Read Quechua Cuzco Bible 1988 JOSÚE 15 Bible Online

JOSÚE 15 - Quechua Cuzco Bible 1988 bible

JOSÚE 15

¹Judá aylluq mirayninkunataq hallp'ata sorteopi chaskikurqanku, chay hallp'ataqmi urayman mast'arikurqan Edom suyu Zin ch'inneq pampawan qorpakama.

²Kachi Qocha uray patamantapachan Judá ayllu hallp'aq qorpanqa qallarirqan,

³chaymantataq qorpaqa Nina Q'ara nisqa Q'asa uranta seqarqan, Zin ch'inneq pampanta aysakuspataq Kades-barneaq uranman chayarqan. Chaymantapas Hezronninta rispa Adarkama seqarqan, chaymantataq Karkaman kutirirqan.

⁴Karkamantataq Asmonkama rirqan, Asmonmantataq Egipto suyu qorpa mayuman tariparqan, chay mayu patantakamataq Mama Qochaman taripapurqan. Uray ladopi Judá ayllu hallp'aq qorpantaq chaykuna karqan.

⁵Inti lloqsiy lado qorpataq karqan Kachi Qocha patamantakama Jordán mayuwan tinkuykama. Chaymantataq wichay lado qorpaqa qallarirqan.

⁶Bet-hoglanta wichaspataq Bet-arabaq altonta pasarqan, chaymantataq Rubenpa churin nisqa Bohán Qaqaman chayarqan.

⁷Chaymantataq Llakikuy Wayq'omanta Debirman wicharqan, kutirimurqantaq Gilgal kinrayman, chay Gilgaltaq karqan wayq'o uray kinray Adumin Q'asaq ñawpaqenpi. Chaymantapas qorpaqa pasarqan En-semes pukyu-pukyunta En-rogelkamaraq.

⁸Chaymantataq pasarqan Jebusman seqamuna uray kinray qhataq Ben-hinom wayq'onta (Jerusalenmi Jebusqa kasqa). Chaymantataq Hinom wayq'oq inti haykuy kinrayninpi orqo k'awchinta pasarqan (chay orqon Refaim wayq'oq wichay ladonpi karqan).

⁹Chay orqoq k'awchinmantataq Neftoa pukyuman kutirirqan, chaymantataq pasarqan Efrón orqo llaqtakunakama, chaymantataq kutirirqan Kiriat-jearim sutiyoq Baalaman.

¹⁰Baalamantataq qorpaqa kutirirqan inti haykuy kinrayman Seir orqokama, chaymantataq pasarqan Jearim orqo wichay lado qhata Kesalonninta, chaymantataq uraykurqan Bet-semeskama, Timnantataq pasarqan.

¹¹Qorpaqa aysakurqan Ekrón llaqta wichay ladopi orqo qhatanta, Sikrón ladoman kutirispataq Baala orqonta pasarqan, chaymantataq Jabneelninta lloqsispa Mama Qochaman tariparqan.

¹²Inti haykuy lado qorpataq Mama Qocha patantakama karqan. Judá ayllu hallp'aq qorpankunataq chaykuna karqan, mirayninkuman hina rakisqa.

¹³Josuemi Señor Diospa kamachikusqanman hina Jefoneq churin Calebman Judá ayllupi hallp'ata qorqan. Chaymi payqa Hebrón nisqa Kiriat-arbata chaskirqan (Arbaqa Anakpa taytanmi kasqa).

¹⁴Chay llaqtamantan Calebqa qarqorqan Anakpa miraynin Sesaita, Ahimanta, Talmaitawan.

¹⁵Chaymantataq wicharqan Debirpi tiyaqkunawan maqanakuq (Debirpa ñawpaq sutintaq Kiriat-sefer kasqa).

¹⁶Nirqantaq: Kay llaqtata maqanakuspa atipaqmanmi ususiy Aksata warminpaq qopusaq, nispa.

¹⁷Hinan Calebpa wawqen Kenazpa churin Otonielqa Debir llaqtata atiparqapurqan, chaymi Calebqa ususin Aksata payman qopurqan.

¹⁸Casarakusqanku p'unchaytaq Aksaqa Otonielta tanqarqan Calebmanta chakrapaq hallp'ata mañakunanta. Chaymantataq warmiqa asnomanta uraykurqan, hinan taytanqa payta tapuykurqan: —¿Imatan munashanki? nispa.

