Read Quechua Cuzco Bible 1988 OSEAS 4 Bible Online

OSEAS 4 - Quechua Cuzco Bible 1988 bible

OSEAS 4

¹Israel runakuna, Señor Diospa siminta uyariychis. Paymi kay suyupi tiyaqkunawan churanakun: Kay suyupiqa manan pipas hunt'aqpas munakuqpas kanchu, manan pipas Diosta reqsinchu.

²Aswanmi ñakashanku, llullakushanku, runata wañuchishanku, suwakushanku, wasanchashanku, runaq yawarnintapas yapa-yapan hich'ashanku.

³Chaymi kay hallp'aqa ch'akishan, kaypi llapa tiyaqkunapas pisipashan, salqa uywakunapas phalaq animalkunapas mama qocha challwakunapas wañushan.

⁴Señor Diosmi nin: Yaw sacerdotekuna, ama mayqenniykichispas quejakuychischu, amallataq mayqenniykichispas pitapas huchachaychischu, qankunallatapunin ñoqaqa huchachaykichis.

⁵P'unchaypachan laq'akunkichis, profetapas qankunawanmi tuta laq'akullanqataq. Mamayki Israeltapas chinkachisaqmi,

⁶llaqtayqa manan reqsiwarqanchu, chaymi muchuchisqa kanqa. Qankunaqa manan reqsiyta munawarqankichischu, chaymi sacerdote-kayniykichismanta wikch'upusqaykichis. Ñoqa Diosniykichispa yachachikuy simiykunatan qonqapurqankichis, chaymi ñoqapas wawaykichiskunata qonqapusaq.

⁷Askhayasqaykichisman hinan astawan ñoqa contra huchallikurqankichis, qankunaqa allinpaq qhawasqan kashankichis, ñoqataqmi p'enqaman churasqaykichis.

⁸Llaqtaypa huchallikusqanwanmi qhapaqyashankichis, chaymi llaqtaypa huchallikunanta munaykushankichis.

⁹Llaqtawan sacerdotewanqa kaqkaman kanku, iskayniykichistan imaynatachus kawsasqaykichismanta muchuchisqaykichis, ruwasqaykichisman hinan kutichisqaykichis.

¹⁰Mikhunkichismi ichaqa manan saksankichischu, qhellipin purinkichis, ichaqa manan wawayoqchu kankichis, saqepuwaspaykichis wasanchayman k'askakusqaykichisrayku, nispa.

¹¹Señor Diosmi nin: Upi vinowan poqosqa vinopiwanmi llaqtaypa yuyayninta waqllichin.

¹²Paykunaqa k'ullu idolotan tapunku, tawna k'aspiwanmi watunku. Qhellipi puriyman k'askakuspan llaqtayqa pantay ñankunapi purin, wasanchaspan ñoqa Diosninmanta t'aqakun.

¹³Orqo patakunapin sacrificiota haywanku, moqo patakunapin ofrendata ruphachinku, allin llanthuykuq encina sach'a k'uchukunapi, kiswar sach'a k'uchukunapi, terebinto sach'a k'uchukunapipas haywanku. Chaymi ususiykichiskunaqa qhellipi purinku, qhachuniykichiskunapas wasanchanku.

¹⁴Manan ususiykichiskuna qhellipi puriqtin muchuchisaqchu, manan qhachuniykichiskunatapas wasanchaqtin muchuchisaqchu, qankuna kikiykichispunin rabonakunawan qhellichakunkichis, sacrificiota haywaspan ídolo yupaychaq rabona warmikunawan t'inkikunkichis. ¡Chhaynatan mana yuyayniyoq llaqtaqa waqllipun! nispa.

¹⁵Israel runakuna, qankunachus qhellipi purinkichis chayqa, Judá runakunallapas amayá huchallikuchunchu. Ama Gilgalta riychischu, ama Bet-aventapas wichaychischu, amallataq niychispaschu: Señor Diospa sutinpin jurani, nispaqa.

¹⁶T'illa malta waka hinan Israel runakunaqa mana kasukuq, ¿chaychu Señor Diosqa borregochakunata hina sumaq q'achu-q'achupi paykunata michinman?

¹⁷Efraín runakunan idolokunaman k'askakapushanku, ¡hinallata saqey!

¹⁸Ukyayta tukuspanku, rabona warmikunawan huchata ruwanku, p'enqakaqtan allinkaqmantaqa munanku.

¹⁹Wayran paykunata phukurparinqa, idolokunaman sacrificiota haywasqankumantan p'enqakunqaku.