Read Rade Y-Êsra 10 Bible Online

Y-Êsra 10 - Rade bible

Y-Êsra 10

¹Êjai Y-Êsra wah lač leh anăn hưn klei soh, hia leh anăn buôn ti anăp sang yang Aê Diê, mâo lu snăk phung Israel êkei, mniê, leh anăn hđeh bi kƀĭn jŭm dar ñu; phung ƀuôn sang msĕ mơh hia hŏng klei ênguôt snăk.

²Y-Sêkania anak êkei Y-Jêhiêl hlăm phung anak êkei Y-Êlam blŭ kơ Y-Êsra: “Hmei amâo dôk sĭt suôr ôh hŏng Aê Diê drei, leh anăn bi dôk ung mô̆ leh hŏng phung mniê tue phung ƀuôn sang hlăm čar. Ƀiădah ară anei ăt mâo klei čang hmăng kơ phung Israel, wăt tơdah klei anei truh leh dưn.

³Snăn brei drei ngă sa klei bi mguôp hŏng Aê Diê drei čiăng lui leh anăn suôt hĕ jih phung mô̆ anei leh anăn phung anak diñu, tui si klei khua kâo kčĕ leh anăn tui si phung mkăn kčĕ, phung huĭ mpŭ kơ klei Aê Diê drei mtă, leh anăn brei ngă klei anăn djŏ hŏng klei bhiăn Aê Diê.

⁴Kgŭ bĕ, kyuadah klei anei jing bruă jao kơ ih, leh anăn hmei dôk mbĭt hŏng ih. Brei ih jing ktang leh anăn ngă klei anei.”

⁵Snăn Y-Êsra kgŭ leh anăn brei phung knơ̆ng khua ngă yang, phung Lêwi, leh anăn jih jang phung Israel kat asei kơ diñu srăng ngă tui si klei lač leh. Snăn diñu kat asei yơh.

⁶Leh anăn Y-Êsra đuĕ mơ̆ng ti anăp sang yang Aê Diê, nao kơ adŭ Y-Jôhanan anak êkei Y-Êliasip, tinăn ñu đăm mlam, ñu amâo ƀơ̆ng kpŭng, kăn mnăm êa rei; kyuadah ñu kơŭ kyăm kyua klei phung mnă wĭt leh amâo dôk sĭt suôr ôh.

⁷Diñu ngă klei hưn tar ƀar čar Yuđa leh anăn ƀuôn Yêrusalem kơ jih jang phung mnă wĭt leh, čiăng kơ diñu srăng bi kƀĭn ti ƀuôn Yêrusalem.

⁸Tơdah sa čô amâo hriê ôh hlăm tlâo hruê tui si phung khua leh anăn phung khua mduôn mtă, pô anăn srăng luč jih dŏ dô ñu, leh anăn ñu pô arăng ghă klei bi kƀĭn mbĭt hŏng phung mnă lŏ wĭt.

⁹Jih jang êkei Yuđa leh anăn êkei Benjamin bi kƀĭn ti ƀuôn Yêrusalem hlăm tlâo hruê; hruê anăn tal dua pluh mlan dua păn. Jih jang phung ƀuôn sang dôk gŭ ti anôk wăl prŏng ti anăp sang Aê Diê, ktư̆ yơ̆ng kyua klei anei leh anăn kyua hjan prŏng.

¹⁰Y-Êsra khua ngă yang dôk dơ̆ng leh anăn lač kơ diñu, “Diih gao leh klei bhiăn leh anăn dôk mô̆ mniê tue, lŏ mđĭ klei soh kơ phung Israel.

¹¹Snăn ară anei hưn bĕ klei soh kơ Yêhôwa Aê Diê phung aê diih, leh anăn ngă klei Ñu čiăng; bi ktlah bĕ diih pô mơ̆ng phung ƀuôn sang čar anei leh anăn mơ̆ng mô̆ tue diih.”

¹²Jih jang phung bi kƀĭn lŏ wĭt lač hŏng asăp kraih, “Klei anăn jing sĭt; hmei srăng ngă hĕ tui si ih lač leh.

¹³Ƀiădah phung ƀuôn sang jing lu, leh anăn jing yan hjan prŏng; hmei amâo dưi dôk ti tač ôh, kăn klei anei jing bruă sa amâodah dua hruê rei; kyuadah hmei soh snăk leh hlăm klei anei.

¹⁴Brei phung khua hmei bi ala kơ jih jang phung bi kƀĭn; brei jih jang phung dôk hlăm ƀuôn hmei phung dôk mô̆ mniê tue hriê ti hruê bi kčah, leh anăn mbĭt hŏng diñu phung khua mduôn leh anăn phung khua phat kđi mơ̆ng grăp boh ƀuôn, tơl klei Aê Diê drei ngêñ hlơr kơ klei anei bi weh leh mơ̆ng drei.”

¹⁵Knŏng hjăn Y-Jônathan anak êkei Y-Asahel leh anăn Y-Jahseya anak êkei Y-Tikwa bi kdơ̆ng hŏng klei anăn, leh anăn Y-Mêsulam leh anăn Y-Sabêthai êkei Lêwi đru krơ̆ng diñu.

