Read Rade Klei Mmuñ Hđăp 67 Bible Online

Klei Mmuñ Hđăp 67 - Rade bible

Klei Mmuñ Hđăp 67

¹Kơ khua phung mmuñ; hŏng brô̆. Klei mmuñ hđăp. Klei mmuñ. Akâo kơ Aê Diê pap kơ hmei leh anăn brei klei jăk jĭn kơ hmei, brei ƀô̆ mta Ñu mtrang kơ hmei, (Sêla)

²čiăng kơ arăng dưi thâo kral êlan Ih ti lăn ala anei, leh anăn jih jang phung găp djuê mnuih thâo kral klei myang Ih bi mtlaih

³Brei phung ƀuôn sang bi mni kơ Ih, Ơ Aê Diê; brei jih jang phung ƀuôn sang bi mni kơ Ih.

⁴Brei phung găp djuê mnuih mâo klei mơak leh anăn mmuñ hŏng klei hơ̆k, kyuadah Ih phat kđi phung ƀuôn sang hŏng klei kpă leh anăn atăt gai phung găp djuê mnuih ti lăn ala. (Sêla)

⁵Brei phung ƀuôn sang bi mni kơ Ih, Ơ Aê Diê; brei jih jang phung ƀuôn sang bi mni kơ Ih.

⁶Lăn ala brei leh boh ñu; Aê Diê, Aê Diê hmei brei klei jăk jĭn kơ hmei.

⁷Aê Diê brei klei jăk jĭn kơ hmei, brei jih jang dôk ti knhal lăn ala huĭ mpŭ kơ Ñu.