Read Quechua Cuzco Bible 1988 NEHEMÍAS 11 Bible Online

NEHEMÍAS 11 - Quechua Cuzco Bible 1988 bible

NEHEMÍAS 11

¹Llaqta uma runakunataq Jerusalenpi tiyarqanku. Wakin runakunataq sortearqanku sapanka chunka familiamanta huk familiata akllanankupaq. Chay akllasqa familiakunan Jerusalenpi tiyaq rinanku karqan, wakin runakunataq llaqtankupikama qhepakurqanku.

²Runakunan samincharqan llapa munasqankuman hina Jerusalenpi tiyanankupaq rimariqkunata.

³Wakin Israel runakunañataq, sacerdotekuna, Leví runakuna, Diospa wasinpi llank'aqkuna, Salomonpa kamachinkunaq mirayninkuna, Judapi tiyarqanku sapanka llaqtankupi hallp'ankupikama. Kaykunan Jerusalenpi tiyaq Judá hap'iypi umallikuna:

⁴Judá ayllumanta: Uziaspa churin Ataías Barukpa churin Maasiaspiwan. Ataiaspa machulankunan karqan Zakarías, Amarías, Sefatías, Mahalaleelpiwan, paykunan Farespa mirayninmanta karqanku. Maasiaspa machulankunan karqan Kolhoze, Hazarías, Adaías, Joiarib, Zakarías, Silonipiwan.

⁶Farespa mirayninmanta llapan Jerusalenpi tiyaqkunan tawa pachak soqta chunka pusaqniyoq allin qharikuna karqanku.

⁷Benjamín ayllumanta: Mesulampa churin Salú wawqen Gabai Salaipiwan. Salupa machulankunan karqan Joed, Pedaías, Kolaías, Maasías, Itiel, Jesaiaspiwan. Benjamín ayllumantan karqanku isqon pachak iskay chunka pusaqniyoq.

⁹Umallinkutaq Zikriq churin Joel karqan, payman qatiq llaqta umallitaq Senuaq churin Judá karqan.

¹⁰Sacerdotekunamanta: Joiaribpa churin Jedaías, Jakín,

¹¹Hilkiaspa churin Seraiaspiwan. Seraiaspa machulankunan karqan Mesulam, Sadok, Meraiot, Ahitobpiwan. Ahitobmi kasqa Diospa wasinpi uma sacerdote.

¹²Diospa wasinpi llank'aq-masinkunataq pusaq pachak iskay chunka iskayniyoq karqan. Jerohampa churin Adaías, iskay pachak tawa chunka iskayniyoq uma runa wawqenkunapiwan. Adaiaspa machulankunan karqan Pelaías, Amsi, Zakarías, Pasur, Malkiaspiwan. Azarielpa churin Amasai, pachak iskay chunka pusaqniyoq allin maqanakuq wawqenkunapiwan. Umallinkutaq karqan Gedolimpa churin Zabdiel. Amasaipa machulankunan karqan Azai, Mesilemot, Imerpiwan.

¹⁵Leví runakunamanta: Hasubpa churin Semaías, paypa machulankunan karqan Azrikam, Hasabías, Bunipiwan.

¹⁶Sabetai Jozabadpiwan, paykunan Leví runakunaq umallinkuna karqanku Diospa wasin qayllapi llank'anakunata llank'achiq.

¹⁷Mekalaq churin Matanías, paypa machulankunan karqan Zabdi, Asafpiwan. Mataniasqa Diospa wasinpi takiqkunata takichiqmi karqan, paykunan mañakuy horas yupaychayta gracias-qoyta takirqanku. Bakbukiasmi wawqen Matanías yanapaq karqan. Samuaq churin Abda, paypa machulankunan karqan Galal, Jedutunpiwan.

¹⁸Ch'uya llaqtapi tiyaq llapan Leví runakunan iskay pachak chunka tawayoq karqan.

¹⁹Punku qhawaqkunamanta: Akub, Talmón, wawqenkunapiwan. Paykunan punkukunata qhawaq karqanku, pachak qanchis chunka iskayniyoq karqanku.

²⁰Wakin Israel runakunataq, sacerdotekuna, Leví runakuna Judapi tiyarqanku sapanka llaqtankupi hallp'ankupikama.

²¹Diospa wasinpi llank'aqkunataq Ofel nisqa moqo qallariypi tiyarqanku, umallinkutaq Ziha, Gispapiwan karqan.

²²Jerusalenpi tiyaq Leví runakunaq umallintaq Baniq churin Uzi karqan. Machulankunan karqan Hasabías, Matanías, Mikaiaspiwan. Uziqa Asafpa mirayninmantan karqan, Asafpa mirayninkunan Diospa wasinpi takikunata takichiq karqanku.

²³Ñawpaqñan reyqa takiqkunapaq kamachikusqa t'aqankuman hina sapa p'unchay takichinankupaq.

²⁴Judá ayllu Zeraq mirayninmanta Mesezabeelpa churin Petaiastaq Israel runakunaq tukuy kawsayninmanta Persia reyman yuyaychaq karqan.

²⁵Wakin Judá ayllu runakunataq tiyarqanku Kiriat-arba llaqtapi, Dibón llaqtapi, Jekabseel llaqtapi,

²⁶Jesúa llaqtapi, Molada llaqtapi, Bet-pelet llaqtapi,

²⁷Hazar-sual llaqtapi, Beerseba llaqtapi,

²⁸Siklag llaqtapi, Mekona llaqtapi,

²⁹En-rimón llaqtapi, Zora llaqtapi, Jarmut llaqtapi.

³⁰Zanoa llaqtapi, Adulam llaqtapi, Lakis llaqtapi, Azeka llaqtapiwan, sapanka ayllunpi hallp'ankupikama. Ahinatan Beersebamanta Hinom nisqa Wayq'okama tiyarqanku.

³¹Benjamín ayllu runakunataq tiyarqanku Geba llaqtapi, Mikmas llaqtapi, Aía llaqtapi, Betel llaqtapi ayllunkunapiwan,

³²Anatot llaqtapi, Nob llaqtapi, Ananías llaqtapi,

³³Hazor llaqtapi, Ramá llaqtapi, Gitaim llaqtapi,

³⁴Seboim llaqtapi, Nebalat llaqtapi,

³⁵Lod llaqtapi, Ono llaqtapi, Llank'aqkunaq Wayq'on nisqapiwan.

³⁶Judá ayllu hallp'api tiyaq Leví runakunaq wakin t'aqankunan Benjamín aylluman tiyaq ripurqanku.