¹⁹Paytaq nirqan: —Ama hinachu kay, huk qokuytawanpuni qoykuway. Ña qowankiña Neguevpi ch'aki pampata chayqa, qollawaytaq pukyukunatapas, nispa. Chaymi payqa altonpi uranpi pukyukunata ususinman qorqan.

²⁰Judá aylluq mirayninkunaman hina rakisqa hallp'akunataq kaykuna karqan:

²¹Uray lado suyupi Edompa qorpan qaylla llaqtakuna: Kabseel, Edar, Jakur,

²²Kina, Dimona, Adada,

²³Kedes, Hazor, Itnán,

²⁴Zif, Telem, Bealot,

²⁵Hazor-hadata, Hazor nisqa Kiriot-Hezrón,

²⁶Amam, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotía,

²⁹Baala, Iim, Esem,

³⁰Eltolad, Kesil, Horma,

³¹Siklag, Madmana, Sansana,

³²Lebaot, Silhim, Aín, Rimonpiwan. Llapanpitaq iskay chunka isqonniyoq llaqtakuna ayllukunantin karqan.

³³Shefela nisqa moqo-moqopi hap'isqanku llaqtakuna: Estaol, Zora, Asena,

³⁴Zanoa, En-ganim, Tapúa, Enam,

³⁵Jarmut, Adulam, Soco, Azeka,

³⁶Saaraim, Aditaim, Gedera, Gederotaimpiwan. Llapanpitaq chunka tawayoq llaqtakuna ayllukunantin karqan.

³⁷Hinallataq Zenán, Hadasa, Migdal-gad,

³⁸Dileán, Mizpa, Jokteel,

³⁹Lakis, Boskat, Eglón,

⁴⁰Kabón, Lahmam, Kitlis,

⁴¹Gederot, Bet-dagón, Naama, Makedapiwan. Llapanpi chunka soqtayoq llaqtakuna ayllukunantin.

⁴²Kaqllataq Libna, Eter, Asán,

⁴³Jifta, Asena, Nezib,

⁴⁴Keila, Akzib, Maresapiwan, llapanpi isqon llaqta ayllukunantin.

⁴⁵Kaqllataq Ekronpas llaqtakunantin ayllukunantin,

⁴⁶hinallataq llapa Asdod qaylla llaqtakuna ayllukunantin Ekronmantapacha Mama Qochakama.

⁴⁷Kaqllataq Asdodpas llapa llaqtakunantin aylluntin ima, Gazapas llapa llaqtakunantin ayllukunallantintaq Qocha patantakama Egipto suyu qorpa mayukamaraq.

⁴⁸Orqo-orqopi hap'isqanku llaqtakunataq: Samir, Jatir, Soko,

⁴⁹Dana, Debir nisqa Kiriat-sana,

⁵⁰Anab, Estemoa, Anim,

⁵¹Gosén, Holón, Gilopiwan, llapanpitaq chunka hukniyoq llaqtakuna ayllukunantin.

⁵²Hinallataq Arab, Duma, Esán,

⁵³Janum, Bet-tapúa, Afeka,

⁵⁴Humta, Hebrón nisqa Kiriat-arba, Siorpiwan, llapanpi isqon llaqta ayllukunantin.

⁵⁵Kaqllataq Maón, Karmel, Zif Juta,

⁵⁶Jezreel, Jokdeam, Zanoa,

⁵⁷Kaín, Gabaa, Timnapiwan, llapanpi chunka llaqta ayllukunantin.

⁵⁸Chaymantapas Halhul, Bet-sur, Gedor,

⁵⁹Maarat, Bet-anot, Eltekonpiwan, llapanpi soqta llaqta ayllukunantin.

⁶⁰Kiriat-jearim nisqa Kiriat-baalpas Rabapas lliw ayllukunantin.

⁶¹Ch'inneq pampapi hap'isqanku llaqtakunataq: Bet-arabá, Midín, Sekaka,

⁶²Nibsán, Kachi Llaqta, En-gadipiwan, llapanpi soqta llaqta ayllukunantin.

⁶³Jerusalenpi tiyaq Jebus runakunatataq ichaqa Judá ayllu runakunaqa mana qarqoyta atirqankuchu, chayraykun Jebus runakunaqa Judá ayllu runakunawan kuskallapuni tiyakapurqanku.