Read Quechua Cuzco Bible 1988 SALMOS 116 Bible Online

SALMOS 116 - Quechua Cuzco Bible 1988 bible

SALMOS 116

¹Señor Diosmi waqyakuspa mañakusqayta uyariwarqan, chaymi payta munakuni.

²Makillan uyariykamuwarqan, chaymi llapa kawsasqay p'unchaykunapi payta waqyakusaq.

³Wañuy manchapakuykunan ñit'iykuwarqan, Wañuy-pacha llaki-phutiykunan hap'iwarqan, llakipakuymi nanaymi muchuchiwarqan.

⁴Chaypachan Señor Diosta waqyarikurqani: ¡Señor Diosníy, kawsayniyta qespichiway! nispa.

⁵Señor Diosqa sumaq sonqon chanintaqmi, Diosninchisqa llakipayakuqmi.

⁶Señor Diosqa wawa sonqokunatan waqaychan, mana kallpayoq kashaqtiymi qespichiwarqan.

⁷Sonqolláy, kunanqa sumaqta samariy, Señor Diosqa sumaqta rikuwasqanrayku.

⁸Paymi wañuymanta qespichiwarqan, paymi waqasqaytapas pichawarqan, paymi urmaymantapas waqaychawarqan.

⁹Chaymi kay pacha kawsaqkunawan kuska tiyaspa Señor Diospa qayllanpi purisaq.

¹⁰Ñoqaqa iñirqanin: ¡Sinchi llakiq ñit'isqanmi kani! nishaspaypas,

¹¹llapa runan llulla, nispa, llaksasqa nishaspaypas.

¹²¿Imaynatan Señor Diosman kutichipusaq tukuy allinkunata ruwapuwasqanmanta?

¹³Vino ofrendatan Señor Diosman apasaq qespichiwasqanmanta agradecekunaypaq.

¹⁴Llapa runakunaq rikushasqanmi Señor Diosman prometekusqaykunata qopusaq.

¹⁵May llakikuymi Señor Diospaqqa payman sonqollikuqkunaq wañusqanqa.

¹⁶¡Señor Diosníy, kamachiykipunin kani! ¡Warmi kamachiykiq wawanmi kani! Qanmi wañuymanta kacharichiwarqanki.

¹⁷Agradecekuy sacrificiotan haywasqayki, Señor Diosníy, qanmantan mañakusqayki.

¹⁸Llapa runaykikunaq rikushasqanmi prometekusqaykunata qopusqayki,

¹⁹wasiyki patiokunapin qopusqayki, Jerusalén llaqta ukhupin haywasqayki. ¡Yupaychasqa Señor Diosqa kachun!