Read Rade Klei Mmuñ Hđăp 138 Bible Online

Klei Mmuñ Hđăp 138 - Rade bible

Klei Mmuñ Hđăp 138

¹Klei mmuñ hđăp Y-Đawit. Kâo bi mni kơ Ih hŏng jih ai tiê; kâo mmuñ bi mni kơ Ih ti anăp phung yang.

²Kâo buôn kkuh phă sang yang doh jăk Ih, leh anăn bi mni kơ anăn Ih, kyua klei khăp leh anăn klei sĭt suôr Ih, kyuadah Ih bi mđĭ leh Anăn Ih leh anăn klei Ih blŭ ti dlông hĭn jih jang mnơ̆ng.

³Hruê kâo iêô wah lač kơ Ih, Ih lŏ wĭt lač leh kơ kâo; Ih brei kâo mâo klei jhŏng leh anăn bi ktang kâo.

⁴Jih jang phung mtao ti lăn ala srăng bi mni kơ Ih, Ơ Yêhôwa, tơdah diñu hmư̆ klei blŭ mơ̆ng ƀăng êgei Ih.

⁵Diñu srăng mmuñ kơ êlan Yêhôwa, kyuadah klei guh kơang Yêhôwa jing prŏng.

⁶Wăt tơdah Yêhôwa jing Pô ti dlông, ăt Ñu mpŭ kơ phung luă gŭ; leh anăn Ñu thâo kral phung mgao mơ̆ng kbưi.

⁷Wăt tơdah kâo êbat ti krah klei rŭng răng, Ih mgang klei hdĭp kâo; Ih yơr kngan Ih bi kdơ̆ng hŏng klei phung roh kâo ngêñ, leh anăn kngan hnuă Ih bi mtlaih kâo.

⁸Yêhôwa srăng bi sĭt jih klei Ñu čuăn kơ kâo; Ơ Yêhôwa, klei khăp Ih dôk nanao hlŏng lar. Đăm lui hĕ ôh bruă kngan Ih pô ngă leh.