Read Rade Klei Mmuñ Hđăp 136 Bible Online

Klei Mmuñ Hđăp 136 - Rade bible

Klei Mmuñ Hđăp 136

¹Bi mni bĕ kơ Yêhôwa, kyuadah Ñu jing Pô jăk; kyua klei khăp Ñu dôk nanao hlŏng lar.

²Bi mni bĕ kơ Aê Diê kơ phung yang; kyua klei khăp Ñu dôk nanao hlŏng lar.

³Bi mni bĕ kơ Khua Yang kơ phung khua yang; kyua klei khăp Ñu dôk nanao hlŏng lar.

⁴Knŏng Ñu Pô ngă bruă yuôm bhăn; kyua klei khăp Ñu dôk nanao hlŏng lar.

⁵Pô hrih leh adiê hŏng klei thâo săng; kyua klei khăp Ñu dôk nanao hlŏng lar.

⁶Pô lang leh lăn ti dlông êa; kyua klei khăp Ñu dôk nanao hlŏng lar.

⁷Pô ngă leh lu boh mngač prŏng; kyua klei khăp Ñu dôk nanao hlŏng lar.

⁸Brei yang hruê kiă kriê hruê; kyua klei khăp Ñu dôk nanao hlŏng lar.

⁹Brei mlan leh anăn mtŭ kiă kriê mlam; kyua klei khăp Ñu dôk nanao hlŏng lar.

¹⁰Ñu yơh Pô čăm phung anak êkei kkiêng tal êlâo hlăm čar Êjip; kyua klei khăp Ñu dôk nanao hlŏng lar.

¹¹Leh anăn brei phung Israel kbiă mơ̆ng ti krah diñu; kyua klei khăp Ñu dôk nanao hlŏng lar.

¹²Hŏng kngan myang leh anăn păl yơr; kyua klei khăp Ñu dôk nanao hlŏng lar.

¹³Ñu bi mbha Êa Ksĭ Hrah jing dua kdrêč; kyua klei khăp Ñu dôk nanao hlŏng lar.

¹⁴Ñu brei phung Israel găn ti krah êa anăn; kyua klei khăp Ñu dôk nanao hlŏng lar.

¹⁵Ƀiădah Ñu bi luč Pharaôn leh anăn phung kahan Ñu hlăm Êa Ksĭ Hrah; kyua klei khăp Ñu dôk nanao hlŏng lar.

¹⁶Pô atăt phung ƀuôn sang Ñu găn kdrăn tač; kyua klei khăp Ñu dôk nanao hlŏng lar.

¹⁷Pô čăm leh phung mtao prŏng; kyua klei khăp Ñu dôk nanao hlŏng lar.

¹⁸Pô bi mdjiê phung mtao hing ang; kyua klei khăp Ñu dôk nanao hlŏng lar.

¹⁹Y-Sihôn mtao phung Amôrit; kyua klei khăp Ñu dôk nanao hlŏng lar.

²⁰Leh anăn Y-Ôk mtao čar Basan; kyua klei khăp Ñu dôk nanao hlŏng lar.

²¹Leh anăn jao čar digơ̆ jing ngăn dưn; kyua klei khăp Ñu dôk nanao hlŏng lar.

²²Jing ngăn dưn kơ phung Israel, dĭng buăl Ñu; kyua klei khăp Ñu dôk nanao hlŏng lar.

²³Pô hdơr kơ hmei tơdah hmei knap mñai; kyua klei khăp Ñu dôk nanao hlŏng lar.

²⁴Leh anăn bi mtlaih hmei mơ̆ng phung roh hmei; kyua klei khăp Ñu dôk nanao hlŏng lar.

²⁵Pô brei mnơ̆ng ƀơ̆ng huă kơ jih jang mnơ̆ng hdĭp; kyua klei khăp Ñu dôk nanao hlŏng lar.

²⁶Bi mni bĕ kơ Aê Diê hlăm adiê; kyua klei khăp Ñu dôk nanao hlŏng lar.