Read Quechua Cuzco Bible 1988 EZEKIEL 48 Bible Online

EZEKIEL 48 - Quechua Cuzco Bible 1988 bible

EZEKIEL 48

¹Israel suyuq wichay lado qorpanmi mama qochamanta qallarispa, Hetlón llaqtanta Hamat Q'asanta pasaspa Hazar-enán llaqtakama chayanqa, Damasco llaqtaq hallp'anwan Hamat llaqtaq hallp'anwanqa aswan wichayniqpiraqmi kashan. Dan aylluq hallp'anpa qorpanmi chay wichay qorpamanta kanqa. Inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²Aser aylluq hallp'anmi Dan aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

³Neftalí aylluq hallp'anmi Aser aylluq hallp'anpa uranpi kanqa. Inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

⁴Manasés aylluq hallp'anmi Neftalí aylluq hallp'anpa uranpi kanqa. Inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

⁵Neftalí aylluq hallp'anmi Manasés aylluq hallp'anpa uranpi kanqa. Inti haykuy qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

⁶Rubén aylluq hallp'anmi Efraín aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

⁷Judá aylluq hallp'anmi Efraín aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

⁸Judá aylluq hallp'anpa uranpin Señor Diospaq t'aqasqaykichis hallp'aqa kanqa, inti lloqsimuy ladomanta inti haykuy ladokama chunka iskayniyoq phasmin kilómetro, wichay ladomanta uray ladokamataq chunka iskayniyoq phasmin kilometrollataq. Chay chawpipitaqmi Dios yupaychana wasi kanqa.

⁹Chay hallp'a chawpipin Señor Diosman qosqaykichis hallp'aqa kanqa, wask'anman chunka iskayniyoq phasmin kilómetro hina, anchonmantaq chunka kilómetro hina.

¹⁰Chay hallp'apin sacerdotekunaq ch'uya hallp'an kanqa, wask'anman chunka iskayniyoq phasmin kilómetro, anchonmantaq phisqa kilómetro. Chaypa chawpinpitaqmi Dios yupaychana wasi kanqa.

¹¹Chay hallp'ataqmi kanqa Señor Diospaq t'aqasqa Sadokpa miraynin sacerdotekunapaq. Paykunaqa Israel runakunaña Leví ayllu wakin runakunapiwan ñoqa Señor Diosta wasanchawaspa mana allinta ruwashaqtinkun iman kaqllapuni servishawarqanku.

¹²Chayraykun ch'uya hallp'amanta huk regalota hina hallp'ata chaskinqaku, ancha ch'uya hallp'ata. Qorpantaqmi kanqa Leví runakunaq qorpanwan.

¹³Sacerdotekunaq hallp'anwan kuskan Leví ayllu runakunaq hallp'anpas kanqa, wask'anmanmi chunka iskayniyoq phasmin kilómetro kanqa, anchonmantaq phisqa kilómetro.

¹⁴Chaymi kanqa suyuntinmanta aswan allin hallp'a, manataqmi pipas atinqachu vendeyta, qonakuyta, hukman qoytapas, Señor Diospaq t'aqasqa kasqanrayku.

¹⁵Señor Diospaq t'aqasqaykichis hallp'amanta puchuqninpa wask'anmi chunka iskayniyoq phasmin kilómetro kanqa, anchontaq iskay kilómetro phasmiyoq kanqa. Chay cheqasqa manan Diospaqchu, aswanpas runakunapaqmi. Chaypin tiyanqaku, chakratapas llank'anqaku, chawpinpitaqmi llaqtaqa kanqa.

¹⁶Chay llaqtaq sapanka ladonqa iskay waranqa iskay pachak phisqa chunkayoq hina metroyoqmi kanqa.

¹⁷Llaqta muyuriqpitaqmi q'achukuna kanqa, chaytaqmi yaqa pachak iskay chunka phisqayoq metro hina muyuriqninta muyurinqa.

¹⁸Ch'uya hallp'aq uran llaqtaq sapanka ladonpin llank'anapaq hallp'a kanqa. Llaqtaq inti haykuy ladonpi hallp'an wask'anman phisqa kilómetro kanqa, kaqllataq inti lloqsimuy ladonpas. Chay hallp'apiqa tarpunqakun, mikhuynintaq llaqtapi llank'aqkunapaq kanqa.

¹⁹Llaqtapi llank'aq runaqa may ayllumantaña kaspapas chay hallp'api tarpullanqan.

²⁰Chhaynaqa Señor Diospaq t'aqasqaykichis llapan hallp'aqqa tawantin ladonpas sayaypuran kanqa, chunka iskayniyoq phasmin kilómetro hina.

²¹Señor Diospaq t'aqasqaykichis hallp'apin kanqa Dios yupaychana wasi, Leví ayllu runakunaq hallp'an, sacerdotekunaq hallp'an, llaqtapas. Chay hallp'akunaq sapanka ladonpitaq kamachikuqpa hallp'ankuna kanqa, inti haykuy ladonmi mama qochakama, inti lloqsimuy ladontaq suyuq qorpankama. Wichay lado qorpankutaq Judá aylluq qorpanwankama kanqa, uray lado qorpanñataq Benjamín aylluq qorpanwankama kanqa.

²³Wakin ayllukunaq hallp'anmi kanqa: Benjamín aylluq hallp'anmi Señor Diospaq t'aqasqaykichis hallp'aq uranpi kanqa, inti haykuy qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²⁴Simeón aylluq hallp'anmi Benjamín aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²⁵Isakar aylluq hallp'anmi Simeón aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²⁶Zabulón aylluq hallp'anmi Isakar aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²⁷Gad aylluq hallp'anmi Zabulón aylluq hallp'anpa uranpi kanqa, inti haykuy lado qorpantaq mama qocha kanqa, inti lloqsimuy lado qorpantaq suyuq qorpanmanta kanqa.

²⁸Gad aylluq hallp'anpa uray qorpanmi suyuq qorpan kanqa. Tamar llaqtamanta rispa pasanqa Meriba-kades pukyu-pukyunta Egipto qorpanta mama qochaman chayanankama.

²⁹Chay hinatan suyuta phasminkichis Israel ayllukunaman, chaymi ayllukunaq hallp'anqa kanqa. Ñoqa Qollana Señor Diosmi chayta nini, nispa.

³⁰Llaqtan kanqa huk perqawan muyuykachisqa, tawantin ladontaqmi kaqkama sayayniyoq kanqa iskay waranqa iskay pachak phisqa chunka metroyoqkama. Perqaq sapanka ladonpitaqmi kinsa punkukuna kanqa. Sapanka punkutaq Israelpi huk aylluq sutinwan sutichasqa kanqa. Wichay lado kinsa punkuq sutinmi kanqa: hukkaqpa Rubén, hukkaqpataq Judá, hukkaqpañataq Leví.

³²Inti lloqsimuy lado kinsa punkuq sutintaq kanqa: hukkaqpa José, hukkaqpataq Benjamín, hukkaqpañataq Dan.

³³Uray lado kinsa punkuq sutintaq kanqa: hukkaqpa Simeón, hukkaqpataq Isakar, hukkaqpañataq Zabulón.

³⁴Inti haykuy lado kinsa punkuq sutintaq kanqa: hukkaqpa Gad, hukkaqpataq Aser, hukkaqpañataq Neftalí.

³⁵Perqaq llapan muyuriqnintaq kanqa isqon waranqa metro. Chaymantapachan llaqtata sutichanqa: Kaypin Señor Diosqa kashan, niq sutiwan, nispa.