Read Quechua Cuzco Bible 1988 OSEAS 14 Bible Online

OSEAS 14 - Quechua Cuzco Bible 1988 bible

OSEAS 14

¹Israel llaqtalláy, Apu Señor Diosniykiman kutipuy, huchallikuspan qanqa urmaykurqanki.

²Señor Diosman kutikapuychis, kay hinata mañakuspaykichis: Tukuy mana chanin kasqaykuta pampachaykuwayku, sumaqta chaskiykuwayku yupaychayniykuta qanman qopunaykupaq.

³Manan Asiria suyuqa qespichiwanqachu, manañan maqanakuna caballomanpas sillakusaqchu, manan ima ruwasqaykutapas nisaqkuñachu: Diosniyku, nispaqa. Qanllan mana tayta-mamayoqta llakipayanki, nispa.

⁴Señor Diosmi nin: Ñoqan mana kasuwasqankuta kasukuyman t'ikrasaq, tukuy sonqon paykunata munakusaq, manañan paykunapaq k'arakta phiñakunichu.

⁵Ñoqan Israel runakunapaq sulla hina kasaq, paykunataqmi hamanq'ay t'ika hina phanchirinqa, Líbano cedro sach'akuna hinan allin saphichasqa kanqa.

⁶K'allmankunan mast'arikunqa, olivo sach'a hinan munayllaña kanqa, mallkikunayoq Líbano orqo-orqo hina q'aparinqa.

⁷Israel runakunan wakmanta llanthuypi tiyaykunqaku, hinaspan trigota wiñachinqaku, uvas yura hinan t'ikanqaku, Líbano vino hinan ancha reqsisqa kanqaku.

⁸Yaw Efraín, manan idolokunawanqa imapas ruwanaychu, ñoqan qanta uyarisqayki hinaspaymi waqaychasqayki. Ñoqan qanpaqqa q'omer ciprés sach'a hinallapuni kani, ñoqataqmi ruruchiqniykipas kani, nispa.

⁹Pipas yachayniyoqqa kay simikunata yachachun, pipas yuyayniyoqqa kaykunata entiendechun. Señor Diospa ñanninkunaqa chaninkaman, chanin runakunataq chaykunata purinku millay runakunataq ichaqa chaykunapi urmanku.