Read Rade Klei Mmuñ Hđăp 82 Bible Online

Klei Mmuñ Hđăp 82 - Rade bible

Klei Mmuñ Hđăp 82

¹Klei mmuñ hđăp Y-Asap. Aê Diê dôk dơ̆ng hlăm klei bi kƀĭn Aê Diê; Ñu phat kđi ti krah phung yang.

²Dŭm boh sui diih srăng phat kđi hŏng klei wê, leh anăn dôk tĭng kơ phung ƀai? (Sêla)

³Brei klei kpă kơ phung ƀun ƀin leh anăn kơ phung êrĭt; ngă klei djŏ kơ phung knap mñai leh anăn phung kƀah mnơ̆ng.

⁴Bi mtlaih phung awăt leh anăn phung ƀun; bi êngiê digơ̆ mơ̆ng kngan phung ƀai.

⁵Diñu amâo mâo klei thâo ôh, kăn thâo săng rei; diñu êrô hiu hlăm klei mmăt; jih jang tur lăn ala mgei leh.

⁶Kâo lač leh, diih jing phung yang, jih jang diih jing phung anak Pô Ti Dlông Hĭn.

⁷Ƀiădah diih srăng djiê msĕ si mnuih, diih srăng lĕ msĕ si sa čô anak mtao.

⁸Kgŭ bĕ, Ơ Aê Diê, phat kđi lăn ala; kyuadah jih jang phung găp djuê mnuih jing dŏ Ih.