Read Rade Klei Mmuñ Hđăp 60 Bible Online

Klei Mmuñ Hđăp 60 - Rade bible

Klei Mmuñ Hđăp 60

¹Kơ khua phung mmuñ: djŏ kơ đŏk Susan Êdut. Klei mmuñ hđăp Y-Đawit, čiăng bi hriăm; hlăk ñu bi blah hŏng Y-Aram-Naharam leh anăn hŏng Y-Aram-Sôba, leh anăn hlăk Y-Yôap lŏ wĭt bi blah bi mdjiê pluh dua êbâo čô phung Êđôm hlăm Tlung Hra. Ơ Aê Diê, Ih hngah kơ hmei leh, hmei bra đuĕ leh; Ih ăl leh, ară anei lŏ kơrŭ hmei bĕ.

²Ih brei leh lăn ala ktư̆ yơ̆ng, leh anăn Ih brei ñu kđang leh; lŏ mkra anôk hluh, kyua ñu mgei.

³Ih brei leh phung ƀuôn sang Ih tŭ klei dleh; Ih bi mnăm hmei leh hŏng kpiê bi hwĭr kŏ hmei.

⁴Ih mđĭ leh čhiăm gru kơ phung huĭ mpŭ kơ Ih, čiăng bi êdah ñu kyua klei sĭt nik. (Sêla)

⁵Čiăng kơ pô Ih khăp dưi mâo klei bi mtlaih, bi mtlaih hmei bĕ hŏng kngan hnuă Ih, leh anăn lŏ wĭt lač kơ hmei.

⁶Aê Diê blŭ leh mơ̆ng adŭ doh jăk Ñu: “Hŏng klei dưi, kâo srăng bi mbha ƀuôn Sičem, kâo srăng mkă tlung Sukôt.

⁷Čar Galaat jing dŏ kâo; wăt čar Manasê mơh; čar Êphraim jing đuôn mgang kơ boh kŏ kâo; čar Yuđa jing giê mtao kâo.

⁸Čar Môap jing anôk kâo mnei; ti čar Êđôm kâo hwiê klĭt juă kâo; čiăng lač kâo dưi leh hŏng ñu kâo ur driâo kyua dưi leh hŏng čar Philistin.”

⁹Hlei srăng atăt kâo mŭt hlăm ƀuôn mâo kđông kjăp? Hlei srăng atăt kâo kơ čar Êđôm?

¹⁰Ơ Aê Diê hmei? Amâo djŏ hĕ Ih, Pô hngah leh kơ hmei, ƀiădah Ih amâo kbiă nao mbĭt hŏng phung kahan hmei ôh.

¹¹Đru dŏng hmei mơ̆ng phung roh, kyuadah klei mnuih đru jing hơăi mang.

¹²Hŏng Aê Diê hmei srăng mâo klei dưi; Ñu yơh srăng juă lin phung roh hmei.