Read Quechua Cuzco Bible 1988 JOSÚE 19 Bible Online

JOSÚE 19 - Quechua Cuzco Bible 1988 bible

JOSÚE 19

¹Iskaykaq sorteasqa hallp'ataq Simeón aylluman mirayninkunaman hina qosqa karqan, chaytaqmi Judá aylluq hallp'an chawpipi karqan.

²Chaypin kay llaqtakuna karqan: Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siklag, Bet-markabot, Hazar-susa,

⁶Bet-lebaot, Saruhempiwan, llapanpi chunka kinsayoq llaqta ayllukunantin.

⁷Kallarqantaq Aín, Rimón, Eter, Asanpiwan ayllukunantin,

⁸hinallataq lliw ayllukuna Neguevpi Ramat nisqa Baalat-beer llaqtakama. Chay hallp'akuna rakisqa karqan Simeón aylluman mirayninkunaman hina.

⁹Judá aylluq hallp'anqa sinchi hatunmi paykunapaq karqan, chaymi Judá hallp'amanta wakinta Simeón aylluman qorqanku.

¹⁰Kinsakaq sorteasqa hallp'ataq Zabulón aylluman mirayninkunaman hina qosqa karqan. Chaymi hallp'anqa Saridkama chayarqan.

¹¹Sarid llaqta inti haykuy ladopi qorpaqa Maralakama aysakurqan, chaymantataq Dabesetman ayparqan, kaqllataq Jokneampa inti lloqsiy ladopi mayumanpas.

¹²Sarid llaqta inti lloqsiy ladopi qorpaqa Kislot-tavorkama chayarqan, chaymantataq Daberatman rirqan, Daberatmantataq Jafiakama wicharqan.

¹³Chaymantapas qorpaqa aysakurqan inti lloqsiy kinrayman Gat-heferman Ita-kazinmanwan, Neanta muyumuspataq Rimonman chayarqan.

¹⁴Wichay lado qorpaqa muyumurqan Hanatonkama, chaymantataq wicharqan Jefte-el wayq'oman.

¹⁵Chay hallp'apin karqan Katat, Naalal, Simrón, Idala, Belén, huk llaqtakunapiwan, llapanpitaq chunka iskayniyoq llaqtakuna ayllukunantin.

¹⁶Chay hallp'an llaqtakunantin lliw ayllukunantin ima Zabulón aylluman rakisqa karqan mirayninkunaman hina.

¹⁷Tawakaq sorteasqa hallp'ataq Isakar aylluman mirayninkunaman hina qosqa karqan.

¹⁸Chay hallp'api llaqtakunataq karqan: Jezreel, Kisulot, Sunem,

¹⁹Hafaraim, Sihón, Anaharat,

²⁰Rabit, Kisión, Abez,

²¹Remet, En-ganim, En-hada, Bet-pasespiwan.

²²Qorpataq ayparqan Taborman, Sahaziman, Bet-semesmanwan, Jordán mayupitaq tukukapurqan. Chaypitaq chunka soqtayoq llaqtakuna ayllukunantin karqan.

²³Chay hallp'an llaqtakunantin ayllukunantin ima Isakar aylluman rakisqa karqan mirayninkunaman hina.

²⁴Phisqakaq sorteasqa hallp'ataq Aser aylluman mirayninkunaman hina qosqa karqan.

²⁵Chay hallp'api llaqtakunataq karqan: Helkat, Halí, Betén, Aksaf,

²⁶Alamelek, Amad, Misealpiwan. Inti haykuy lado qorpaqa chayarqan Carmelo orqokama, Sihor-libnatakamapiwan.

²⁷Inti lloqsiy lado qorpataq wichay ladoman Bet-dagonkama rirqan, Zabulón aylluq hallp'anman Jefte-el wayq'omanwan aypaspa. Chaymantataq Bet-emekninta Nerelnintawan pasaspa Kabulman, Hebronman, Rehobman, Hamonman, Kanamanwan, Sidón hatun llaqtaman chayanankama.

²⁸

²⁹Chaymantataq qorpaqa q'ewirimurqan Ramá cheqasman, allichaq kallpachasqa Tiro llaqta kinrayman, chaymantataq Hosa ladonta rispa Mama Qochaman lloqsirqan. Mahalebwan, Akzibwan,

³⁰Umawan, Afekwan, Rehobpiwan yapakurqan iskay chunka iskayniyoq llaqtakuna llapa ayllukunantin.

³¹Chay hallp'an llaqtakunantin ayllukunantin ima Aser aylluman rakisqa karqan mirayninkunaman hina.

³²Soqtakaq sorteasqa hallp'ataq Neftalí aylluman mirayninkunaman hina qosqa karqan.

³³qorpantaq Helefmanta, Saananimpi kaq encina sach'amantawan, Adami-nekebninta, Jabneelnintawan, Lakumkama rispa Jordanman chayarqan.

³⁴Inti haykuy lado qorpañataq rirqan Aznot-taborninta, chaymantataq Hukukninta, chay hinapin uray lado qorpanqa karqan Zabulón aylluq hallp'anwan, inti haykuy lado qorpataq Aser aylluq hallp'anwan, inti lloqsiy lado qorpantaq karqan Jordán mayuwan.

³⁵Chaypin allichaq kallpachasqa llaqtakuna karqan: Sidim, Zer, Hamat, Ragat, Kineret,

³⁶Adama, Ramá, Hazor,

³⁷Kedes, Edreí, En-hazor,

³⁸Irón, Migdal-el, Horem, Bet-amat, Bet-semespiwan. Llapanpitaq chunka isqonniyoq llaqtakuna ayllukunantin.

³⁹Chay hallp'an llaqtakunantin ayllukunantin ima Neftalí aylluman rakisqa karqan mirayninkunaman hina.

⁴⁰Qanchiskaq sorteasqa hallp'ataq Dan aylluman mirayninkunaman hina qosqa karqan.

⁴¹Chay hallp'api llaqtakunataq karqan: Zera, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ekrón,

⁴⁴Elteke, Gibetón, Boalat,

⁴⁵Jehud, Bene-berak, Gat-rimón,

⁴⁶Mejarkón, Rakonpiwan, chaymantapas Jope llaqtaq ñawpaqenpi kaq hallp'apiwan.

⁴⁷Chay hallp'a paykunaman mana aypaqtintaq, Dan ayllu runakunaqa rirqanku Lesem llaqtata phawaykuq. Hinaspan chaypi lliw tiyaqkunata wañurachispa, llaqtata hap'ikapuspa kikinpi tiyakapurqanku. Machulankuq sutin Dan sutiwantaq suticharqanku.

⁴⁸Chay hallp'an llaqtakunantin ayllukunantin ima Dan aylluman rakisqa karqan mirayninkunaman hina.

⁴⁹Hallp'a rakinakuyta tukuqtinkutaq, Israel runakunaqa hallp'anku chawpipi Josueman tupaqnin hallp'ata qorqanku.

⁵⁰Señor Diospa kamachikusqanman hinan Josuepa mañakusqan hallp'ata qorqanku, Efraín orqo-orqopi Timnat-sera llaqtata. Hinan Josueqa wakmanta chay llaqtata perqachispa chaypi tiyakapurqan.

⁵¹Silopi Dios yupaychana karpaman haykunapin sacerdote Eleazarwan, Josuewan, llapan llaqta uma runakunapiwan Señor Diospa ñawpaqenpi sorteaspa hallp'ata rakirqanku. Chay hinapin hallp'a rakiyta tukurqanku.