Read Quechua Cuzco Bible 1988 SALMOS 48 Bible Online

SALMOS 48 - Quechua Cuzco Bible 1988 bible

SALMOS 48

¹Korepa churinkunaq takin Hatunmi Señor Diosqa, Diosninchisqa llaqtanpipas ancha yupaychanapaq hinapunin. Zafón nisqa hatun orqo hinan Diospa ch'uya orqon Sionqa. ¡Ima munaytan sayashan! ¡Teqsimuyuntinpa q'ochukunanmi! ¡Hatun reypa llaqtanmi!

³Diosqa pukarasqa wasinkunapin cheqaq waqaychakuq kasqanta reqsichikun.

⁴Kay pacha reykunan huñunakurqanku, chay llaqta contran puririrqanku.

⁵Llaqtata rikuspankun utirayarqanku, muspharqanku, usqhaylla ayqerqanku.

⁶Q'aqchasqan karqanku, wachakushaq warmi hinan nanaywan q'ewiykachakurqanku,

⁷imaynan mama qochanta puriq barcokunata inti lloqsiy wayra p'akirqarin, chay hinan karqanku.

⁸Imaynatachus uyarirqanchis, chay hinatan rikurqanchis Tukuy-atiyniyoq Señor Diospa llaqtanpi, Diosninchispa llaqtanpi. Chay llaqtatan Diosqa wiñaypaq allinta sayachin.

⁹Diosniyku, wasiyki ukhupin mana p'itiy munakuyniykita yuyarikuyku.

¹⁰Diosniyku, imaynan sutiykiqa pachantinpi reqsisqa, ahinan teqsimuyuntinpi yupaychasqa kanki, paña makiykiwanmi chaninchashallankipuni.

¹¹Sión llaqtan kusikun, Judapi llaqtakunan q'ochukun, huchachanata hinapuni huchachasqaykirayku.

¹²Sión llaqta muyuriqta puriychis, torrenkunata yupaychis,

¹³muyuriq perqantapas allinta qhawaychis, pukarasqa perqankunatapas allinta rikuychis, qhepa wiñayman willanaykichispaq: Chhaynan Diosninchisqa, paymi wiñaypaq Diosninchisqa, paymi wiñaykamapas pusashallawasunpuni, nispa.