Read Quechua Cuzco Bible 1988 NÚMEROS 29 Bible Online

NÚMEROS 29 - Quechua Cuzco Bible 1988 bible

NÚMEROS 29

¹Qanchiskaq killa qallariy p'unchaypin yupaychawanaykichispaq huñukunkichis, amataq imatapas llank'ankichischu. Chay p'unchaymi waqrakunata tocankichis.

²Ruphachina sacrificiota haywawankichis mana imanasqa huk torillota, huk anejota, watayoq qanchis borregotawan, chaykunaq q'apaynin sonqoyman chayaq kananpaq.

³Sapanka torillota haywawankichis aceitepi pitusqa kinsa kilo sumaq hak'utawan, anejota aceitepi pitusqa iskay kilo sumaq hak'utawan,

⁴sapanka borregotapas aceitepi pitusqa huk kilo sumaq hak'utawan.

⁵Haywallawankichistaq huk orqo cabrata hucha pampachay sacrificiopaq.

⁶Chay p'unchaypin mosoq killa rikhuriy sacrificiota sapa p'unchay sacrificiokunatapas tupaqnin ruru ofrendakunantinta, vino ofrendakunantinta kamachikusqayman hina haywallawankichispuni. Chaykunaqa mikhuna ofrendakunan, q'apaynintaq sonqoyman chayan.

⁷Qanchiskaq killaq chunkakaq p'unchayninpiqa yupaychawanaykichispaqmi huñukunkichis. Hinaspa chay p'unchay ayunankichis, amataq imatapas llank'ankichischu.

⁸Ruphachina sacrificiota haywawankichis mana imanasqa huk torillota, huk anejota, watayoq qanchis borregotawan, chaykunaq q'apaynin sonqoyman chayaq kananpaq.

⁹Sapanka torillota haywawankichis aceitepi pitusqa kinsa kilo sumaq hak'utawan, anejota aceitepi pitusqa iskay kilo sumaq hak'utawan,

¹⁰sapanka borregotapas aceitepi pitusqa huk kilo sumaq hak'utawan.

¹¹Haywallawankichistaq huk orqo cabrata hucha pampachay sacrificiopaq, hinallataq haywawankichis pampachay p'unchaypi sacrificiotapas sapa p'unchay ruphachina sacrificiokunatapas ruru ofrendantinta vino ofrendantintakama.

¹²Qanchiskaq killaq chunka phisqayoq p'unchayninpin yupaychawanaykichispaq huñukunkichis, amataq imatapas llank'ankichischu, hinaspa qanchis p'unchay ñoqapaq fiestata ruwankichis.

¹³Fiesta qallariy p'unchaymi mikhuna ofrendata haywawankichis mana imanasqa chunka kinsayoq torillota, iskay anejota, watayoq chunka tawayoq borregotawan.

¹⁴Sapanka torillota haywawankichis aceitepi pitusqa kinsa kilo sumaq hak'utawan, sapanka anejota aceitepi pitusqa iskay kilo sumaq hak'utawan,

¹⁵sapanka borregotapas aceitepi pitusqa huk kilo sumaq hak'utawan.

¹⁶Haywallawankichistaq huk orqo cabrata hucha pampachay sacrificiopaq. Hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

¹⁷Fiestaq iskaykaq p'unchayninpin haywawankichis mana imanasqa chunka iskayniyoq torillota, iskay anejota watayoq chunka tawayoq borregotawan.

¹⁸Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

¹⁹Haywallawankichistaq huk orqo cabrata hucha pampachay sacrificiopaq. Hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

²⁰Fiestaq kinsakaq p'unchayninpin haywawankichis mana imanasqa chunka hukniyoq torillota, iskay anejota, watayoq chunka tawayoq borregotawan.

²¹Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

²²Haywallawankichistaq huk orqo cabrata hucha pampachay sacrificiopaq. Hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

²³Fiestaq tawakaq p'unchayninpin haywawankichis mana imanasqa chunka torillota, iskay anejota, watayoq chunka tawayoq borregotawan.

²⁴Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

²⁵Haywallawankichistaq huk orqo cabrata hucha pampachay sacrificiopaq. Hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

²⁶Fiestaq phisqakaq p'unchayninpin haywawankichis mana imanasqa isqon torillota, iskay anejota, watayoq chunka tawayoq borregotawan.

²⁷Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

²⁸Haywallawankichistaq huk orqo cabrata hucha pampachay sacrificiopaq, hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

²⁹Fiestaq soqtakaq p'unchayninpin haywawankichis mana imanasqa pusaq torillota, iskay anejota watayoq chunka tawayoq borregotawan.

³⁰Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

³¹Haywallawankichistaq huk orqo cabrata hucha pampachay sacrificiopaq, hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

³²Fiestaq qanchiskaq p'unchayninpin haywawankichis mana imanasqa qanchis torillota, iskay anejota, watayoq chunka tawayoq borregotawan.

³³Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

³⁴Haywallawankichistaq huk orqo cabrata hucha pampachay sacrificiopaq, hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

³⁵Pusaqkaq p'unchaypitaq yupaychawanaykichispaq huñukunkichis, amataq imatapas llank'ankichischu.

³⁶Ruphachina sacrificiota hina mikhuna ofrendata haywawankichis mana imanasqa huk torillota, huk anejota, watayoq qanchis borregotawan.

³⁷Hinallataq sapankaman tupaqnin ruru ofrendatapas vino ofrendatapas kamachisqayman hina haywawankichis.

³⁸Haywallawankichistaq huk orqo cabrata hucha pampachay sacrificiopaq, hinallataq haywawankichis sapa p'unchay ruphachina sacrificiota ruru ofrendantinta vino ofrendantintakama.

³⁹Chay ruphachina sacrificiokunata ruru ofrendakunata, vino ofrendakunata, sumaq kawsay ofrendakunata unanchasqay fiestakunapi haywawankichis, sapaqmi kanqa prometekusqaykichista hunt'aspa qosqaykichis ofrendakunapas, sumaq sonqo ofrendakunapas, nispa, nispayki.

⁴⁰Hinan Moisesqa Israel runakunaman Señor Diospa kamachisqanta lliwta willarqan.