Read Quechua Cuzco Bible 1988 NEHEMÍAS 3 Bible Online

NEHEMÍAS 3 - Quechua Cuzco Bible 1988 bible

NEHEMÍAS 3

¹Uma sacerdote Eliasibmi sacerdote masinkunapiwan Oveja Punku perqata wakmanta sayarichirqanku, chaytan Señor Diospaq t'aqarqanku, hinaspan punkuta churarqanku. Pachak Runaq Torren nisqamanta Hananeel Torre nisqakama perqata sayarichirqanku, hinaspan Señor Diospaq t'aqarqanku.

²Chayman qatiq cheqastataq Jericó qharikuna wakmanta sayarichirqanku. Chayman qatiq cheqastataq Imriq churin Zakur sayarichirqan.

³Senaaq ayllunkunataq Challwa Punkuta sayarichirqanku, punku perqaman kurkukunata churarqanku, hinaspan punkuta churarqanku allin hap'ichisqata p'utiyoqta ima.

⁴Chayman qatiq cheqastataq Kospa churin Uriaspa churin Meremot allicharqan. Chayman qatiq cheqastataq Mesezabeelpa churin Berekiaspa churin Mesulam allicharqan. Chayman qatiq cheqastataq Baanaq churin Sadok allicharqan.

⁵Chayman qatiq cheqastataq Tekoa llaqtayoq qharikuna allicharqanku, apunkunataq ichaqa mana llank'ayta munarqankuchu uma runakunaq llank'anapaq t'aqasqanta.

⁶Ñawpa Punkutataq Paseahpa churin Joiada, Besodiaspa churin Mesulampiwam allicharqanku, punku perqaman kurkukunata churarqanku. Hinaspan punkuta churarqanku allin hap'ichisqata p'utiyoqta ima.

⁷Chayman qatiq cheqastataq allicharqanku Gabaón llaqtayoq Melatías, Meronot llaqtayoq Jadón, Gabaón llaqta Mizpa llaqta runakunapiwan. Paykunan Eufrates mayu inti haykuy lado hap'iy kamachikuqpa tiyanan wasikama llank'arqanku.

⁸Chayman qatiq cheqastataq qori takaq Harhaiaq churin Uziel allicharqan, chayman qatiq cheqastataq q'apaq hawina ruwaq Hananías allicharqan, paykunan Jerusalén perqata sayarichirqanku Ancho Perqakama.

⁹Chayman qatiq cheqastataq Hurpa churin Refaías allicharqan, paymi karqan Jerusalén kuskan distrito kamachiq.

¹⁰Chayman qatiq cheqastataq Harumafpa churin Jedaías wasin chimpata allicharqan. Chayman qatiq cheqastataq Hasabniaspa churin Hatús allicharqan.

¹¹Chayman qatiq cheqastataq Harunpa churin Malkías, Pahat-moabpa churin Hasubpiwan allicharqanku Hornokunaq Torren nisqatawan.

¹²Chayman qatiq cheqastataq Halohespa churin Salum ususinkunapiwan allicharqanku, payqa Jerusalén kuskan distrito kamachiqmi karqan.

¹³Wayq'o Punkutataq allicharqanku Hanún, Zanoamanta runakunapiwan, sayarichispankutaq punkuta churarqanku allin hap'ichisqata p'utiyoqta ima. Hinallataq paykuna allicharqanku tawa pachak phisqa chunkayoq metro perqata Q'opa Hich'ana Punkukama.

¹⁴Chay Q'opa Hich'ana Punkutataq sayarichirqan Rekabpa churin Malkías, Bet-hakirem distrito kamachiq, paymi churarqan punkuta allin hap'ichisqata p'utiyoqta ima.

¹⁵Kolhozeq churin Salummi, Mizpa distrito kamachiq Unu Pukyu Punkuta allicharqan, sayarichispa qatarqan, hinaspan punkuta churarqan allin hap'ichisqata p'utiyoqta ima. Hinallataq reypa huertan qayllapi kashaq Siloé qochana perqatapas allicharqan, Davidpa llaqtanmanta uraykuq pata-patakama.

¹⁶Chayman qatiq cheqastataq Betsur kuskan distrito kamachiq Azbukpa churin Nehemías allicharqan, Davidpa ayan p'ampana chimpakama, ruwasqa qochana cheqaskama, soldadokunaq wasin cheqaskama ima.

¹⁷Chayman qatiq cheqaskunatataq Leví runakuna allicharqan. Baniq churin Rehum qallarirqan. Chayman qatiq cheqastataq Keila distritoq kuskannin kamachiq Hasabías allicharqan distritonpa rantinpi.

¹⁸Chayman qatiq cheqastataq allicharqan Henadadpa churin Bavai, paymi Keila distritoq kuskannin kamachiq karqan.

¹⁹Chayman qatiq cheqastataq Mizpa llaqta kamachiq Jesuaq churin Ezer allicharqan, arma waqaychana wasi chimpa perqa muyurinakama.

²⁰Chayman qatiq cheqastataq Zebaipa churin Baruk allicharqan, muyurinamanta uma sacerdote Eliasibpa wasin punkukama.

²¹Chayman qatiq cheqastataq Kospa churin Uriaspa churin Meremot allicharqan Eliasibpa wasin punkumanta chay kikin wasi tukukuykama.

²²Chayman qatiq cheqastataq Jordán mayu pampamanta sacerdotekuna allicharqanku.

²³Chayman qatiq cheqastataq Benjaminpiwan Hasubpiwan wasinkuq chimpanta allicharqanku. Chayman qatiq cheqastataq Ananiaspa churin Maasiaspa churin Azarías wasinpa chimpanta allicharqan.

²⁴Chayman qatiq cheqastataq Henadadpa churin Binúi allicharqan Azariaspa wasinmanta perqa muyurinakama.

²⁵Chayman qatiq cheqastataq Uzaipa churin Palal perqa muyurina chimpata allicharqan, hinallataq reypa wasin torretawan, chayqa guardiakunaq pation qayllapin kashan. Chayman qatiq cheqastataq Farospa churin Pedaías Ofel nisqa moqo qallariypi tiyaq Diospa wasinpi llank'aqkunapiwan allicharqanku, Unu Punku inti lloqsimuy lado cheqaskama, hinallataq Diospa wasin rikuna torrekama.

²⁷Chayman qatiq cheqastataq Tekoa llaqtayoq qharikuna Diospa wasin rikuna torre qayllamanta Ofel perqakama allicharqanku.

²⁸Sacerdotekunataq sapanka allicharqanku Caballo Punkumanta wasinkuq chimpantakama.

²⁹Chayman qatiq cheqastataq Imerpa churin Sadok wasin chimpata allicharqan. Chayman qatiq cheqastataq Inti lloqsimuy Punku qhawaq Sekaniaspa churin Semaías allicharqan.

³⁰Chayman qatiq cheqastataq Selemiaspa churin Hananiaspiwan Salafpa soqtakaq churin Hanunpiwan allicharqanku. Chayman qatiq cheqastataq Berekiaspa churin Mesulam wasin chimpata allicharqan.

³¹Chayman qatiq cheqastataq qori takaq Malkías Diospa wasinpi llank'aqkunaq qhatuqkunaq wasinkama allicharqan, chay wasin Huñukuna Punku chimpapi kashan. Hinallataq perqa muyurina patapi wasikama allicharqan.

³²Chayman qatiq cheqastataq qolqe takaqkuna qhatuqkunapiwan chay wasimanta Oveja Punkukama allicharqanku.