Read Quechua Cuzco Bible 1988 NÚMEROS 26 Bible Online

NÚMEROS 26 - Quechua Cuzco Bible 1988 bible

NÚMEROS 26

¹Israel runakunata millay onqoywan muchuchisqan qhepatataq Señor Diosqa Moisesta sacerdote Aaronpa churin Eleazartawan nirqan:

²—Llapan Israel runakunata ayllunkuman hina iskay chunka watayoqmanta wichayman yupaychis, awqa-tinkuy atiqkunata, nispa.

³Hinan Moisesqa Eleazarpiwan Jericó chimpa Jordán mayu qaylla Moab suyu pampapi Israel runakunata nirqanku:

⁴—Iskay chunka watayoqmanta wichayman qharikunata yupaychis, Señor Diospa kamachiwasqankuman hina, nispa. Kaykunan karqan Egipto suyumanta lloqsimuq Israel runakuna:

⁵—Israelpa phiwi churin Rubenpa mirayninmi karqan: Henokpa ayllun, Falupa ayllun,

⁶Hezronpa ayllun, Karmiq ayllunpiwan.

⁷Chay ayllukunapi runakunan karqan tawa chunka kinsayoq waranqa qanchis pachak kinsa chunkayoq qharikuna.

⁸Falupa churinmi Eliab karqan,

⁹Eliabpa churinkunataq Nemuel, Datán, Abirampiwan karqan. Datanpiwan Abirampiwanqa umallin kasqaku, hinaspan Moisés contra Aarón contra sayarisqaku. Chaymantataq Señor Dios contra Koré sayariqtin paywan huñukusqaku.

¹⁰Ichaqa paykunatan kinsantinta pampa kicharqokuspa millp'usqa, Korewan huñukuq iskay pachak phisqa chunkayoq qharikunatataq nina ruphapusqa. Chay wañuymi wakin runakunapaq huk anyaykuy karqan.

¹¹Chaywanpas Korepa churinkunaqa manan wañurqankuchu.

¹²Simeonpa mirayninmi karqan: Nemuelpa ayllun, Jaminpa ayllun, Jakinpa ayllun,

¹³Zeraq ayllun, Saulpa ayllunpiwan.

¹⁴Chay ayllukunapi runakunan karqan iskay chunka iskayniyoq waranqa iskay pachakniyoq qharikuna.

¹⁵Gadpa mirayninmi karqan: Zedonpa ayllun, Haguiq ayllun, Suniq ayllun,

¹⁶Ozniq ayllun, Eriq ayllun,

¹⁷Arodpa ayllun, Areliq ayllunpiwan.

¹⁸Chay ayllukunapi runakunan karqan tawa chunka waranqa phisqa pachakniyoq qharikuna.

¹⁹Judapa churinkunan karqan Erpiwan Onanpiwan, paykunaqa Canaán suyupin wañupusqaku.

²⁰Judapa mirayninmi karqan: Selaq ayllun, Farespa ayllun, Zerakpa ayllunpiwan.

²¹Farespa mirayninmi karqan Hezronpa ayllun, Hamulpa ayllunpiwan.

²²Chay ayllukunapi runakunan karqan qanchis chunka soqtayoq waranqa phisqa pachakniyoq qharikuna.

²³Isakarpa mirayninmi karqan: Tolaq ayllun, Puaq ayllun,

²⁴Jasubpa ayllun, Simronpa ayllunpiwan.

²⁵Chay ayllukunapi runakunan karqan soqta chunka tawayoq waranqa kinsa pachakniyoq qharikuna.

²⁶Zabulonpa mirayninmi karqan: Seredpa ayllun, Elonpa ayllun, Jahleelpa ayllunpiwan.

²⁷Chay ayllukunapi runakunan karqan soqta chunka waranqa phisqa pachakniyoq qharikuna.

²⁸Josepa mirayninmi karqan Manasespa ayllun Efrainpa ayllunpiwan.

²⁹Manasespa churinmi karqan Makir, Makirpa churintaq karqan Galaad.

³⁰Galaadpa mirayninmi karqan: Jezer ayllu, Helek ayllu,

³¹Asriel ayllu, Shehem ayllu,

³²Semida ayllu, Hefer ayllupiwan.

³³Heferpa churin Zelofehadpaqa manan churin karqanchu, aswanpas ususinkunallan, paykunaq sutinmi karqan Maala, Noa, Hogla, Milka, Tirsapiwan.

³⁴Chay ayllukunapi runakunan karqan phisqa chunka iskayniyoq waranqa qanchis pachakniyoq qharikuna.

