Read Rade Klei Bi Hriêng 18 Bible Online

Klei Bi Hriêng 18 - Rade bible

Klei Bi Hriêng 18

¹Phung amâo bi mguôp hŏng phung mkăn ôh duah klei diñu pô čiăng, diñu bi kdơ̆ng hŏng jih klei mĭn djŏ.

²Mnuih mluk amâo khăp ôh kơ klei thâo săng, ƀiădah knŏng čiăng hưn klei ñu pô mĭn.

³Tơdah mâo klei ngă ƀai, klei bi êmut truh msĕ mơh, tơdah mâo klei hêñ mâo klei ƀuah msĕ mơh.

⁴Klei blŭ mơ̆ng ƀăng êgei sa čô mnuih jing msĕ si êa êlam, akŏ klei thâo mĭn jing hnoh êa dôk đoh.

⁵Amâo jăk ôh dôk tĭng kơ mnuih ƀai, amâodah bi msoh klei djŏ kơ mnuih kpă.

⁶Êlah mnuih mluk bi truh klei bi mneh msao, leh anăn klei ƀăng êgei ñu blŭ mčhur brei arăng čăm ñu.

⁷Ƀăng êgei mnuih mluk jing klei bi luč ñu pô, leh anăn êlah ñu jing kđông ƀêč kơ mngăt ñu pô.

⁸Klei blŭ mnuih yăl dliê djưč jing msĕ si mnơ̆ng arăng khăp ƀơ̆ng, diñu kma êlam hlăm prôč tiê.

⁹Hlei pô alah hlăm bruă ñu jing ayŏng adei hŏng pô bi rai.

¹⁰Anăn Yêhôwa jing kđông kjăp, mnuih kpă ênô êran đuĕ tinăn leh anăn mâo klei hơĭt.

¹¹Ngăn drăp mnuih mdrŏng jing ƀuôn prŏng kjăp kơ ñu ñu mĭn dŏ anăn jing msĕ si mnư̆ dlông mgang ñu.

¹²Ai tiê mgao nao êlâo kơ klei rai tuč; klei luă gŭ nao êlâo kơ klei arăng mpŭ.

¹³Hlei pô lŏ wĭt lač êlâo kơ dôk hmư̆, klei anăn jing klei mluk leh anăn klei bi hêñ ñu.

¹⁴Ai tiê mĭn čiăng hdĭp krơ̆ng mnuih êjai ñu ruă duam, ƀiădah tơdah ñu luč klei anăn amâo lŏ mâo klei čang hmăng ôh?

¹⁵Ai tiê pô thâo săng duah klei thâo mĭn lu, leh anăn knga phung thâo mĭn tui duah hmư̆ klei thâo săng.

¹⁶Mnơ̆ng brei mơ̆ng sa čô mnuih srăng pŏk êlan kơ ñu, leh anăn brei ñu dưi mŭt bi tuôm hŏng phung prŏng.

¹⁷Pô blŭ êlâo arăng mĭn găl klei ñu, tơl truh pô ksiêm êmuh klei anăn srăng jing klă.

¹⁸Klei bi mđăo dưi bi ruê̆ klei bi tăng, leh anăn mâo klei bi čuăn tŭ hdơ̆ng phung mâo klei dưi prŏng bi msao.

¹⁹Lŏ mă ai tiê sa čô ayŏng adei arăng bi msoh leh jing dleh hĭn kơ plah mă sa boh ƀuôn prŏng, leh anăn klei bi mneh msao anăn jing msĕ si kliăng ƀăng bhă kđăl leh.

²⁰Klei sa čô mnuih blŭ dưi bi bŏ tian ñu, ñu trei hŏng boh tŭ dưn mơ̆ng klei êlah ñu blŭ.

²¹Êlah mâo klei dưi bi hdĭp leh anăn bi mdjiê, snăn arăng srăng mă tŭ tui si klei ñu blŭ.

²²Hlei pô duah mâo mô̆ mâo leh klei jăk, leh anăn mă tŭ klei pap mơ̆ng Yêhôwa.

²³Mnuih ƀun ƀin kwưh klei pap, ƀiădah mnuih mdrŏng lŏ wĭt lač hŏng klei khăng.

²⁴Mnuih mâo lu phung mah jiăng srăng mâo klei knap mñai kơ ñu pô, ƀiădah mâo sa čô mah jiăng dôk sĭt suôr jing jăk hĭn kơ sa čô ayŏng adei sa amĭ ƀă.