Read Rade I Klei Yăl Dliê 25 Bible Online

I Klei Yăl Dliê 25 - Rade bible

I Klei Yăl Dliê 25

¹Y-Đawit leh anăn phung khua prŏng kiă bruă pioh brei đa đa phung anak êkei Y-Asap, đa đa phung anak êkei Y-Hêman, leh anăn đa đa phung anak êkei Y-Yêduthun kơ bruă srăng hưn êlâo mbĭt hŏng klei ayŭ đĭng kliă, pĕ brô̆, leh anăn êyuh dang. Anăn phung mă bruă anăn leh anăn bruă diñu mâo:

²mơ̆ng phung anak êkei Y-Asap: Y-Sakur, Y-Yôsep, Y-Nêthania, leh anăn Y-Asarêla; phung anak êkei Y-Asap dôk ti gŭ klei Y-Asap atăt gai, ñu hưn êlâo ti gŭ klei mtao atăt gai.

³Mơ̆ng Y-Yêduthun, phung anak êkei Y-Yêduthun: Y-Gêdalia, Y-Sêri, Y-Jêsaya, Y-Simei, Y-Hasabia, leh anăn Y-Matitia, năm čô ti gŭ klei ama diñu Y-Yêduthun atăt gai, pô hưn êlâo mbĭt hŏng klei ayŭ đĭng kliă hŏng klei bi mni leh anăn mpŭ mni kơ Yêhôwa.

⁴Mơ̆ng Y-Hêman, phung anak êkei Y-Hêman: Y-Bukia, Y-Matania, Y-Usiêl, Y-Sêbuel, leh anăn Y-Jêrimôt, Y-Hanania, Y-Hanani, Y-Êliatha, Y-Gidalti, leh anăn Y-Romamti-Êser, Y-Jôsbêkasa, Y-Malôthi, Y-Hôthir, Y-Mahasiôt.

⁵Jih jang phung anăn jing phung anak êkei Y-Hêman pô thâo bi ƀuh kơ mtao, tui si klei Aê Diê ƀuăn čiăng bi mđĭ ñu; kyuadah Aê Diê brei leh kơ Y-Hêman pluh pă čô anak êkei leh anăn tlâo čô anak mniê.

⁶Jih jang digơ̆ dôk ti gŭ klei ama digơ̆ atăt gai hlăm klei kưt mmuñ hlăm sang Yêhôwa hŏng dang, brô̆, đĭng kliă kơ bruă hlăm sang Aê Diê. Y-Asap, Y-Yêduthun, leh anăn Y-Hêman dôk ti gŭ klei mtao mtă.

⁷Ênoh yap diñu mbĭt hŏng phung ayŏng adei diñu arăng bi hriăm leh hlăm klei mmuñ kơ Yêhôwa, jih jang phung knhăk, mâo dua êtuh sa păn pluh sa păn čô.

⁸Diñu ngă klei mđăo kyua bruă diñu, pô điêt leh anăn pô prŏng, pô mtô leh anăn pô hriăm msĕ.

⁹Klei mđăo tal êlâo kơ bruă Y-Asap djŏ kơ Y-Yôsep; tal dua djŏ kơ Y-Gêdalia, kơ ñu, kơ phung ayŏng adei ñu leh anăn phung anak êkei ñu, pluh dua čô;

¹⁰tal tlâo djŏ kơ Y-Sakur, phung anak êkei ñu leh anăn phung ayŏng adei ñu, pluh dua čô;

¹¹tal pă djŏ kơ Y-Isri, phung anak êkei ñu leh anăn phung ayŏng adei ñu, pluh dua čô;

¹²tal êma djŏ kơ Y-Nêthania, phung anak êkei ñu leh anăn phung ayŏng adei ñu, pluh dua čô;

¹³tal năm djŏ kơ Y-Bukia, phung anak êkei ñu leh anăn phung ayŏng adei ñu, pluh dua čô;

¹⁴tal kjuh djŏ kơ Y-Jêsarêla, phung anak êkei ñu leh anăn phung ayŏng adei ñu, pluh dua čô;

¹⁵tal sa păn djŏ kơ Y-Jêsaya, phung anak êkei ñu leh anăn phung ayŏng adei ñu, pluh dua čô;

¹⁶tal dua păn djŏ kơ Y-Matania, phung anak êkei ñu leh anăn phung ayŏng adei ñu, pluh dua čô;

¹⁷tal pluh djŏ kơ Y-Simei, phung anak êkei ñu leh anăn phung ayŏng adei ñu, pluh dua čô;

¹⁸tal pluh sa djŏ kơ Y-Asarel, phung anak êkei ñu leh anăn phung ayŏng adei ñu, pluh dua čô;

¹⁹tal pluh dua djŏ kơ Y-Hasabia, phung anak êkei ñu leh anăn phung ayŏng adei ñu, pluh dua čô;

²⁰tal pluh tlâo djŏ kơ Y-Subaêl, phung anak êkei ñu leh anăn phung ayŏng adei ñu, pluh dua čô;

²¹tal pluh pă djŏ kơ Y-Matithia, phung anak êkei ñu leh anăn phung ayŏng adei ñu, pluh dua čô;

²²tal pluh êma djŏ kơ Y-Jêrêmôt, phung anak êkei ñu leh anăn phung ayŏng adei ñu, pluh dua čô;

²³tal pluh năm djŏ kơ Y-Hanania, phung anak êkei ñu leh anăn phung ayŏng adei ñu, pluh dua čô;

²⁴tal pluh kjuh djŏ kơ Y-Jôsbêkasa, phung anak êkei ñu leh anăn phung ayŏng adei ñu, pluh dua čô;

²⁵tal pluh sa păn djŏ kơ Y-Hanani, phung anak êkei ñu leh anăn phung ayŏng adei ñu, pluh dua čô;

²⁶tal pluh dua păn djŏ kơ Y-Malôthi, phung anak êkei ñu leh anăn phung ayŏng adei ñu, pluh dua čô;

²⁷tal dua pluh djŏ kơ Y-Êliatha, phung anak êkei ñu leh anăn phung ayŏng adei ñu, pluh dua čô;

²⁸tal dua pluh sa djŏ kơ Y-Hôthir, phung anak êkei ñu leh anăn phung ayŏng adei ñu, pluh dua čô;

²⁹tal dua pluh dua djŏ kơ Y-Gidalti, phung anak êkei ñu leh anăn phung ayŏng adei ñu, pluh dua čô;

³⁰tal dua pluh tlâo djŏ kơ Y-Mahasiôt, phung anak êkei ñu leh anăn phung ayŏng adei ñu, pluh dua čô;

³¹tal dua pluh pă djŏ kơ Y-Romamti-Êser, phung anak êkei ñu leh anăn phung ayŏng adei ñu, pluh dua čô.