Read Rade Klei Mphŭn Dơ̆ng 36 Bible Online

Klei Mphŭn Dơ̆ng 36 - Rade bible

Klei Mphŭn Dơ̆ng 36

¹Phung anei jing anak čô Y-Êsâo (jing Y-Êđôm).

²Y-Êsâo mă mô̆ mơ̆ng phung mniê čar Kanaan: H'Ada anak mniê Y-Êlon mnuih Hitit, H'Ôhôlibama anak mniê Y-Ana anak êkei Y-Sibêôn mnuih Hiwit,

³leh anăn H'Basmat anak mniê Y-Ismaêl amai Y-Nêbaôt.

⁴H'Ada kkiêng Y-Êlipas kơ Y-Êsâo. H'Basmat kkiêng Y-Rêuel.

⁵H'Ôhôlibama kkiêng Y-Jêus, Y-Jalam, leh anăn Y-Kôra. Anei phung anak êkei Y-Êsâo mô̆ ñu kkiêng leh kơ ñu hlăm čar Kanaan.

⁶Y-Êsâo mă phung mô̆ ñu, phung anak êkei ñu, phung anak mniê ñu, jih jang phung mnuih hlăm sang ñu, êmô ñu, jih jang mnơ̆ng rông ñu, leh anăn jih jang ngăn drăp ñu mkăm hlăm čar Kanaan, leh anăn ñu đuĕ nao hlăm čar kbưi mơ̆ng Y-Yakôp adei ñu;

⁷kyuadah ngăn drăp diñu lu đei tơl diñu amâo dưi dôk mbĭt ôh, leh anăn anôk lăn diñu dôk anăn amâo dưi djăp ôh kơ diñu, kyuadah mnơ̆ng diñu rông lu snăk.

⁸Snăn Y-Êsâo dôk hlăm lăn kngư Sêir. Y-Êsâo jing Y-Êđôm.

⁹Anei phung anak čô Y-Êsâo aê phŭn kơ phung Êđôm dôk hlăm lăn kngư Sêir.

¹⁰Anei anăn phung anak êkei Y-Êsâo: Y-Êlipas anak êkei H'Ada mô̆ Y-Êsâo; Y-Rêuel anak êkei H'Basmat mô̆ Y-Êsâo.

¹¹Phung anak êkei Y-Êlipas mâo: Y-Têman, Y-Ômar, Y-Sêphô, Y-Gatam, leh anăn Y-Kênas.

¹²(H'Timna jing mô̆ hjŭng Y-Êlipas anak êkei Y-Êsâo; ñu kkiêng Y-Amalek kơ Y-Êlipas.) Anăn yơh jing phung čô êkei H'Ada mô̆ Y-Êsâo.

¹³Anei jing phung anak êkei Y-Rêuel: Y-Nahat, Y-Sêra, Y-Sama, leh anăn Y-Misa. Anăn phung čô êkei H'Basmat mô̆ Y-Êsâo.

¹⁴Anei jing phung anak êkei H'Ôhôlibama anak mniê H'Ana anak êkei Y-Sibêôn mô̆ Y-Êsâo kkiêng kơ Y-Êsâo: Y-Jêus, Y-Jalam, leh anăn Y-Kôra.

¹⁵Anei jing phung khua krĭng phung anak êkei Y-Êsâo. Phung anak êkei Y-Êlipas anak kkiêng êlâo kơ Y-Êsâo: Y-Têman, Y-Ômar, Y-Sêphô, Y-Kênas,

¹⁶Y-Kôra, Y-Gatam, leh anăn Y-Amalek. Phung khua anăn kbiă mơ̆ng Y-Êlipas hlăm čar Êđôm, jing phung čô êkei H'Ada.

¹⁷Anei jing phung anak êkei Y-Rêuel anak êkei Y-Êsâo: Y-Nahat, Y-Sêra, Y-Sama, Y-Misa. Phung anăn jing khua găp djuê Y-Rêuel hlăm čar Êđôm, phung čô êkei H'Basmat mô̆ Y-Êsâo.

¹⁸Anei jing phung anak êkei H'Ôhôlibama mô̆ Y-Êsâo: Y-Jêus, Y-Jalam, Y-Kôra. Phung khua anăn H'Ôhôlibama anak mniê H'Ana mô̆ Y-Êsâo kkiêng.

