Read Rade Klei Mmuñ Hđăp 90 Bible Online

Klei Mmuñ Hđăp 90 - Rade bible

Klei Mmuñ Hđăp 90

¹Klei Y-Môis Mnuih Aê Diê Wah Lač. Ơ Khua Yang, Ih jing leh anôk hmei dôk hlăm jih jang ênuk.

²Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

³Ih bi wĭt mnuih kơ ƀruih lăn leh anăn Ih lač, “Ơ phung anak mnuih, lŏ wĭt bĕ”.

⁴Kyuadah sa êbâo thŭn ti anăp ală Ih, jing msĕ si hruê mbruê êgao leh, leh anăn msĕ si sa blư̆ gak êjai mlam.

⁵Ih bi luč mnuih msĕ si êa kpuh mđung, klei hdĭp diñu msĕ si sa klei êpei, diñu jing msĕ si rơ̆k čăt ti aguah.

⁶Ñu čăt ti aguah, leh anăn mnga, ti tlam ñu dliu leh anăn krô.

⁷Kyuadah klei Ih ăl bi rai hmei leh, klei Ih ngêñ hmei bi huĭ hmei leh.

⁸Ih dưm leh klei wê hmei ti anăp Ih, leh anăn klei mngač ƀô̆ mta Ih bi êdah klei soh hgăm hmei.

⁹Jih jang hruê hmei luč ti anăp klei Ih ngêñ; thŭn hmei dôk hdĭp tuč msĕ si sa blư̆ bi êwa.

¹⁰Thŭn hmei dôk hdĭp mâo kjuh pluh thŭn, năng ai phung ktang mâo sa păn pluh thŭn; dŭm thŭn anăn bi truh knŏng klei suăi leh anăn klei dleh, thŭn hmei găn pral leh anăn hmei djiê.

¹¹Hlei thâo săng klei myang klei Ih ăl, hlei thâo săng klei Ih ngêñ tui si Ih năng kơ arăng huĭ?

¹²Snăn bi hriăm hmei thâo yap hruê hmei dôk hdĭp, čiăng kơ ai tiê hmei dưi mâo klei thâo mĭn.

¹³Ơ Yêhôwa, dŭm boh sui tơl Ih bi mlih? Pap mñai kơ phung dĭng buăl Ih.

¹⁴Grăp aguah bi trei hmei hŏng klei khăp Ih, čiăng kơ hmei dưi hơ̆k leh anăn mơak jih hruê hmei dôk hdĭp.

¹⁵Bi mơak ai tiê hmei mdŭm hŏng hruê Ih bi knap hmei leh, mdŭm hŏng thŭn hmei ƀuh leh klei jhat.

¹⁶Brei bruă Ih bi êdah kơ phung dĭng buăl Ih, leh anăn klei guh kơang Ih kơ phung anak čô diñu.

¹⁷Brei klei pap Khua Yang, Aê Diê hmei, dôk mbĭt hŏng hmei; bi kjăp bĕ bruă kngan hmei ngă; sĭt nik bi kjăp bĕ bruă kngan hmei ngă.