Read Quechua Cuzco Bible 1988 JOSÚE 21 Bible Online

JOSÚE 21 - Quechua Cuzco Bible 1988 bible

JOSÚE 21

¹Leví ayllu kurak taytakunan Canaán suyupi Silo llaqtaman rirqanku sacerdote Eleazarwan, Josuewan, Israel ayllukunaq kurak taytankunawan ima parlaq. Hinaspan nirqanku: —Señor Diosqa Moiseswanmi kamachikurqan llaqtakunata tiyanaykupaq, uywa michinaykupaq campoyoqta qowanaykichista, nispa.

³Chaymi Israel runakunaqa Señor Diospa kamachikusqanman hina paykunaq hallp'ankupi llaqtakunata uywa michina campoyoqta Leví runakunaman qorqanku.

⁴Ñawpaqtan Leví ayllu Kohatpa mirayninkunaman llaqtakunata qonankupaq sortearqanku. Chaymi sacerdote Aaronpa chay mirayninkunaman chunka kinsayoq llaqtakunata qorqanku Judá ayllumanta, Simeón ayllumanta, Benjamín ayllumantawan.

⁵Wakin Kohatpa mirayninkunamantaq sorteaspa chunka llaqtakunatawan qorqanku Efraín ayllumanta, Dan ayllumanta, Manasés aylluq kuskanninmantawan.

⁶Chaymantataq Gersonpa mirayninkunaman sorteaspa chunka kinsayoq llaqtakunata qorqanku Isakar ayllumanta, Aser ayllumanta, Neftalí ayllumanta, Basanpi kaq Manasés aylluq kuskanninmantawan.

⁷Merariq mirayninkunamanñataq chunka iskayniyoq llaqtakunata qorqanku Rubén ayllumanta, Gad ayllumanta, Zabulón ayllumantawan.

⁸Chay hinatan Israel runakunaqa sorteaspa Leví runakunaman llaqtakunata uywa michina campoyoqtakama qorqanku, Moiseswan Señor Diospa kamachikusqanman hina.

⁹Ñawpaqta sortearqanku Aarón miray Leví ayllu Kohatpa mirayninkunaman llaqtakunata qonankupaq. Ahinapin Judá ayllumanta, Simeón ayllumantawan kay llaqtakunata qorqanku.

¹¹Judá orqo-orqopi Hebrón nisqa Kiriat-arbata llaqta muyuriq uywa michina campontinta qorqanku. (Arbaqa Anakpa taytanmi kasqa).

¹²Aswan ñawpaqtaraqmi Jefoneq churin Calebman kay llaqtaq ayllunkunata chakrakunantinta qosqaku.

¹³Hebrontaq karqan mana yuyaypichu runa wañuchiqkunaq pakakunan llaqta. Sacerdote Aaronpa mirayninmanqa kay llaqtakunatapas qollarqankutaqmi: Libnata,

¹⁴Jatirta, Estemoata,

¹⁵Holonta, Debirta,

¹⁶Ainta, Jutata, Bet-semestawan, isqon llaqtakunata uywa michina campoyoqtakama.

¹⁷Benjamín ayllumantataq qorqanku Gabaonta, Gebata,

¹⁸Anatot-ta, Almontawan, chay tawantin llaqtakunata uywa michina campoyoqtakama.

¹⁹Ahinapin sacerdote Aaronpa mirayninpa llaqtankunaqa chunka kinsayoq karqan uywa michina campoyoqkama.

²⁰Wakin Kohatpa mirayninkunamantaq Efraín ayllumanta llaqtakunata qorqanku.

²¹Efraín orqo-orqopi kaq Shehemta qorqanku, chay llaqtan karqan mana yuyaypichu runa wañuchiqkunaq pakakunanpaq. Qollarqankutaq Gezerta,

²²Kibsaimta, Bet-horontawan, tawantin llaqtakunata uywa michina campoyoqtakama.

²³Dan ayllumantataq chaskirqanku Elteketa, Gibetonta,

²⁴Ajalonta, Gat-rimontawan, tawantin llaqtakunata uywa michina campoyoqtakama.

²⁵Manasés aylluq kuskanninmantataq chaskillarqankutaq Taanakta Gat-rimontawan uywa michina campoyoqtakama.

²⁶Chay hinapin chay Kohatpa mirayninkunaq llaqtankunaqa chunka karqan.

²⁷Gersonpa mirayninkunamantaq Manasés aylluq kuskanninmanta iskay llaqtata qorqanku uywa michina campoyoqtakama: Beesterata, Basanpi kaq Golantawan, chay llaqtan karqan mana yuyaypichu runa wañuchiqkunaq pakakunanpaq.

²⁸Isakar ayllumantataq qorqanku Kisonta, Daberat-ta,

²⁹Jarmut-ta, En-ganimtawan, tawantin llaqtakunata uywa michina campoyoqtakama.

³⁰Aser ayllumanta qorqanku Misaelta, Abdonta,

³¹Helkat-ta, Rehobtawan, tawantin llaqtakunata uywa michina campoyoqtakama.

³²Neftalí ayllumantataq qorqanku kinsa llaqtakunata uywa michina campoyoqtakama: Hamot-dorta, Kartanta, Galileapi kaq Kedestawan, chay llaqtan karqan mana yuyaypichu runa wañuchiqkunaq pakakunanpaq.

³³Chay hinapin Gersonpa mirayninkunaq llaqtankuna chunka kinsayoq karqan.

³⁴Wakin Leví runakuna Merariq mirayninkunaman Zabulón ayllumanta qorqanku Jokneamta, Kartata,

³⁵Dimnata, Naalaltawan, tawantin llaqtakunata uywa michina campoyoqtakama.

³⁶Rubén ayllumantapas qollarqankutaq Beserta, Jahazata,

³⁷Kademot-ta, Mefaat-tawan, tawa llaqtakunata uywa michina campoyoqtakama.

³⁸Gad ayllumantapas qollarqankutaq Galaadpi Ramot-ta, Mahanaimta, Hesbonta, Jazertawan, tawa llaqtakunata uywa michina campoyoqtakama. Ramot llaqtan karqan mana yuyaypichu runa wañuchiqkunaq pakakunanpaq.

⁴⁰Chay hinapin Merariq mirayninkunaq llaqtankuna chunka iskayniyoq karqan.

⁴¹Israel runakunaq hallp'anpi tawa chunka pusaqniyoq llaqtakunatan uywa michina campoyoqtakama Leví runakunaman qorqanku.

⁴³Ahinatan Señor Diosqa Israel runakunaq machulankuman: Qosqaykichis, nispa jurasqan hallp'ata paykunaman qoykapurqan, paykunataq chayta hap'ikapuspa tiyakapurqanku.

⁴⁴Señor Diosqa rimarisqanta hunt'aspan suyuntinta thak-kaypi tiyachirqan. Awqankupas manan Israel runakunawan churanakuyta atirqankuchu, aswanmi Señor Diosqa awqankuta paykunaman hap'iykuchirqan.

⁴⁵Señor Diospa Israel runakunaman allin rimarisqan simikunaqa llapanpunin hunt'akurqan.