³⁵Efrainpa mirayninmi karqan: Sutelaq ayllun, Bekerpa ayllun, Tahanpa ayllunpiwan.

³⁶Sutelaq mirayninmi karqan Eranpa ayllun.

³⁷Chay ayllukunapi runakunan karqan kinsa chunka iskayniyoq waranqa phisqa pachakniyoq qharikuna. Chaykunan Josepa miraynin karqan ayllunkuman hina.

³⁸Benjaminpa mirayninmi karqan: Belaq ayllun, Asbelpa ayllun, Ahirampa ayllun,

³⁹Safufanpa ayllun, Hufanpa ayllunpiwan.

⁴⁰Belaq mirayninmi karqan Ardpa ayllun, Naamanpa ayllunpiwan.

⁴¹Chay ayllukunapi runakunan karqan tawa chunka phisqayoq waranqa soqta pachakniyoq qharikuna.

⁴²Danpa mirayninmi karqan Suhampa ayllunkuna.

⁴³Chay ayllukunapi runakunan karqan soqta chunka tawayoq waranqa tawa pachakniyoq qharikuna.

⁴⁴Aserpa mirayninmi karqan: Imnaq ayllun, Isuiq ayllun, Beriaq ayllunpiwan.

⁴⁵Beriaq mirayninmi karqan Heberpa ayllun, Malkielpa ayllunpiwan.

⁴⁶Aserpa ususinqa ch'ullallan karqan, Sera sutiyoq.

⁴⁷Chay ayllukunapi runakunan karqan phisqa chunka kinsayoq waranqa tawa pachakniyoq qharikuna.

⁴⁸Neftalipa mirayninmi karqan: Jahzeelpa ayllun, Guniq ayllun,

⁴⁹Jezerpa ayllun, Silempa ayllunpiwan.

⁵⁰Chay ayllukunapi runakunan karqan tawa chunka phisqayoq waranqa tawa pachakniyoq qharikuna.

⁵¹Llapan Israel runakunan yupasqaman hina karqanku soqta pachak hukniyoq waranqa qanchis pachak kinsa chunkayoq qharikuna.

⁵²Señor Diosmi Moisesta nirqan:

⁵³—Chay ayllukunamanmi hayk'achus kasqankuman hina hallp'ata rakinki hap'ikapunankupaq.

⁵⁴Askha runayoq ayllukunamanqa hatun hallp'atan qonki, pisi runayoq ayllukunamantaq tinku hallp'ata qonki.

⁵⁵Chay hallp'ataqa sorteopin rakinki. Sapanka ayllun ayllunkuq sutinman hina hallp'ata chaskinqa.

⁵⁶Hatun ayllumanpas huch'uy ayllumanpas sorteopin hallp'ataqa rakinki, nispa.

⁵⁷Levipa mirayninmi ayllunkuman hina yupasqa karqan: Gersonpa ayllun, Kohatpa ayllun, Merariq ayllunpiwan.

⁵⁸Paykunaq miraynintaq karqan Libni ayllu, Hebrón ayllu, Mahli ayllu, Musi ayllu, Koré ayllupiwan. Amrampa taytanqa Kohatmi karqan.

⁵⁹Amramqa Levipa ususin Jokabedwanmi casarakurqan, payqa Egipto suyupin nacesqa. Jokabedmi Amram qosanpaq wachakurqan Aaronta, Moisesta, Mariatawan.

⁶⁰Aaronpa churinkunan karqan Nadab, Abiú, Eleazar, Itamarpiwan.

⁶¹Nadabwan Abiuwanqa mana haywana ninata Señor Diospa ñawpaqenpi haywasqanku hawan wañupusqaku.

⁶²Levipa miraynin llapan qharikunaqa huk killayoqmanta wichaymanmi iskay chunka kinsayoq waranqa karqanku. Paykunaqa manan Israel runakunawan kuska yupasqachu karqanku, hallp'ata mana chhikantapas chaskisqanku hawa.

⁶³Chay hinan karqan Jericó qhaway Jordán mayu qaylla Moab suyu pampapi Moisespiwan sacerdote Eleazarpiwan Israel runakunata yupasqanku.

⁶⁴Sinaí ch'inneqpi Moisespiwan Aaronpiwan yupasqanku Israel runakunaqa manan ch'ullapas kawsarqanñachu.

⁶⁵Señor Diosmi paykunaman willasqa: Qankunaqa kay ch'inneqpin wañupunkichis, Jefoneq churin Calebpiwan Nunpa churin Josuellapiwanmi mana wañunqakuchu, nispa. Chaymi mana ch'ullapas ñawpa Israel runakunaqa qhepasqachu.