¹⁶Phung mnă wĭt leh ngă msĕ snăn. Y-Êsra khua ngă yang ruah phung êkei, phung khua hlăm djuê ana, tui si djuê ana diñu, grăp čô tui si anăn diñu. Ti hruê tal sa mlan pluh diñu dôk gŭ čiăng ksiêm klei anăn.

¹⁷Ti hruê tal sa mlan tal sa diñu bi ruê̆ bruă ksiêm hŏng jih jang phung êkei dôk mô̆ mniê tue.

¹⁸Hlăm phung anak êkei phung khua ngă yang dôk leh mô̆ mniê tue mâo Y-Maseya, Y-Êliêser, Y-Jarip, leh anăn Y-Gêdalia hlăm phung anak êkei Y-Jêsua čĕ Y-Jôsadak leh anăn phung ayŏng adei ñu.

¹⁹Diñu ƀuăn srăng lui hĕ mô̆ diñu, leh anăn diñu myơr sa drei biăp knô jing mnơ̆ng myơr kyua klei soh diñu.

²⁰Hlăm phung anak čô Y-Imer mâo Y-Hanani leh anăn Y-Sêbadia.

²¹Hlăm phung anak čô Y-Harim mâo Y-Maseya, Y-Êlija, Y-Sêmaya, Y-Jêhiêl, leh anăn Y-Usia.

²²Hlăm phung anak čô Y-Pasur mâo Y-Êliôênai, Y-Maseya, Y-Ismaêl, Y-Nêthanel, Y-Jôsabat, leh anăn Y-Êlasa.

²³Hlăm phung Lêwi mâo Y-Jôsabat, Y-Simei, Y-Kêlaya (lŏ bi anăn Y-Kêlita), Y-Pêthahia, Y-Yuđa, leh anăn Y-Êliêser.

²⁴Hlăm phung mmuñ mâo Y-Êliasip. Hlăm phung kiă ƀăng jang mâo Y-Salum, Y-Têlem, leh anăn Y-Uri.

²⁵Leh anăn hlăm phung Israel: hlăm phung anak čô Y-Parôs mâo Y-Ramia, Y-Isia, Y-Malkija, Y-Mijamin, Y-Êlêasar, Y-Hasabia, leh anăn Y-Bênaya.

²⁶Hlăm phung anak čô Y-Êlam mâo Y-Matania, Y-Sakari, Y-Jêhiêl, Y-Apdi, Y-Jêrêmôt, leh anăn Y-Êlija.

²⁷Hlăm phung anak čô Y-Satu mâo Y-Êliônai, Y-Êliasip, Y-Matania, Y-Jêrêmôt, Y-Sabat, leh anăn Y-Asisa.

²⁸Hlăm phung anak čô Y-Bêbai mâo Y-Jêhôhanan, Y-Hanania, Y-Sabai, leh anăn Y-Atlai.

²⁹Hlăm phung anak čô Y-Bani mâo Y-Mêsulam, Y-Maluč, Y-Adaya, Y-Jasup, Y-Sêal, leh anăn Y-Jêrêmôt.

³⁰Hlăm phung anak čô Y-Pahat-Môap mâo Y-Atna, Y-Kêlal, Y-Bênaya, Y-Maseya, Y-Matania, Y-Bêsalel, Y-Binui, leh anăn Y-Manasê.

³¹Hlăm phung anak čô Y-Harim mâo Y-Êliêser, Y-Isija, Y-Malkija, Y-Sêmaya, Y-Simêôn,

³²Y-Benjamin, Y-Maluč, leh anăn Y-Sêmaria.

³³Hlăm phung anak čô Y-Hasum mâo Y-Matênai, Y-Matata, Y-Sabat, Y-Êliphêlet, Y-Jêrêmai, Y-Manasê, leh anăn Y-Simei.

³⁴Hlăm phung anak čô Y-Bani mâo Y-Madai, Y-Amram, Y-Uêl,

³⁵Y-Bênaya, Y-Bêdeya, Y-Kêluhi,

³⁶Y-Wania, Y-Mêrêmôt, Y-Êliasip,

³⁷Y-Matania, Y-Matênai, Y-Jasu.

³⁸Hlăm phung anak čô Y-Binui mâo Y-Simei,

³⁹Y-Sêlêmia, Y-Nathan, Y-Adaya,

⁴⁰Y-Maknadêbai, Y-Sasai, Y-Sarai,

⁴¹Y-Asarel, Y-Sêlêmia, Y-Sêmaria,

⁴²Y-Salum, Y-Amaria, leh anăn Y-Yôsep.

⁴³Hlăm phung anak čô Y-Nêbô mâo Y-Jêiêl, Y-Matithia, Y-Sabat, Y-Sêbina, Y-Jadai, Y-Jôel, leh anăn Y-Bênaya.

⁴⁴Jih jang phung anăn dôk mô̆ mniê tue, leh anăn diñu lui digơ̆ wăt phung anak digơ̆.