Read Rade Klei Mmuñ Hđăp 38 Bible Online

Klei Mmuñ Hđăp 38 - Rade bible

Klei Mmuñ Hđăp 38

¹Klei mmuñ hđăp Y-Đawit, čiăng arăng hdơr êjai myơr mnơ̆ng kơ Yêhôwa. Ơ Yêhôwa, đăm ƀuah kâo ôh hlăm klei Ih ăl; kăn mkra kâo rei hlăm klei Ih ngêñ.

²Kyuadah ƀrăm Ih djŏ ti kâo leh, leh anăn kngan Ih čăm kâo leh.

³Kyua klei Ih ngêñ asei mlei kâo amâo dôk suaih ôh; leh anăn klang kâo ruă kyua klei soh kâo.

⁴Kyuadah klei soh kâo bi kngăm kâo; diñu jing ktrŏ đei kơ kâo.

⁵Anôk êka kâo brŭ leh anăn bi ênah kyua klei kâo ngă soh hŏng klei mluk.

⁶Kâo gô rŏng leh anăn êbuh leh, kâo kơŭ kyăm jih hruê.

⁷Pui hlơr hang bi bŏ tiê kơiêng kâo, leh anăn asei mlei kâo amâo suaih ôh.

⁸Kâo djiê hwăt, luč leh, kâo krao kyua ai tiê kâo ênguôt.

⁹Ơ Khua Yang, Ih thâo leh jih klei kâo čiăng, klei kâo krao amâo hgăm kơ Ih ôh.

¹⁰Ai tiê kâo ƀŭk ƀŭk, kâo luč leh klei ktang; leh anăn kâo luč leh klei mngač ală kâo.

¹¹Phung mah jiăng leh anăn phung găp kâo đuĕ kbưi mơ̆ng klei knap kâo, leh anăn phung riêng gah kâo dôk kbưi.

¹²Phung duah bi mdjiê kâo ƀêč kđông kơ kâo, phung čiăng bi knap kâo blŭ klei jhat, jih hruê diñu mĭn kơ klei lhiăr.

¹³Ƀiădah kâo jing msĕ si sa čô kngăl, amâo thâo hmư̆ ôh, msĕ si sa čô kmlô amâo thâo ha ƀăng êgei ôh,

¹⁴Ơ, kâo jing msĕ si sa čô mnuih amâo hmư̆ ôh, mâo ƀăng êgei amâo dưi lŏ bi tăng ôh.

¹⁵Ƀiădah, Ơ Yêhôwa, kâo čang guôn kơ Ih; Ih yơh srăng lŏ wĭt lač, Ơ Khua Yang Aê Diê kâo.

¹⁶Kyuadah kâo lač, “Đăm brei diñu hơ̆k mơak kyua kâo ôh, amâodah bi mni kơ diñu pô tơdah jơ̆ng kâo ksak.”

¹⁷Kyuadah kâo păt čiăng êbuh, leh anăn kâo ruă nanao.

¹⁸Kâo hưn klei wê kâo, kâo ênguôt kyua klei soh kâo.

¹⁹Phung roh kâo suaih prăl leh anăn ktang snăk; phung bi êmut kơ kâo amâo mâo klei ôh jing lu.

²⁰Phung bi wĭt klei jhat kơ klei jăk kâo ngă leh jing phung roh kâo kyuadah kâo tui klei jăk.

²¹Đăm lui hĕ kâo ôh, Ơ Yêhôwa! Ơ Aê Diê kâo, đăm dôk kbưi mơ̆ng kâo ôh!

²²Brei Ih ruăt hriê đru kâo, Ơ Khua Yang, Pô bi mtlaih kâo.