Read Quechua Cuzco Bible 1988 ZAKARÍAS 5 Bible Online

ZAKARÍAS 5 - Quechua Cuzco Bible 1988 bible

ZAKARÍAS 5

¹Huktawan qhawarispan rikurqani huk qelqa k'uyu phalashaqta.

²Angeltaq tapuwarqan: —¿Imatan rikushanki? nispa. Ñoqataq kutichirqani: —Qelqa k'uyu phalashaqtan rikushani, chay k'uyun isqon metro sayayniyoq, tawa metro kuskan anchoyoq kashan, nispay.

³Hinan payqa niwarqan: —Chaypin qelqasqa kashan suyuntinman chayaq ñakayqa. Pipas suwakuqqa qarqosqan kanqa, imaynan qelqa k'uyu huknin uyanpi nisqa kashan hina. Pipas llullakuspa juraqpas qarqosqan kanqa, imaynan qelqa k'uyu hukkaqnin uyapi nisqa kashan hina.

⁴Tukuy-atiyniyoq Señor Diosmi nin: Ñoqan chay ñakayta chayachimuni suwakuqpa wasinmanpas haykunanpaq, llullakuspa sutiypi juraqpa wasinmanpas haykunanpaq. Chaypin ñakayqa kashallanqapuni k'aspinkunatapas ruminkunatapas thuninankama, nispan, nispa.

⁵Hinamantataq ñoqawan rimaq angelqa asuykamuwaspa niwarqan: —Kunan rikhurimushasqanta allintapuni qhaway, nispa.

⁶Ñoqataq tapurqani: —¿Imataq chayri? nispa. Paytaq niwarqan: —Chayqa tupuna rakin. Chayqa suyuntinpi huchallikusqankun, nispa.

⁷Qhawashaqtiytaq titi kirpanata kicharqanku, huk warmitaq chay raki ukhupi tiyashasqa.

⁸Angeltaq niwarqan: —Kay warmiqa Mana Allin Kaymi, nispa. Hinaspan raki ukhuman tanqaykurqan, chay titi kirpanawantaq kirpaykurqan.

⁹Wichaymanmi qhawarirqani, ñawpaqeypin iskay warmi kapushasqa. Cigüeña hina raphrayoqmi kasqaku, wayrataq raphrankuta phalachishasqa. Hinan paykunaqa chay rakita wichayman hoqarirqanku.

¹⁰Chaymi ñoqawan rimaq angelta tapurqani: —¿Maytan chay rakita apashanki? nispa.

¹¹Paytaq niwarqan: —Babilonia suyupin yupaychana wasita Mana Allin Kaypaq perqanqaku, wasichasqaña kaqtintaqmi tiyachina patapi rakita tiyachinqaku, nispa.