Read Quechua Cuzco Bible 1988 JOSÚE 12 Bible Online

JOSÚE 12 - Quechua Cuzco Bible 1988 bible

JOSÚE 12

¹Israel runakunan atipaspa hap'ikapurqanku Jordán mayuq inti lloqsimuy ladon hallp'akunata. Atipasqanku hallp'akunataq karqan uray lado Arnón mayumanta wichay lado Hermón orqokama, llapan Jordán qheshwa wayq'ontin. Iskay reytan atiparqanku.

²Hukkaqmi karqan Hesbonpi tiyaq Amor runakunaq reynin Sehón. Paypa hallp'anmi karqan Aroer llaqta qaylla Arnón mayu patamanta Amón runakunaq hallp'an qorpapi Jabok mayukama, chay hallp'apin karqan Galaadpa kuskan hap'iynin.

³Jordán qheshwa wayq'o inti lloqsimuy lado pampatapas kamachillarqantaq, Kineret qochamanta Kachi Qocha qayllapi Bet-jesimot llaqtakama, uray ladomantaq Pisga orqo chakikama.

⁴Hukkaq reytaq karqan Basán suyu rey Og, paymi karqan Refaim runakunamanta puchuqpa miraynin, tiyarqantaq Astarot llaqtapi Edrei llaqtapiwan.

⁵Paymi kamachirqan wichay ladopi Gesur suyu qorpamanta Maaka suyu qorpamantawan uray ladopi rey Sehonpa hallp'an qorpakama. Chay hallp'apin karqan Hermón orqo, Salka llaqta, llapan Basán suyu, Galaadpa kuskan hap'iyninpiwan.

⁶Moisesmi Israel runakunantin chay reykunata atipasqa, hinaspan Moisesqa chay hallp'ata rakisqa Rubén aylluman, Gad aylluman, Manasés aylluq kuskanninmanwan.

⁷Josueqa Israel runakunantin atiparqan llapan Jordán mayu inti haykuy ladopi tiyaq reykunata, Libanoq qheshwanpi Baal-gad llaqtamanta Seir qaylla Halak orqokama. Josueqa chay reykunaq hallp'antan Israel runakunaman tiyakapunankupaq rakirqan.

⁸Chay hallp'akunataq karqan llapan orqo-orqontin, Shefela nisqa moqo-moqontin, Jordán qheshwa wayq'ontin, qhatakunantin, ch'inneq hallp'akunantin, Neguev nisqa hap'iynintin. Chay hallp'akunan kasqa Het runakunaq, Amor runakunaq, Canaán runakunaq, Fares runakunaq, Hiv runakunaq, Jebus runakunaq ima.

⁹Atipasqanku reykunan kaykuna karqan: Jericó llaqta rey, Betel qaylla Hai llaqta rey,

¹⁰Jerusalén llaqta rey, Hebrón llaqta rey,

¹¹Jarmut llaqta rey, Lakis llaqta rey,

¹²Eglón llaqta rey, Gezer llaqta rey,

¹³Debir llaqta rey, Geder llaqta rey,

¹⁴Horma llaqta rey, Arad llaqta rey,

¹⁵Libna llaqta rey, Adulam llaqta rey,

¹⁶Makida llaqta rey, Betel llaqta rey,

¹⁷Tapúa llaqta rey, Hefer llaqta rey,

¹⁸Afek llaqta rey, Sarón llaqta rey,

¹⁹Madón llaqta rey, Hazor llaqta rey,

²⁰Simron-merón llaqta rey, Aksaf llaqta rey,

²¹Taanak llaqta rey, Meguido llaqta rey,

²²Kides llaqta rey, Carmelopi Jokneam llaqta rey,

²³Dor llaqta rey, Galileapi Goim llaqta rey,

²⁴Tirsa llaqta rey ima. Llapanpitaq kinsa chunka hukniyoq reykuna karqan.