Read Quechua Cuzco Bible 1988 ISAÍAS 39 Bible Online

ISAÍAS 39 - Quechua Cuzco Bible 1988 bible

ISAÍAS 39

¹Chay p'unchaykunapin Babilonia rey Baladanpa churin Merodak-balanqa uyarirqan Ezekiaspa onqosqanta qhaliyasqantawan, chaymi runakunawan cartakunata qokuytawan apachirqan.

²Ezekiastaq kachapurikunata kusisqa chaskirqan, hinaspan lliwta qhawachirqan qhapaq-kayninta, qolqenta, qorinta, q'apaq hawinankunata, q'apaq aceitenkunata, arma waqaychana wasinta, llapan waqaychana wasinkunatapas. Manan imallapas karqanchu wasinpipas suyunpipas mana qhawachisqaqa.

³Hinan profeta Isaiasqa Ezekiasman rispan tapuykurqan: —¿Maymantan chay runakuna hamusqa? ¿Ima ninkun? nispa. Chaymi Ezekiasqa nirqan: —Karu suyumantan hamusqaku, Babilonia suyumantaraq, nispa.

⁴Hinan Isaiasqa tapuykurqan: —¿Imatan wasiykipi rikurqanku? nispa. Ezekiastaq nirqan: —Lliwtapunin rikurqanku, manan imallatapas manaqa qhawachirqanichu, nispa.

⁵Chaymi Isaiasqa nirqan: —Tukuy-atiyniyoq Señor Diospa nisqanta uyariy:

⁶Huk p'unchaymi wasiykipi kaqkunapas kunankama machulaykikunaq huñusqan kaqkunapas llapallan Babilonia suyuman apasqa kanqa. Manapunin imachallapas kaypi puchunqachu.

⁷Wakin wawaykikunatawanraqmi Babiloniaman apanqaku, chaypin kaparqospanku reypa wasinpi kamachipaq churanqaku, nispan, nispa.

⁸Ezekiastaq Isaiasman kutichirqan: —Señor Diospa willakuynin apamuwasqaykiqa allinpunin, nispa. Payqa yuyarqan: Kawsasqay p'unchaykunaqa thak-kaymi kanqa, manan ima sasachakuypas kanqachu, nispanmi.