Read Quechua Cuzco Bible 1988 EZEKIEL 9 Bible Online

EZEKIEL 9 - Quechua Cuzco Bible 1988 bible

EZEKIEL 9

¹Chaymantapas uyarillarqanitaqmi kunkayoq waqyakuqta: Ñan chayamunkuña llaqtata muchuchiqkuna, sapankataq makinpi thuninanpaq q'asunayoqkama, nispa.

²Hinan rikurqani hawakaq patioq wichay qhawaq punkunta soqta runa haykumushaqta, q'asuna hap'intintakama. Chawpinkupitaq hamushasqa linomanta yuraq qoysu p'achayoq runa, cinturanpitaq apamusqa qelqanakunata. Haykuspataq sayaykurqanku bronce altarpa qayllanpi.

³Hinan Israelpa Diosninqa lliphipispa hatarirqan raphrayoqkunaq patanpi kasqanmanta, hinaspan rirqan yupaychana wasi haykunaman. Payqa cinturanpi qelqanayoq linomanta yuraq qoysu p'achayoq runata waqyarispan

⁴nirqan: Jerusalén llaqtata puriykacharqamuy, hinaspataq mat'inpi marcamunki llapan millay qhelli mana chanin ruwasqakunamanta llakikuspa khuyay kaqkunata, nispa.

⁵Chaymantapas uyarillarqanitaq wakin runakunata nisqanta: Llaqta ukhunta riychis chay runaq qhepanta, ñoqa yupaychana wasimanta qallarispataq wañuchimuychis ama khuyapayaykuspa llapan kurak runakunata waynakunata, sipaskunata, wawakunata, warmikunatapas. Ichaqa aman llamiykunkichischu marcayoq runakunataqa, nispa. Hinan paykunaqa wañuchiyta qallarirqanku Dios yupaychana wasiq ñawpaqenpi kaq kurak taytakunata.

⁷Chaymantapas nillarqantaq: ¡Riychis! Yupaychana wasita qhellichamuychis, runa wañusqa ayakunawan pationta hunt'aykachiychis, nispa. Chaymi paykunaqa lloqsispa llaqtantinpi runa sipirayta qallarirqanku.

⁸Chayta paykuna ruwashaqtintaq, ñoqaqa sapallay kasharqani. Hinaspan pampakama k'umuykukuspay llakisqa waqyakurqani: ¡Ay, Qollana Señor Diosníy! ¿Phiñakuyniykita Jerusalenman kachaykamuspachu Israelpi puchuq pisi runakunatapas tukupunki? nispa.

⁹Señor Diostaq kutichimuwarqan: Israel suyu runakunan Judá suyu runakunapiwan sinchitapuni huchallikurqanku, suyun wañuchinakuywan hunt'a kashan, llaqtataqmi mana chanin ruwaywan hunt'a kashan. Paykunataqmi ninku: Señor Diosqa wikch'upunmi suyunchista. ¡Payqa manan rikuwanchischu! nispa.

¹⁰Chayraykun manapuni khuyapayasaqchu, aswanmi tukuy imaymana ruwasqankumanta watuspa muchuchisaq, nispa.

¹¹Chaymantataq linomanta yuraq qoysu p'achayoq runaqa cinturanpi qelqanayoq kutirimuspa nirqan: Kamachiwasqayki ruwayta tukuniñan, nispa.