Read Quechua Cuzco Bible 1988 CANTARES 7 Bible Online

CANTARES 7 - Quechua Cuzco Bible 1988 bible

CANTARES 7

¹Ñust'alláy, ¡imayna munaychan usut'ayoq chakiykiqa! Puriqtiykin teqniykikunaqa alhajakunaman rikch'akun, allin yachaqpa ruwasqan alhajakunaman rikch'akun.

²Pupuykiqa muyu qeru hinan, chaypiqa sumaq vinoqa kashallanpunin. Wiksaykiqa hamanq'ay t'ikawan muyuykachisqa trigo huñusqa hinan.

³Iskaynin ñuñuykiqa taruka mellizo uñakuna hinan.

⁴Kunkaykiqa marfil torre hinan. Ñawiykiqa Hesbón llaqtapi Bat-Rabim nisqa punku qayllapi iskay unu p'uytu hinan. Senqaykiqa Damasco llaqtaman qhawaq Líbano orqopi torre hinan.

⁵Umaykiqa Carmelo orqo hinan munayman rikch'achisunki, pakasqa chukchaykipas sani-pukamanmi saman, chay chukchaykin reypa sonqonta suwan.

⁶Sonqolláy, ima sumaqmi kanki, sonqo suwan kanki, q'ochurichishawankin.

⁷Palmera sach'a hina sikllan kanki, ñuñuykipas dátil nisqa rurukuna hina p'utiy-p'utin.

⁸Ñoqan nirqani: Palmeraman wichasaq, dátil nisqa rurukunata pallasaq, nispa. Ñuñuykiqa rurusapa uvas ch'ampa hina kachun, samasqaykipas manzana hina q'apachun,

⁹simiykiqa sumaq vino hina kachun. Chay hinaqa, munakusqallaypaq chay vinoqa kachun, siminpaqpas kirunpaqpas llamp'ullaña kachun.

¹⁰Ñoqaqa munakusqaypaqmi kani, sonqonqa aysakamushallawanpunin.

¹¹Munakusqalláy, haku campota risun, alheña t'ika-t'ika ukhupi puñumusun.

¹²Tutallamanta uvas chakrakunaman risun, ichapaschá ch'ikchishanmanña, ichapaschá mukmunkuna phanchishanmanña, ichapaschá granada mallkikuna t'ikashanmanña, chaypin munakamusqayki.

¹³Munakusqalláy, mandrágora t'ikakunan q'aparishan, punkunchispitaqmi imaymana misk'i fruta kashan, unay pallamusqatapas chayllaraq poqosqatapas waqaychapurqaykin.