Read Quechua Cuzco Bible 1988 SALMOS 7 Bible Online

SALMOS 7 - Quechua Cuzco Bible 1988 bible

SALMOS 7

¹Davidpa takin Apu Señor Diosnilláy, qanmanmi hap'ipakamuyki, qespichiway tukuy qatiykachawaqniymanta,

²paqtan mana pipas qespichiwaqniy kaqtin, hoqarirqowaspa león hina llik'irqariwankuman.

³Apu Señor Diosnilláy, mana chanintachus ruwarqani chayqa, reqsisqaymanchus mana allinwan kutichirqani chayqa, yanqapunichus awqayta saruncharqani chayqa, chaykunatachus ruwarqani chayqa,

⁵awqay qatiykachawachun, taripamuwaspa t'ustuwachun, pampaman wañuqllataña ch'aqewachun.

⁶¡Señor Diosníy, manchay phiñasqa sayariy! ¡K'arakta phiñakuspayki awqaykunawan maqanakuy! ¡Sayarispayki chaninchaykapuway!

⁷Hatun suyukuna muyuriqniykipi huñukuchunku, hanaqninkumanta paykunata kamachiy.

⁸Señor Diosníy, llaqtakunata juzgay, Señor Diosníy, chanin kasqayman hina chaninchaway, cheqan kawsasqayman hina taripaway.

⁹Qanqa chanin Diosmi kanki, qanmi yuyaytapas sonqotapas t'aqwinki. Millay runakunaq mana chanin ruwasqanta tukullayña, chanin runatataq ichaqa takyachiy.

¹⁰Diosmi amachawaqniyqa, paymi chanin sonqoyoqkunata qespichin.

¹¹Diosqa chanin juezmi, Diosqa tukuy tiempollapunin mana chanin ruwaqta huchachan.

¹²Manataq Diosman kutirikapuqtinqa, Diosmi espadanta ñawch'iyachinqa. P'eqtantan[2] chutanña, watuchasqatañan hap'ishan.

¹³Wañuy armakunatan sayachishan, wach'iy-wach'iyñan sansashaq wach'inankuna kashan.

¹⁴Qhawariychis millay runata, mana chaninkaqtan paqarichin, mana allinkaqtan wiksallichin, hinaspan llullata wachakun.

¹⁵T'oqotan ukhullataña hasp'in, t'oqosqallanmantaqmi urmaykun.

¹⁶Mana chanin ruwasqanpas payllamantaqmi kutin, mana allin ruwasqanpas payllamantaqmi chayan.

¹⁷Señor Diosmi chaninchaqqa, chaymi payta yupaychasaq, Qollana Señor Diosman takikunata takisaq.