Read Rade Klei Mmuñ Hđăp 113 Bible Online

Klei Mmuñ Hđăp 113 - Rade bible

Klei Mmuñ Hđăp 113

¹Bi mni kơ Yêhôwa. Ơ phung dĭng buăl Yêhôwa, bi mni bĕ, bi mni bĕ kơ anăn Yêhôwa!

²Mpŭ mni bĕ kơ anăn Yêhôwa ară anei leh anăn hlŏng lar.

³Brei anăn Yêhôwa mâo klei bi mni mơ̆ng anôk yang hruê ƀlĕ truh ti anôk yang hruê lĕ.

⁴Yêhôwa dôk ti dlông hĭn kơ jih jang phung găp djuê mnuih; klei guh kơang Ñu dôk ti dlông hĭn kơ phung adiê.

⁵Hlei pô jing msĕ si Yêhôwa Aê Diê drei, Pô dôk hlăm anôk ti dlông hĭn,

⁶Pô kkui dlăng kơ adiê leh anăn lăn ala?

⁷Ñu rŭ pô knap mơ̆ng bruih lăn, leh anăn pô ƀun mơ̆ng lŭ čhông;

⁸čiăng brei digơ̆ dôk mbĭt hŏng phung khua, mbĭt hŏng phung khua phung ƀuôn sang Ñu.

⁹Ñu brei mniê plao mâo sang dôk, leh anăn brei gơ̆ mơak kyua phung anak gơ̆ kkiêng. Bi mni bĕ kơ Yêhôwa.