Read Rade Klei Mmuñ Hđăp 81 Bible Online

Klei Mmuñ Hđăp 81 - Rade bible

Klei Mmuñ Hđăp 81

¹Kơ khua phung mmuñ hŏng Gitit. Klei mmuñ hđăp Y-Asap. Mmuñ hơ̆k mơak bĕ kơ Aê Diê Pô bi ktang drei. Ur hơ̆k bĕ kơ Aê Diê phung Yakôp.

²Mmuñ bĕ, tông hgơr bĕ, pĕ brô̆ bi găl leh anăn ayŭ đĭng kliă.

³Ayŭ ki ti hruê mlan mrâo ƀlĕ, ti mlan pŭr, ti hruê knăm drei.

⁴Kyuadah klei anăn jing sa mta klei bhiăn kơ phung Israel, sa klei mtă mơ̆ng Aê Diê Yakôp.

⁵Aê Diê brei klei anăn jing klei mtă kơ Y-Yôsep, tơdah gơ̆ nao bi blah hŏng čar Êjip. Tinăn, kâo hmư̆ asăp klei blŭ kâo amâo thâo ôh. Asăp blŭ lač:

⁶“Kâo hrŏng leh mnơ̆ng ktrŏ mơ̆ng mra diih; Kâo bi êngiê leh kngan diih mơ̆ng bai.

⁷Diih ur leh hlăm klei knap mñai, leh anăn Kâo bi mtlaih diih leh; Kâo lŏ wĭt lač leh kơ diih mơ̆ng anôk hgăm grăm dôk; Kâo lông dlăng diih leh ti êa Mêriba. (Sêla)

⁸Mđing knga bĕ, Ơ phung buôn sang Kâo, êjai Kâo brei diih răng; Ơ phung Israel, čiăng snăk kơ diih dôk hmư̆ Kâo!

⁹Đăm brei mâo sa yang tue ôh ti krah diih; đăm diih buôn kkuh ti anăp yang tue ôh.

¹⁰Kâo jing Yêhôwa Aê Diê diih, Pô atăt diih kbiă leh mơ̆ng čar Êjip. Ha ƀăng êgei diih bi prŏng, leh anăn Kâo srăng bi bŏ.

¹¹Ƀiădah phung ƀuôn sang Kâo amâo čiăng hmư̆ asăp Kâo ôh; phung Israel amâo čiăng gưt kơ Kâo ôh.

¹²Snăn Kâo jao diñu leh tui hlue ai tiê khăng diñu, čiăng kơ diñu dưi êbat tui si klei diñu pô kčĕ.

¹³Ơ, čiăng snăk kơ phung ƀuôn sang Kâo dôk hmư̆ Kâo, čiăng kơ phung Israel êbat hlăm êlan Kâo!

¹⁴Tơdah snăn Kâo srăng bi rai djăl phung roh diñu, leh anăn kngan Kâo srăng bi kdơ̆ng hŏng phung roh diñu.

¹⁵Phung bi êmut kơ Yêhôwa srăng buôn huĭ kơ Ñu; klei bi kmhal diñu srăng dôk hlŏng lar.

¹⁶Kâo srăng čiêm diih hŏng mdiê ƀlê jăk hĭn; leh anăn Kâo srăng brei diih trei hŏng êa hnuê mơ̆ng boh tâo”.