Read Quechua Cuzco Bible 1988 NEHEMÍAS 7 Bible Online

NEHEMÍAS 7 - Quechua Cuzco Bible 1988 bible

NEHEMÍAS 7

¹Llaqta muyuriq perqa sayarichiyta tukuspan punkukunatapas churaspa punku qhawaqkunata, takiqkunata, Leví runakunata churarqayku.

²Hinan iskay qharikunata akllarqani Jerusalenpi kamachikunanpaq, wawqey Hananita, Jerusalén pukara kamachikuq Hananiastawan. Hananiasqa chanin runan karqan, hukkunamantapas Diosta aswan manchakuq.

³Paykunatataq nirqani: —Jerusalén punkukunaqa allin inti lloqsimuytaña kicharikunqa, allintataq p'utinkunawan wisq'akunqa manaraq inti chinkaykushaqtin, punku qhawaqkunapas chaypiraq kashaqtin. Hinallataq churaychis Jerusalenpi tiyaqkunamanta waqaychaqkunata, wakinta llaqta qhawana cheqaspi, wakintataq wasinku chimpapi, nispa.

⁴Llaqtaqa hatunmi karqan campoyoqtaq, ichaqa pisillan runa karqan, wasikunapas pisillaraqmi karqan.

⁵Diosmi sonqoyman rimaykuwarqan oficialkunata, apukunata, llapa runakunata huñuspa mirayninkuman hina yupanaypaq. Kamachi-kaymanta ñawpaq kutimpuq runakunaq yupachikusqanku qelqatan tarirqani, chaypin kay hina qelqasqa kasqa:

⁶Kaymi Judapi naceq Israel runakuna yupasqa qelqa. Paykunatan rey Nabukodonosorqa Babilonia suyuman presota apasqa. Chaymantañataq paykunaqa Jerusalenman Judapi huk cheqaskunamanwan kutimpusqaku, sapanka llaqtankumankama. Umallinkunataq kaykuna karqan: Zorobabel, Jesúa, Nehemías, Azarías, Raamías, Nahamani, Mardokeo, Belsán, Misperet, Bigvai, Nehum, Baanapiwan.

⁷

⁸Parospa mirayninkuna: iskay waranqa pachak qanchis chunka iskayniyoq,

⁹Sefatiaspa mirayninkuna: kinsa pachak qanchis chunka iskayniyoq,

¹⁰Araq mirayninkuna: soqta pachak phisqa chunka iskayniyoq,

¹¹Pahat-moabpa miraynin Jesuaq Joabpapiwan ayllunkuna: iskay waranqa pusaq pachak chunka pusaqniyoq,

¹²Elampa mirayninkuna: waranqa iskay pachak phisqa chunka tawayoq,

¹³Zatuq mirayninkuna: pusaq pachak tawa chunka phisqayoq,

¹⁴Zakaiq mirayninkuna: qanchis pachak soqta chunkayoq,

¹⁵Binuiq mirayninkuna: soqta pachak tawa chunka pusaqniyoq,

¹⁶Belbaipa mirayninkuna: soqta pachak iskay chunka pusaqniyoq,

¹⁷Azagadpa mirayninkuna: iskay waranqa kinsa pachak iskay chunka iskayniyoq,

¹⁸Adonikampa mirayninkuna: soqta pachak soqta chunka qanchisniyoq,

¹⁹Bigvaipa mirayninkuna: iskay waranqa soqta chunka qanchisniyoq,

²⁰Adinpa mirayninkuna: soqta pachak phisqa chunka phisqayoq,

²¹Aterpa miraynin Ezekiaspa ayllun: isqon chunka pusaqniyoq,

²²Hasumpa mirayninkuna: kinsa pachak iskay chunka pusaqniyoq,

²³Bezaipa mirayninkuna: kinsa pachak iskay chunka tawayoq,

²⁴Harifpa mirayninkuna: pachak chunka iskayniyoq,

²⁵Gabaonpa mirayninkuna: isqon chunka phisqayoq,

²⁶Belén llaqta Netofa llaqta runakuna: pachak pusaq chunka pusaqniyoq,

²⁷Anatot llaqta runakuna: pachak iskay chunka pusaqniyoq,

²⁸Bet-azmavet llaqta runakuna: tawa chunka iskayniyoq,

²⁹Kiriat-jearim llaqta, Kafira llaqta, Beerot llaqta runakuna: qanchis pachak tawa chunka kinsayoq,

³⁰Geba llaqta, Ramá llaqta runakuna: soqta pachak iskay chunka hukniyoq,

³¹Mikmas llaqta runakuna: pachak iskay chunka iskayniyoq,

³²Betel llaqta Hai llaqta runakuna: pachak iskay chunka kinsayoq,

³³hukkaq Nebo llaqta runakuna: phisqa chunka iskayniyoq,

³⁴hukkaq Elam llaqta runakuna: waranqa iskay pachak phisqa chunka tawayoq,

³⁵Harim llaqta runakuna: kinsa pachak iskay chunkayoq,

³⁶Jericó llaqta runakuna: kinsa pachak tawa chunka phisqayoq,

³⁷Lod llaqta, Hadid llaqta, Ono llaqta runakuna: qanchis pachak iskay chunka hukniyoq,

³⁸Senaa llaqta runakuna: kinsa waranqa isqon pachak kinsa chunkayoq.

