Read Quechua Cuzco Bible 1988 NÚMEROS 33 Bible Online

NÚMEROS 33 - Quechua Cuzco Bible 1988 bible

NÚMEROS 33

¹Israel runakunan Egipto suyumanta lloqsimurqanku soldado hina t'aqa-t'aqa, Moiseswan Aaronwantaq umallinku karqan. Señor Diospa kamachisqanman hinan Moisesqa qelqarqan mita-mita purimusqanku cheqaskunaq sutinta. Purimusqanku mitakunan kaykuna karqan:

³Israel runakunan Ramsés llaqtamanta wataq ñawpaqkaq killan chunka phisqayoq p'unchaypi lloqsimurqanku. Señor Diosmi Israel runakunata wañuymanta alqarqan, Egipto runakunaq phiwi churintataq llapanta wañuchirqan, chaywan diosninkuta muchuchispa. Hinan Israel runakunaqa qhepantin p'unchay Egipto runakunaq qhawarinanta lloqsimurqanku, phiwi churinkuq ayanta p'ampashaqtinku.

⁴

⁵Israel runakunan Ramsesmanta lloqsimurqanku, hinaspan Sukotpi karpakurqanku.

⁶Sukotmanta puririspataq ch'inneq qorpa Etampi karpakurqanku.

⁷Etammanta puririspataq kutirirqanku Baal-zefonpa inti lloqsimuy ladonpi kashaq Pi-hahirot cheqasman, hinaspan Migdol qhawaypi karpakurqanku.

⁸Pi-hahirotmanta puririspataq Puka Qochata chimparqanku, hinaspa Etam ch'inneqman chayarqanku. Chaypin kinsa p'unchay purirqanku, hinaspan Marapi karpakurqanku.

⁹Maramanta puririspataq Elimman chayarqanku, chaypin karqan chunka iskayniyoq pukyukuna qanchis chunka palmera sach'apiwan, hinan chaypi karpakurqanku.

¹⁰Elimmanta puririspataq Puka Qocha patapi karpakurqanku.

¹¹Puka Qocha patamanta puririspataq Sin ch'inneqpi karpakurqanku.

¹²Sin ch'inneqmanta puririspataq Dofkapi karpakurqanku.

¹³Dofkamanta puririspataq Aluspi karpakurqanku.

¹⁴Alusmanta puririspataq Refidimpi karpakurqanku, chaypin runakunaq ukyanankupaq unu mana karqanchu.

¹⁵Refidimmanta puririspataq Sinaí ch'inneqpi karpakurqanku.

¹⁶Sinaí ch'inneqmanta puririspataq Kibrot-hataavapi karpakurqanku.

¹⁷Kibrot-hataavamanta puririspataq Hazerotpi karpakurqanku.

¹⁸Hazerotmanta puririspataq Ritmapi karpakurqanku.

¹⁹Ritmamanta puririspataq Rimón-perespi karpakurqanku.

²⁰Rimón-peresmanta puririspataq Libnapi karpakurqanku.

²¹Libnamanta puririspataq Rissapi karpakurqanku.

²²Rissamanta puririspataq Keelatapi karpakurqanku.

²³Keelatamanta puririspataq Sefer orqopi karpakurqanku.

²⁴Sefer orqomanta puririspataq Haradpi karpakurqanku.

²⁵Haradmanta puririspataq Makelotpi karpakurqanku.

²⁶Makelotmanta puririspataq Tahatpi karpakurqanku.

²⁷Tahatmanta puririspataq Tarapi karpakurqanku.

²⁸Taramanta puririspataq Mitkapi karpakurqanku.

²⁹Mitkamanta puririspataq Hasmonapi karpakurqanku.

³⁰Hasmonamanta puririspataq Moserotpi karpakurqanku.

³¹Moserotmanta puririspataq Bene-jaakanpi karpakurqanku.

³²Bene-jaakanmanta puririspataq Gidgad orqopi karpakurqanku.

³³Gidgad orqomanta puririspataq Jotbatapi karpakurqanku.

³⁴Jotbatamanta puririspataq Abronapi karpakurqanku.

³⁵Abronamanta puririspataq Ezión-geberpi karpakurqanku.

³⁶Ezión-gebermanta puririspataq Zin ch'inneqpi kaq kadespi karpakurqanku.

³⁷Kadesmanta puririspataq Edom qorpa Hor orqopi karpakurqanku.

³⁸Israel runakunaq Egipto suyumanta lloqsimusqanku tawa chunka wata phisqa killa huk p'unchayniyoq kashaqtinmi, sacerdote Aaronqa Señor Diospa kamachisqanman hina Hor orqoman wicharqan, hinaspa chaypi wañukapurqan.

³⁹Payqa pachak iskay chunka kinsayoq watayoqmi karqan Hor orqopi wañukapushaspa.

⁴⁰Canaán runa Arad reymi Israel runakunaq chayasqanta yacharqan, paymi tiyarqan Canaán suyuq Neguev hap'iyninpi.

⁴¹Chaymantataq Israel runakunaqa Hor orqomanta puririspa Zalmonapi karpakurqanku.

⁴²Zalmonamanta puririspataq Punonpi karpakurqanku.

⁴³Punonmanta puririspataq Obotpi karpakurqanku.

⁴⁴Obotmanta puririspataq Moab suyu qorpapi kashaq Ije-abarimpi karpakurqanku.

⁴⁵Ije-abarimmanta puririspataq Dibón-gadpi karpakurqanku.

⁴⁶Dibón-gadmanta puririspataq Almón-diblataimpi karpakurqanku.

⁴⁷Almón-diblataimmanta puririspataq Nebo orqoq inti lloqsimuy ladon Abarim orqo-orqopi karpakurqanku.

⁴⁸Abarim orqo-orqomanta puririspataq Moab suyu pampapi karpakurqanku, chaymi kashan Jericó llaqta qhawaypi Jordán mayu qayllapi. Chaypin qhepakurqanku Ber-jerimitwan Abel-sitimwan tupaypi.

⁴⁹

⁵⁰Jericó qhaway Jordán mayu qaylla Moab suyu pampapin Señor Diosqa Moisesta nirqan:

⁵¹—Israel runakunata niy: Señor Diosmi nin: Jordán mayuta chimpaspaykichis Canaán suyuman haykuspaykichisqa,

⁵²chay suyupi tiyaq llapan runakunatan qarqonkichis, hinallataq unuyachispa hich'asqa dioskunata rumimanta ruwasqa dioskunatapas llapanta wikch'unkichis, wak'a dios yupaychana wasikunatapas lliwta thuninkichis.

⁵³Chay suyuta munaychakuychis, ñoqan chay suyuta hap'ikapunaykichispaq qoykichis.

⁵⁴Ichaqa sorteaspan hallp'ata rakinakunkichis llapan ayllukunaq familiankunaman. Askha runakunayoq familiakunamanqa hatun hallp'atan qonkichis, pisi runayoq familiakunamantaq huch'uy hallp'ata qonkichis, sapanka familiakunan suerteq tupasqanman hina chaskinqaku.

⁵⁵Manachus qankuna qarqonkichis chay suyupi tiyaq runakunata chayqa, suyupi tiyaykuqtiykichismi chaypi qhepaqkuna muchuchisunkichis, ñawipi k'ullu chhillpa hina, cuerpopi khiska hina.

⁵⁶Ñoqapas imatachus paykunata ruwayta yuyaykusqaytan ruwasqaykichis, nispa, nispayki.