Read Rade I Klei Yăl Dliê 9 Bible Online

I Klei Yăl Dliê 9 - Rade bible

I Klei Yăl Dliê 9

¹Snăn arăng čih anăn hlăm hră jih jang phung Israel tui si găp djuê diñu; leh anăn klei anăn arăng čih leh hlăm hdruôm hră Phung Mtao Israel. Arăng atăt ba phung Yuđa jing mnă hlăm čar Ƀaƀilôn kyua klei diñu amâo dôk sĭt suôr ôh.

²Phung tal êlâo lŏ wĭt dôk hlăm lăn čar diñu hlăm ƀuôn diñu jing phung Israel, phung khua ngă yang, phung Lêwi, leh anăn phung Nêthinim.

³Leh anăn đa đa phung ƀuôn sang Yuđa, phung Benjamin, phung Êphraim, leh anăn phung Manasê dôk hlăm ƀuôn Yêrusalem:

⁴Y-Uthai anak êkei Y-Amihut, anak êkei Y-Ômri, anak êkei Y-Imri, anak êkei Y-Bani mơ̆ng phung anak êkei Y-Pêres anak êkei Y-Yuđa.

⁵Mơ̆ng phung Silôn mâo: Y-Asaya anak tal êlâo, leh anăn phung anak êkei ñu.

⁶Mơ̆ng phung anak êkei Y-Sêra: Y-Jêuel leh anăn găp djuê diñu, năm êtuh dua păn pluh čô.

⁷Mơ̆ng phung Benjamin mâo: Y-Salu anak êkei Y-Mêsulam, anak êkei Y-Hôdawia, anak êkei Y-Hasênua,

⁸Y-Ipneya anak êkei Y-Jêrôham, Y-Êla anak êkei Y-Usi, anak êkei Y-Mikri, leh anăn Y-Mêsulam anak êkei Y-Sêphatah, anak êkei Y-Rêuel, anak êkei Y-Ipnija;

⁹leh anăn găp djuê diñu tui si ênuk diñu, dua păn êtuh êma pluh năm čô. Jih jang phung anăn jing phung khua kơ sang ama diñu tui si sang ama diñu.

¹⁰Mơ̆ng phung khua ngă yang mâo: Y-Jêdaya, Y-Jêhôyarip, Y-Jakin,

¹¹leh anăn Y-Asaria anak êkei Y-Hilkia, anak êkei Y-Mêsulam, anak êkei Y-Sadôk, anak êkei Y-Mêraiôt, anak êkei Y-Ahitup, khua kơ jih phung khua sang Aê Diê;

¹²leh anăn Y-Adaya anak êkei Y-Jêrôham, anak êkei Y-Pasur, anak êkei Y-Malkija, leh anăn Y-Masai anak êkei Y-Atiêl, anak êkei Y-Jahsêra, anak êkei Y-Mêsulam, anak êkei Y-Mêsilômit, anak êkei Y-Imer;

¹³êbeh kơ phung găp djuê diñu, khua kơ phung sang ama diñu, sa êbâo kjuh êtuh năm pluh čô phung êkei ktang snăk pioh kơ bruă hlăm sang Aê Diê.

¹⁴Mơ̆ng phung Lêwi mâo: Y-Sêmaya anak êkei Y-Hasup, anak êkei Y-Asrikam, anak êkei Y-Hasabia, anak êkei Y-Mêrari;

¹⁵leh anăn Y-Bakbakar, Y-Hêres, Y-Galal, leh anăn Y-Matania anak êkei Y-Mika, anak êkei Y-Sikri, anak êkei Y-Asap;

¹⁶leh anăn Y-Ôbadia anak êkei Y-Sêmaya, čô Y-Galal, čĕ Y-Yêduthun, leh anăn Y-Bêrêkia anak êkei Y-Asa, čô Y-Êlkana, phung dôk hlăm ƀuôn đơ điêt phung Nêtôphat.

¹⁷Phung kiă ƀăng jang mâo: Y-Salum, Y-Akup, Y-Talmôn, Y-Ahiman, leh anăn phung găp djuê diñu (Y-Salum jing khua);

¹⁸diñu dôk gak hlăm ƀăng jang mtao ti ngŏ. Phung anăn jing phung kiă ƀăng jang wăl sang phung Lêwi.

¹⁹Y-Salum anak êkei Y-Kôrê, čô Y-Êbiasap, čĕ Y-Kôra, leh anăn găp djuê ñu mơ̆ng sang ama ñu, phung Kôra djă bruă kiă anôk mŭt ƀăng bhă sang čhiăm msĕ si phung ama diñu djă leh bruă hlăm wăl Yêhôwa kiă anôk mŭt ƀăng bhă.

²⁰Ênuk êlâo Y-Phinêas anak êkei khua ngă yang Y-Êlêasar jing khua kơ diñu; Yêhôwa dôk mbĭt hŏng ñu.

