Read Quechua Cuzco Bible 1988 HECHOS 1 Bible Online

HECHOS 1 - Quechua Cuzco Bible 1988 bible

HECHOS 1

¹Wiraqocháy Teófilo, ñawpaq qelqamusqaypin qelqamurqayki Jesuspa llapan ruwasqanmanta yachachisqanmantawan, qallariymantapacha hanaq pachaman hoqarisqa kasqan p'unchaykama. Manaraq hanaq pachaman hoqarisqa kashaspanmi akllakusqan apostolkunata*f** Santo Espirituq atiyninwan yachachirqan.

³Jesusmi wañusqanmanta kawsarimpuspa tawa chunka p'unchay ukhupi apostolkunaman*f** sut'ita rikhurirqan, hinaspan Diospa kamachikushasqanmanta yachachirqan. Chay hinapin apostolkunaqa*f** yacharqanku cheqaqtapuni Jesusqa kawsashasqanta.

⁴Paykunawan mikhushaspanmi Jesusqa paykunata kamachirqan: —Amaraq Jerusalén llaqtamanta lloqsiychischu, aswanpas Yayaq prometesqanta nisqayman hina suyaychis.

⁵Juanqa unuwanmi bautizarqan, qankunan ichaqa kay pisi p'unchaykunallamanta Santo Espirituwan bautizasqa kankichis, nispa.

⁶Apostolkunan*f** huñunakuspa Jesusta tapurqanku: —Señorniyku, ¿kay tiempopichu Israel suyuta wakmanta sayarichinki ñawpa hina kananpaq? nispa.

⁷Hinan paykunata nirqan: —Manan qankunamanchu chay yachayqa tupasunkichis, aswanpas kikin Yayallan tiempokunatapas p'unchaykunatapas akllananpaqqa atiyniyoq.

⁸Qankunaman Santo Espíritu hamuqtinmi ichaqa atiyta chaskinkichis, hinaspan testigoykuna kankichis Jerusalén llaqtapi, lliw Judea provinciapi, Samaria provinciapi, kay pachaq k'uchunkamaraq, nispa.

⁹Chaykunata niqtinñan Jesusqa paykuna qhawashaqtinku hanaq pachaman hoqarisqa karqan. Hinan huk phuyu payta pakaykurqan.

¹⁰Jesuspa hanaq pachaman ripushasqanta qhawashaqtinkutaq, yuraq p'achayoq iskay qharikuna paykunawanña sayashasqaku.

¹¹Chay qharikunan paykunata nirqan: —Galileamanta kaq qharikuna, ¿imanaqtinmi hanaq pachata qhawashankichis? Qankunamanta hanaq pachaman ripuq kikin Jesusmi hanaq pachaman ripusqanta rikusqaykichis hinallatataq kutimunqapas, nispa.

¹²Hinaqtinmi apostolkunaqa*f** Olivos nisqa orqomanta Jerusalén llaqtaman kutipurqanku, chay orqoqa Jerusalén llaqtamanta qayllallapin kashan, huk kilómetro hinalla.

¹³Llaqtaman haykuspataq qorpachakusqanku altos wasiman wicharqanku, chaypin kasharqanku Pedro, Jacobo, Juan, Andrés, Felipe, Tomás, Bartolomé, Mateo, Alfeoq churin Jacobo, Zelote*f** nisqa t'aqamanta Simón, Jacoboq churin Judaspiwan.

¹⁴Llapan chaykunan huk sonqolla Diosmanta mañakunankupaq huñukuqku, paykunawanmi kasharqan warmikunapas, Jesuspa maman Mariapas, wawqenkunapas.

¹⁵Chay p'unchaykunapin pachak iskay chunkayoq hina iñiqkuna huñukurqanku. Hinan Pedroqa chawpinkupi sayaykuspa nirqan:

¹⁶—Wawqe-panaykuna, Santo Espirituqa ñawpaqtañan Davidpa siminwan Judasmanta rimarqan. Diospa Simin Qelqaqa hunt'akunanpunin karqan. Judasmi karqan Jesusta hap'iqkuna pusaq.

¹⁷Payqa ñoqanchiswan yupasqa kaspan kay ruwanapi ruwaysikuqpas karqan.

¹⁸Paymi mana chanin ruwasqanmanta qolqe pagasqankuwan chakrata rantirqan, umanpamanta urmaykuspataq phatarqan, hinan lliw ch'unchulninpas tallikurqan.

¹⁹Jerusalén llaqtapi llapa tiyaqkunataq chayta yachaspanku chay chakrata rimayninkupi suticharqanku: Akeldama, nispa.

²⁰Akeldamaqa Yawar Chakra ninantan nin. Diospa Simin Qelqapin nin: Wasinpas purunyachun, amataq chaypi tiyaqpas kachunchu, nispa. Nillantaqmi: Llank'anantapas wak runa llank'achun, nispa.

²¹Chay hinaqa, Señor Jesuswan kuska tukuy tiempo puriqmasinchis qharikunamanta hukninta akllasunchis.

²²Paykunan Juanpa Jesusta bautizasqanmantapacha ñoqanchiswan karqanku Jesuspa hanaq pachaman hoqarisqa kasqan p'unchaykama. Chay hinaqa, paykunamantan hukninta akllananchis Jesuspa kawsarimpusqanmanta testigomasinchis kananpaq, nispa.

²³Chaymi iskayta akllarqanku: Justo sutiyoq José Barsabasta, Matiastawan.

²⁴Hinaspan mañakurqanku: —Señorniyku, qanllan tukuy runaq sonqonta reqsinki, qanpuni reqsichiwayku mayqentachus kay iskayninmanta akllakusqaykita,

²⁵apostol-kaypi Judaspa rantinpi ruwanayoq kananpaq. Chay llank'anayoq kaymantaqa Judasmi lloqsipurqan, maypichus kananman ripunanpaq, nispa.

²⁶Hinaspan sortearqanku, suertetaq Matiasman chayarqan, chaymi chunka hukniyoq apostolkunaman*f** yupasqa kapurqan.