Read Quechua Cuzco Bible 1988 APOCALIPSIS 12 Bible Online

APOCALIPSIS 12 - Quechua Cuzco Bible 1988 bible

APOCALIPSIS 12

¹Huk hatun manchay señalmi hanaq pachapi rikhurirqan: Huk warmin kashasqa intiwan p'achallisqa, chunka iskayniyoq ch'askamanta pilluyoq, killatataq sarushasqa.

²Chay warmiqa wiksallisqan kasqa, hinan wachakuy nanayta muchuspa qaparirqan.

³Chaymantataq wak señal hanaq pachapi rikhurirqan: Huk hatunkaray puka dragonmi*f** kashasqa qanchis umayoq, chunka waqrayoq, sapanka umanpi coronayoqkama.

⁴Chupanwanmi hanaq pachapi kaq kinsakaq t'aqa qoyllurkunata aysarqan, hinaspan kay pachaman wikch'uykamurqan. Chay dragonmi*f** wachakunanpaq kashaq warmiq ñawpaqenpi sayaykurqan, naceqtin hina wawata oqoykunanpaq.

⁵Chay warmin qhari wawata wachakurqan, chay wawan llapa suyukunata fierro varawan kamachinqa. Ichaqa chay wawan hoqarirqospa kamachikuy tiyananpi tiyashaq Diosman apasqa karqan.

⁶Hinan chay wachakuq warmiqa ch'inneqman ayqerqan, Diospa wakichisqan cheqasman, chaypin warmiqa waranqa iskay pachak soqta chunkayoq p'unchay uywasqa kanqa.

⁷Chaymantataq hanaq pachapi hatun maqanakuy karqan. Miguelmi angelninkunantin dragón*f** contra maqanakurqan, hinallataq dragonpas*f** angelninkunantin Miguel contra maqanakurqan,

⁸ichaqa dragonmi*f** angelninkunapiwan atipachikurqanku, chaymi hanaq pachapi kanankupas manaña atikurqanñachu.

⁹Hinaqtinmi chay hatun dragonqa*f** angelninkunantin kay pachaman wikch'uykamusqa karqan. Paymi ñawpa mach'aqway, saqra, Satanás nisqa sutiyoq. Paymi kay pachantinta q'otuspa pantachin.

¹⁰Chay qhepatataq hanaq pachapi kunkayoq waqyakuqta uyarirqani: Kunanmi chayamun Diosninchispa qespichiynin, atiynin, kamachikuynin, Diospa Akllasqan Cristoq atiyninpas. Wawqe-pananchiskunata huchachaqmi hanaq pachamanta wikch'usqaña. Paymi wawqe-pananchiskunata Diosninchispa ñawpaqenpi tuta-p'unchay huchachashallaqpuni.

¹¹Wawqe-pananchiskunaqa Corderoq yawarninwanmi, Diospa simin willasqankupiwanmi dragonta*f** atiparqanku, paykunaqa manan wañuyta manchakurqankuchu, aswanmi wañunankupaqpas listo kasharqanku.

¹²Chayrayku, hanaq pachakuna, kusikuychis. Chaypi llapa tiyaqkuna, q'ochukuychis. ¡Imaynaraqmi kankichis kay pachapi mama qochapi tiyaqkuna! Saqran qankunaman uraykamun, sinchi phiñasqan kashan, tiempoqa pisillaña kananta yachaspa, nispa nishaqta.

¹³Chay dragontaq*f** kay pachaman wikch'uykamusqa kasqanta reparakuspa, qhari wawa wachakuq warmita qatiykacharqan.

¹⁴Diosmi ichaqa chay warmiman hatun ankaq iskay raphranta qorqan, chay mach'aqwaypa qayllanmanta ch'inneqpi wakichisqa cheqasman phalarinanpaq, chaypin uywasqa kanan kinsa wata phasminta.

¹⁵Hinan mach'aqwayqa warmiq qhepanman siminmanta unuta aqturqan mayuta hinaraq, chay mayu warmita apananpaq.

¹⁶Hallp'ataq ichaqa kicharikuspa dragonpa*f** aqtumusqan mayuta millp'uykurqan, ahinapin warmita yanaparqan.

¹⁷Chaymi dragonqa*f** k'araktapuni warmipaq phiñakurqan hinaspa warmiq mirayninmanta kaq wakinkunawan maqanakuq rirqan, paykunaqa Diospa kamachikuyninkunatan hunt'anku, Jesuspa willasqanpi qaqata sayanku.

¹⁸Mama qocha pata aqo-aqopin dragonqa*f** sayaykurqan.