Read Rade Klei Yap 28 Bible Online

Klei Yap 28 - Rade bible

Klei Yap 28

¹Yêhôwa lač kơ Y-Môis,

²“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

³Brei ih lač kơ diñu, Anei mnơ̆ng myơr brei pui ƀơ̆ng diih srăng myơr kơ Yêhôwa: grăp hruê dua drei êđai biăp knô mâo sa thŭn, amâo mâo anôk jhat ôh, jing mnơ̆ng myơr ngă nanao.

⁴Êjai aguah brei ih myơr sa drei êđai biăp, leh anăn ti wai băk brei ih myơr êđai biăp mkăn.

⁵Msĕ mơh brei ih myơr sa kdrêč hlăm pluh êphah kpŭng ƀhĭ jing mnơ̆ng myơr kpŭng ƀhĭ, bi lŭk hŏng sa kdrêč hlăm pă hin êa boh ôliwơ djiêt.

⁶Anăn jing mnơ̆ng myơr čuh ngă nanao, arăng mtă leh ti čư̆ Sinai jing mnâo ƀâo mngưi, mnơ̆ng myơr brei pui ƀơ̆ng kơ Yêhôwa.

⁷Mnơ̆ng myơr mnăm mbĭt srăng jing sa kdrêč hlăm pă hin kơ grăp êđai biăp; hlăm anôk doh jăk brei ih tuh mnơ̆ng myơr mnăm êa kpiê kơ Yêhôwa.

⁸Sa drei êđai biăp mkăn brei ih myơr ti wai băk; msĕ si mnơ̆ng myơr kpŭng ƀhĭ ti aguah, leh anăn msĕ si mnơ̆ng myơr mnăm mbĭt, brei ih myơr gơ̆ jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.”

⁹“Hlăm hruê sabat brei ih myơr dua drei êđai biăp knô mâo sa thŭn amâo mâo anôk jhat ôh, leh anăn dua kdrêč hlăm pluh êphah kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ, mbĭt hŏng mnơ̆ng myơr mnăm.

¹⁰Anăn jing mnơ̆ng myơr čuh grăp hruê sabat, êngao kơ mnơ̆ng myơr čuh ngă nanao leh anăn mnơ̆ng myơr mnăm mbĭt.

¹¹Ti grăp akŏ mlan brei ih myơr sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn amâo mâo anôk jhat ôh;

¹²msĕ mơh tlâo kdrêč hlăm pluh kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ kơ grăp drei êmô knô, leh anăn dua kdrêč hlăm pluh êphah kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ kơ sa drei biăp knô;

¹³leh anăn sa kdrêč hlăm pluh kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ kơ grăp drei êđai biăp, pioh kơ mnơ̆ng myơr čuh, mnâo ƀâo mngưi, mnơ̆ng myơr brei pui ƀơ̆ng kơ Yêhôwa.

¹⁴Mnơ̆ng myơr mnăm mbĭt srăng jing sa mkrah hin kpiê kơ sa drei êmô knô, sa kdrêč hlăm tlâo hin kơ sa drei biăp knô, leh anăn sa kdrêč hlăm pă hin kơ sa drei êđai biăp; anăn jing mnơ̆ng myơr čuh grăp akŏ mlan hlăm sa thŭn.

¹⁵Brei ih myơr msĕ mơh kơ Yêhôwa sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr mnăm.”

¹⁶“Ti hruê tal pluh pă mlan tal sa jing hruê Klei Yêhôwa Găn.

¹⁷Ti hruê tal pluh êma hlăm mlan anăn jing sa hruê huă mnăm; êjai kjuh hruê diih srăng ƀơ̆ng kpŭng amâo mâo kpei.

¹⁸Ti hruê tal sa srăng mâo klei bi kƀĭn doh jăk: diih amâo dưi ngă sa mta bruă kơ diih pô ôh,

¹⁹ƀiădah srăng myơr sa mnơ̆ng myơr brei pui ƀơ̆ng, sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn, amâo mâo anôk jhat ôh,

²⁰mbĭt hŏng mnơ̆ng myơr kpŭng ƀhĭ bi lŭk hŏng êa boh ôliwơ. Diih srăng myơr tlâo kdrêč hlăm pluh êphah kơ sa drei êmô knô, dua kdrêč hlăm pluh êphah kơ sa drei biăp knô,

²¹leh anăn sa kdrêč hlăm pluh êphah kơ grăp drei hlăm kjuh drei êđai biăp.

²²Brei ih myơr sa drei bê knô jing mnơ̆ng myơr kyua klei soh, čiăng ngă klei bi doh klei soh diih.

²³Diih srăng myơr mnơ̆ng anei êngao kơ mnơ̆ng myơr čuh aguah, jing mnơ̆ng myơr čuh ngă nanao.

²⁴Msĕ snăn mơh brei ih myơr grăp hruê êjai kjuh hruê mnơ̆ng ƀơ̆ng huă jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Brei diih myơr mnơ̆ng anăn êngao kơ mnơ̆ng myơr čuh ngă nanao leh anăn mnơ̆ng myơr mnăm mbĭt.

²⁵Hruê tal kjuh brei diih mâo klei bi kƀĭn doh jăk; đăm brei diih mă sa mta bruă kơ diih pô ôh.

²⁶Ti hruê mâo boh hlâo hlang, tơdah diih myơr mnơ̆ng myơr kpŭng ƀhĭ mdiê mrâo kơ Yêhôwa ti hruê knăm hruê kăm diih, brei diih mâo klei bi kƀĭn doh jăk; diih amâo dưi mă sa mta bruă kơ diih pô ôh.

²⁷Diih srăng myơr mnơ̆ng myơr čuh, mnâo ƀâo mngưi kơ Yêhôwa: dua drei êmô knô dam, sa drei biăp knô, kjuh drei êđai biăp knô mâo sa thŭn;

²⁸leh anăn mnơ̆ng myơr kpŭng ƀhĭ bi lŭk hŏng êa boh ôliwơ, tlâo kdrêč hlăm pluh êphah kơ grăp drei êmô knô, dua kdrêč hlăm pluh êphah kơ sa drei biăp knô,

²⁹sa kdrêč hlăm pluh êphah kơ grăp drei hlăm kjuh drei êđai biăp;

³⁰leh anăn sa drei bê knô čiăng ngă klei bi doh klei soh diih.

³¹Brei diih myơr mnơ̆ng anăn êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ. Diih srăng myơr dŏ anăn mbĭt hŏng mnơ̆ng myơr mnăm. Hlô mnơ̆ng diih myơr amâo mâo anôk jhat ôh.”