspataq mana mikhurqanpaschu, ukyarqanpaschu, kamachi-kaymanta kutimpuqkunaq huchankumanta llakikuspan.

⁷Chaymantataq Judá suyuntinpi, Jerusalenpipas willachirqan llapan kamachi-kaymanta kutimpuqkuna Jerusalenpi huñukunankupaq.

⁸Hinallataq willachirqan kinsa p'unchay ukhupi mana chayamuqqa, kamachiqkunaq kurak runakunaq yuyaykusqanman hina llapan hallp'an qechusqa kananta, kutimpuqkunaq huñukuyninmantapas qarqosqa kanantawan.

⁹Chaymi Judamanta Benjaminmantawan llapan runakuna Jerusalenpi kinsa p'unchay ukhupi huñuykukurqanku, isqonkaq killa iskay chunka p'unchaypin Diospa wasin qaylla plazapi llapan runa tiyarqan, chay huchamanta para chayashasqanmantawan khatatataspa.

¹⁰Hinan sacerdote Esdrasqa sayarispa nirqan: —Qankunaqa mana Judío warmikunawan casarakuspaykichismi huchallikunkichis, Israelpa huchanman astawan yapaykuspa.

¹¹Kunanqa taytaykichispa Diosnin Señorpa qayllanpi huchaykichista reqsikuychis, munaynintataq ruwaychis. Kay suyu runakunamantapas, mana Judío warmikunamantapas t'aqakuychis, nispa.

¹²Chaymi llapan huñuykusqa runakuna alto kunkawan kutichirqanku: —¡Arí! ¡Nisqaykita hinan ruwasaqku!

¹³Ichaqa askhan kayku, parapas chayashallantaq, chaymi hawapiqa mana qhepakuykumanchu. Askhan kay hucha ruwaqqa kayku, manan huk p'unchaypipas iskay p'unchaypipas tukusunmanchu.

¹⁴Aswanpas uma runakuna llapaykuq rantiykupi qhepakuchun. Hinaspa llaqtanchiskunapi mana Judío warmikunawan casarakuqkuna waqyachisqaman hina hamuchunku kurak runakunawan llaqta juezkunawan kuska. Chay hinapi Diosninchispa phiñakuyninta thasnusunchis, nispa.

¹⁵Chaymi kamachi-kaymanta kutimpuqkunaqa chay yuyaykusqankuman hina ruwarqanku. Ichaqa Asaelpa churin Jonatanpiwan Tikvaq churin Jahaziasllapiwanmi chayta mana munarqankuchu, paykunatataq rimaysirqan Mesulampiwan Leví runa Sabetaipiwan. Chaymantataq sacerdote Esdrasqa akllarqan wakin ayllu uma runakunata, paykunata sutinkumantakama churarqan. Hinan chay uma runakunaqa tiyaykuspa t'aqwiyta qallarirqanku chunkakaq killa qallariy p'unchaypi.

¹⁷Chaymi llapan mana Judío warmikunawan casarakuqkunata t'aqwiyta tukurqanku ñawpaqkaq killa qallariy p'unchaypi.

¹⁸Sacerdotekunamanta mana Judío warmikunawan casarakuqkunan kaykuna karqan: Josadakpa churin Jesuaq mirayninmanta Jesuaq wawqenkunaq mirayninmanta ima: Maasías, Eliezer, Jarib, Gedaliaspiwan.

¹⁹Paykunan cheqaqta prometekurqanku warminkuta wikch'upunankupaq, hinaspan huk borregota huchallikusqankumanta sacrificiota haywarqanku.

²⁰Imerpa mirayninmanta: Hanani, Zebadiaspiwan.

²¹Harimpa mirayninmanta: Maasías, Elías, Semías, Jehiel, Uziaspiwan.

²²Pasurpa mirayninmanta: Elioenai, Maasías, Ismael, Natanael, Jozabad, Elasapiwan.

²³Leví runakunaq mirayninmanta: Jozabad, Simei, Kelita nisqa Kelaía, Petaías, Judá, Eliezerpiwan.

²⁴Takiqkunamanta: Eliasib. Punku qhawaqkunamanta: Salum, Telem, Uripiwan.

²⁵Wakin Israel runakunamanta: Parospa mirayninmanta: Ramía, Jezías, Malkías, Mijamín, Eleazar, Malkías, Benaiapiwan.

²⁶Elampa mirayninmanta: Matanías, Zakarías, Jehiel, Abdi, Jeremot, Eliaspiwan.

²⁷Zatuq mirayninmanta: Elioenai, Eliasib, Matanías, Jeremot, Zabad, Azizapiwan.

²⁸Bebaipa mirayninmanta: Johanán, Hananías, Zabai, Atlaipiwan.

²⁹Baniq mirayninmanta: Mesulam, Maluk, Adaía, Jasub, Seal, Ramotpiwan.

³⁰Pahat-moabpa mirayninmanta: Adna, Kilal, Benaía, Maasías, Matanías, Bezaleel, Binúi, Manasespiwan.

³¹Harimpa mirayninmanta: Eliezer, Isías, Malkías, Semaías, Simeón,

³²Benjamín, Maluk, Semariaspiwan.

³³Hasumpa mirayninmanta: Matenai, Matata, Azabad, Elifelet, Jeremai, Manasés, Simeipiwan.

³⁴Baniq mirayninmanta: Madai, Amram, Uel,

³⁵Benaía, Bedías, Kiluhi,

³⁶Vanías, Meremot, Eliasib,

³⁷Matanías, Matenai, Jaasaipiwan.

³⁸Binuiq mirayninmanta: Simei,

³⁹Selemías, Natán, Adaía,

⁴⁰Maknadebai, Sasai, Sarai,

⁴¹Azareel, Selemías, Semarías,

⁴²Salum, Amarías, Josepiwan.

⁴³Neboq mirayninmanta: Jeiel, Matatías, Zabad, Zebina, Jadau, Joel, Benaiapiwan.

⁴⁴Llapan chaykunan mana Judío warmikunawan casarakusqaku, chaymi warminkuta wawankutapas wikch'upurqanku.