²¹Y-Sakari anak êkei Y-Nêsêlêmia jing pô kiă ƀăng jang ti anôk mŭt sang čhiăm bi kƀĭn.

²²Jih jang phung anăn arăng ruah leh jing phung kiă anôk mŭt ƀăng jang mâo dua êtuh pluh dua čô. Arăng čih leh anăn diñu ti hră pioh anăn tui si găp djuê hlăm ƀuôn diñu. Y-Đawit leh anăn pô mâo klei bi ƀuh Y-Samuel mdưm diñu hlăm bruă.

²³Snăn diñu leh anăn phung anak čô diñu kiă ƀăng jang sang Yêhôwa, si tô hmô jing phung gak sang čhiăm.

²⁴Phung kiă ƀăng jang dôk ti pă bĭt kiêng, ngŏ, yŭ, dưr, leh anăn dhŭng;

²⁵leh anăn phung găp djuê diñu ăt dôk hlăm ƀuôn arăng brei hriê grăp kjuh hruê nanao čiăng dôk mbĭt hŏng diñu;

²⁶kyuadah pă čô khua kiă ƀăng jang jing phung Lêwi, kiă adŭ leh anăn ngăn drăp sang Aê Diê.

²⁷Diñu đăm jŭm dar sang Aê Diê, kyuadah diñu mâo bruă gak, leh anăn diñu mâo bruă pŏk ƀăng jang grăp aguah.

²⁸Đa đa diñu mâo bruă kiă čhiên mngan arăng yua kơ bruă kkuh mpŭ, kyuadah arăng mtă kơ diñu yap dŏ anăn tơdah diñu mă ba hlăm lam leh anăn lŏ ba ti tač.

²⁹Đa đa phung mkăn arăng mdưm bruă kiă jhưng mdhô̆, leh anăn kiă jih jang čhiên mngan doh jăk, wăt kpŭng ƀhĭ, kpiê, êa boh ôliwơ, mnơ̆ng ƀâo mngưi, leh anăn êsŭn êya.

³⁰Đa đa phung mkăn jing phung anak êkei khua ngă yang mă bruă mkra bi lŭk êsŭn êya,

³¹leh anăn Y-Matatia sa čô Lêwi, anak tal êlâo Y-Salum êkei Kôra, mâo bruă ngă ƀêñ êpih.

³²Msĕ mơh đa đa phung găp djuê diñu mơ̆ng phung Kôhat mâo bruă mkra kpŭng myơr kơ Aê Diê grăp hruê sabat.

³³Phung anei jing phung mmuñ, phung khua kơ sang ama phung Lêwi, dôk hlăm adŭ sang yang, êngiê mơ̆ng bruă mkăn, kyuadah diñu mâo bruă ngă hruê wăt mlam.

³⁴Phung anăn jing khua kơ sang ama phung Lêwi tui si ênuk diñu, phung khua gai gĭt dôk hlăm ƀuôn Yêrusalem.

³⁵Hlăm ƀuôn Gabaôn Y-Jêiêl ama Y-Gabaôn dôk, leh anăn mô̆ ñu jing H'Maka,

³⁶leh anăn anak êkei tal êlâo ñu Y-Apdon, êdei tinăn mâo Y-Sur, Y-Kis, Y-Baal, Y-Ner, Y-Nadap,

³⁷Y-Gêdôr, Y-Ahiô, Y-Sakari, leh anăn Y-Miklôt;

³⁸leh anăn Y-Miklôt jing ama kơ Y-Simêam; leh anăn phung anăn msĕ mơh dôk anôk phă hŏng phung găp djuê diñu hlăm ƀuôn Yêrusalem mbĭt hŏng phung găp djuê diñu.

³⁹Y-Ner jing ama Y-Kis, Y-Kis jing ama kơ Y-Sôl, Y-Sôl jing ama kơ Y-Jônathan, Y-Malkisua, Y-Abinadap, leh anăn Y-Êsbaal;

⁴⁰leh anăn anak êkei Y-Jônathan jing Y-Mêri-Baal; leh anăn Y-Mêri-Baal jing ama kơ Y-Mika.

⁴¹Phung anak êkei Y-Mika: Y-Pithôn, Y-Mêlek, Y-Tahrêa, leh anăn Y-Ahas;

⁴²leh anăn Y-Ahas jing ama kơ Y-Jara, Y-Jara jing ama kơ Y-Alêmet, Y-Asmawet, leh anăn Y-Simri; leh anăn Y-Simri jing ama kơ Y-Môsa.

⁴³Y-Môsa jing ama kơ Y-Binêa; leh anăn Y-Rêphaya jing anak êkei ñu, Y-Êlêasa jing anak êkei ñu, Y-Asel jing anak êkei ñu.

⁴⁴Y-Asel mâo năm čô anak êkei leh anăn anăn diñu snei: Y-Asrikam, Y-Bôkêru, Y-Ismaêl, Y-Sêaria, Y-Ôbadia, leh anăn Y-Hanan; anăn jing phung anak êkei Y-Asel.