³⁹Sacerdotekunamanta: Jesúa ayllumanta Jedaiaspa mirayninkuna: isqon pachak qanchis chunka kinsayoq,

⁴⁰Imerpa mirayninkuna: waranqa phisqa chunka iskayniyoq,

⁴¹Pasurpa mirayninkuna: waranqa iskay pachak tawa chunka qanchisniyoq,

⁴²Harimpa mirayninkuna: waranqa chunka qanchisniyoq,

⁴³Leví runakunamanta: Hadaviaspa churinkunaq Jesuaq Kadmielpapiwan mirayninkuna: qanchis chunka tawayoq.

⁴⁴Diospa wasinpi takiqkunamanta: Asafpa mirayninkuna: pachak tawa chunka pusaqniyoq,

⁴⁵punku qhawaqkunamanta: Salumpa, Aterpa, Talmonpa, Akubpa, Hatitaq, Sobaipa mirayninkuna: pachak kinsa chunka pusaqniyoq.

⁴⁶Diospa wasinpi llank'aqkunan karqan: Zihaq mirayninkuna, Hasufaq mirayninkuna, Tabaotpa mirayninkuna,

⁴⁷Kirospa mirayninkuna, Siahaq mirayninkuna, Padonpa mirayninkuna.

⁴⁸Lebanaq mirayninkuna, Hagabaq mirayninkuna, Salmaipa mirayninkuna,

⁴⁹Hananpa mirayninkuna, Gidelpa mirayninkuna, Gaharpa mirayninkuna,

⁵⁰Reaiaq mirayninkuna, Rezinpa mirayninkuna, Nekodaq mirayninkuna,

⁵¹Gazampa mirayninkuna, Uzaq mirayninkuna, Paseahpa mirayninkuna,

⁵²Besaipa mirayninkuna, Mehunimpa mirayninkuna, Nefisesimpa mirayninkuna,

⁵³Bakbukpa mirayninkuna, Hakufaq mirayninkuna, Harhurpa mirayninkuna,

⁵⁴Bazlutpa mirayninkuna, Mehidaq mirayninkuna, Harsaq mirayninkuna,

⁵⁵Barkospa mirayninkuna, Sisaraq mirayninkuna, Temaq mirayninkuna,

⁵⁶Neziaq mirayninkuna, Hatifaq mirayninkunapiwan.

⁵⁷Salomonpa kamachinkunaq mirayninkunan karqan: Sotaipa mirayninkuna, Soferetpa mirayninkuna, Peridaq mirayninkuna,

⁵⁸Jaalaq mirayninkuna, Darkonpa mirayninkuna, Gidelpa mirayninkuna,

⁵⁹Sefatiaspa mirayninkuna, Hatilpa mirayninkuna, Pokeret-hazebaimpa mirayninkuna, Amonpa mirayninkunapiwan.

⁶⁰Diospa wasinpi llapan llank'aqkuna Salomonpa kamachinkunaq mirayninkunapiwan karqan kinsa pachak isqon chunka iskayniyoq.

⁶¹Tel-mela llaqtamanta, Tal-harsa llaqtamanta, Kerub llaqtamanta, Adón llaqtamanta, Imer llaqtamantawan wakin chayamuqkuna Israelpa miraynin kasqankuta mana sut'inchayta atirqankuchu.

⁶²Kaykunan chaykuna: Delaiaq, Tobiaspa, Nekodaq mirayninkuna: soqta pachak tawa chunka iskayniyoq.

⁶³Hinallataq sacerdotekunaq mirayninkunamantapas: Habalaspa mirayninkuna, Kospa mirayninkuna, Barzilaipa mirayninkuna (chay runan Galaadmanta Barzilaipa ususinwan casarakuspa suegronpa sutinwan sutichakapusqa).

⁶⁴Chaykunan mirayninku qelqata maskhaspa sutinkuta mana tarirqankuchu, chaymi sacerdote-kayninkumanta wikch'usqa karqanku.

⁶⁵Hinallataq kamachikuqpas paykunata kamachirqan Diospaq t'aqasqa mikhunata mana mikhunankupaq, Diospa munaynin watuna Urimwan Tumimwan tapuq sacerdoteq kanankama.

⁶⁶Llapa huñuykusqan tawa chunka iskayniyoq waranqa kinsa pachak soqta chunkayoq karqanku.

⁶⁷Warmi kamachikunapas qhari kamachikunapas sapaq qanchis waranqa kinsa pachak kinsa chunka qanchisniyoq karqanku, hinallataq takiq warmikuna takiq qharikunapas iskay pachak tawa chunka phisqayoq karqanku.

⁶⁸Caballonkupas qanchis pachak kinsa chunka soqtayoq, mulankupas iskay pachak tawa chunka phisqayoq,

⁶⁹Camellonkupas tawa pachak kinsa chunka phisqayoq, asnonkupas soqta waranqa qanchis pachak iskay chunkayoq karqan.

⁷⁰Wakin ayllu uma runakunataq llank'anapaq ofrendankuta churarqanku. Kamachikuqmi tesoreroman qorqan pusaq kilo qorita, phisqa chunka puruñata, phisqa pachak kinsa chunkayoq sacerdote p'achakunatawan.

⁷¹Wakin ayllu uma runakunapas llank'anapaq tesoreroman qorqan pachak soqta chunkayoq kilo qorita, waranqa iskay pachak chunkayoq kilo qolqetawan.

⁷²Wakin runakunapas qollarqantaq pachak soqta chunkayoq kilo qorita, waranqa pachakniyoq kilo qolqeta, soqta chunka qanchisniyoq sacerdote p'achakunatawan.

⁷³Hinan sacerdotekuna, Leví runakuna, punku qhawaqkuna, takiqkuna, wakin runakuna, Diospa wasinpi llank'aqkunapiwan tiyapurqanku.