Read Quechua Cuzco Bible 1988 NÚMEROS 17 Bible Online

NÚMEROS 17 - Quechua Cuzco Bible 1988 bible

NÚMEROS 17

¹Señor Diosmi Moisesta nirqan:

²—Israel runakunata kamachiy sapanka ayllu umalli huk tawnata apamunankupaq, llapanpiqa chunka iskayniyoq tawnakunan kanqa. Qantaq sutinkuta sapanka tawnapi qelqanki,

³Leví aylluq tawnanpitaq Aaronpa sutinta qelqanki. Sapanka ayllu umallikunaqmi huk tawnan kanqa.

⁴Chaymantataq Ñoqawan Tupana Karpapi rimanakuy cajaq ñawpaqenman churanki, chay cajaqa qankunawan tupanaymi.

⁵Akllakusqaypa tawnantan mukmuchisaq, ahinapin Israel runakunaq qankuna contra chhuchupakuyninta chinkachipusaq, nispa.

⁶Chaymi Moisesqa kikillanta Israel runakunata kamachirqan. Hinan sapanka ayllu umalli huk tawnata qorqan, llapanpitaq huñurqan chunka iskayniyoq tawnakunata. Chay tawnakunawan kuskataq Aaronpa tawnanpas kasharqan.

⁷Moisestaq karpapi kaq rimanakuy cajaq ñawpaqenman chay tawnakunata churarqan,

⁸qhepantin p'unchaytaq Moisesqa karpata rispa Leví ayllumanta Aaronpa tawnan mukmushaqta rikurqan, q'omer k'allmayoqta, t'ikashaqta, almendra rurunpas poqosqaña kashaqta.

⁹Hinaspan payqa llapan tawnakunata Señor Diospa ñawpaqenmanta hoqarispa lloqsimurqan, Israel runakunamantaq rikuchirqan. Qhawasqanku qhepatataq sapanka umalli tawnankuta hap'ikapurqanku.

¹⁰Hinan Señor Diosqa Moisesta nirqan: —Aaronpa tawnantaqa kaqta churaykuy rimanakuy cajaq ñawpaqenman, chay tawnaqa kay mana kasukuq llaqtapaqqa huk señalmi kanqa. Ahinapin chhuchupakuyninkuta ch'inyachinki, manataq uyarisaqñachu, chaymi paykunapas manaña wañunqakuchu, nispa.

¹¹Moisesqa lliwtan ruwarqan Señor Diospa kamachisqanman hina.

¹²Israel runakunataq Moisesta nirqanku: —¡Chinkasqan kapushayku! ¡Llapaykun wañupusaqku!

¹³Dioswan Tupana Karpaman llapa qayllaykuqkunan wañunqa. ¿Ahinapichu llapa wañupusaqku? nispa.