¹⁹Phung anăn jing phung anak êkei Y-Êsâo (jing Êđôm) leh anăn anăn phung khua diñu.

²⁰Anei jing phung anak êkei Y-Sêir mnuih Hôrit, phung mnuih dôk hlăm čar anăn: Y-Lôtan, Y-Sôbal, Y-Sibêôn, Y-Ana,

²¹Y-Disôn, Y-Êser, leh anăn Y-Disan. Anăn phung khua phung Hôrit, phung anak êkei Y-Sêir hlăm čar Êđôm.

²²Phung anak êkei Y-Lôtan: Y-Hôri leh anăn Y-Hêman. Leh anăn H'Timna jing adei mniê Y-Lôtan.

²³Anei jing phung anak êkei Y-Sôbal: Y-Alwan, Y-Manahat, Y-Êbal, Y-Sêphô, leh anăn Y-Ônam.

²⁴Anei jing phung anak êkei Y-Sibêôn: Y-Aiah leh anăn Y-Ana. Y-Ana anăn jing pô ƀuh hnoh êa hlơr hlăm kdrăn tač êjai ñu kiă aseh dliê Y-Sibêôn ama ñu.

²⁵Anei jing phung anak êkei Y-Ana: Y-Disôn leh anăn H'Ôhôlibama anak mniê Y-Ana.

²⁶Anei jing phung anak êkei Y-Disôn: Y-Hêmdan, Y-Êsban, Y-Itram, leh anăn Y-Čêran.

²⁷Anei jing phung anak êkei Y-Êser: Y-Bilhan, Y-Sawan, leh anăn Y-Akan.

²⁸Anei jing phung anak êkei Y-Disan: Y-Us leh anăn Y-Aran.

²⁹Anei jing phung khua phung Hôrit: Y-Lôtan, Y-Sôbal, Y-Sibêôn, Y-Ana,

³⁰Y-Disôn, Y-Êser, Y-Disan. Anăn jing phung khua hlăm phung Hôrit tui si găp djuê diñu hlăm čar Sêir.

³¹Anei jing phung mtao kiă kriê hlăm čar Êđôm êlâo kơ mâo sa čô mtao kiă kriê phung Israel:

³²Y-Bêla anak êkei Y-Bêor kiă kriê hlăm čar Êđôm, anăn ƀuôn ñu jing Dinhaba.

³³Mtao Y-Bêla djiê, leh anăn Y-Yôbap anak êkei Y-Sêra ƀuôn Bôsra kiă kriê hrô ñu.

³⁴Mtao Y-Yôbap djiê, leh anăn Y-Husam čar Têman kiă kriê hrô ñu.

³⁵Mtao Y-Husam djiê, leh anăn Y-Hadat anak êkei Y-Bêdat, pô bi blah dưi hŏng Y-Madian hlăm čar Môap, kiă kriê hrô ñu. Anăn ƀuôn ñu Awit.

³⁶Mtao Y-Hadat djiê, leh anăn Y-Samla ƀuôn Masrêka kiă kriê hrô ñu.

³⁷Mtao Y-Samla djiê, leh anăn Y-Sal ƀuôn Rêhôbôt ti Êa Krông Ơprat kiă kriê hrô ñu.

³⁸Mtao Y-Sal djiê, leh anăn Y-Baal-Hanan anak êkei Y-Akbôr kiă kriê hrô ñu.

³⁹Mtao Y-Baal-Hanan anak êkei Y-Akbôr djiê, leh anăn Y-Hadar kiă kriê hrô ñu. Anăn ƀuôn ñu Pao; anăn mô̆ ñu H'Mêhetabel anak mniê Y-Matret čô mniê Y-Mêsahap.

⁴⁰Anei jing phung khua kbiă mơ̆ng Y-Êsâo tui si djuê diñu, tui si lăn diñu dôk, tui si anăn diñu: Y-Timna, Y-Alwa, Y-Jêtet,

⁴¹Y-Ôhôlibama, Y-Êla, Y-Pinôn,

⁴²Y-Kênas, Y-Têman, Y-Mipsar,

⁴³Y-Makdiêl, Y-Iram. Anăn phung khua čar Êđôm tui si anôk diñu dôk hlăm čar diñu. Anăn jing Y-Êsâo aê phŭn kơ phung Êđôm.