Read Rade Klei Yap 29 Bible Online

Klei Yap 29 - Rade bible

Klei Yap 29

¹“Ti hruê tal sa mlan tal kjuh brei diih mâo klei bi kƀĭn doh jăk; diih amâo dưi ngă sa mta bruă kơ diih pô ôh; jing sa hruê kơ diih ayŭ ki.

²Leh anăn diih srăng myơr sa mnơ̆ng myơr čuh, mnâo ƀâo mngưi kơ Yêhôwa: sa drei êmô knô dam, sa drei biăp knô, kjuh drei êđai biăp knô mâo sa thŭn amâo mâo anôk jhat ôh,

³mbĭt hŏng mnơ̆ng myơr kpŭng ƀhĭ bi lŭk hŏng êa boh ôliwơ, tlâo kdrêč hlăm pluh êphah kơ êmô knô anăn, dua kdrêč hlăm pluh êphah kơ biăp knô anăn,

⁴sa kdrêč hlăm pluh êphah kơ grăp drei hlăm kjuh drei êđai biăp;

⁵mbĭt hŏng sa drei bê knô jing mnơ̆ng myơr kyua klei soh, čiăng ngă klei bi doh klei soh diih,

⁶êngao kơ mnơ̆ng myơr čuh ti mlan mrâo mbĭt hŏng mnơ̆ng myơr kpŭng ƀhĭ, leh anăn mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ mbĭt hŏng mnơ̆ng myơr mnăm, tui si klei mtă leh kơ dŏ anăn, sa mnâo ƀâo mngưi, sa mnơ̆ng myơr brei pui ƀơ̆ng kơ Yêhôwa.

⁷Ti hruê tal pluh mlan tal kjuh anei, brei diih mâo klei bi kƀĭn doh jăk, brei diih kăm ƀơ̆ng huă; leh anăn amâo dưi ngă sa mta bruă ôh.

⁸Ƀiădah diih srăng myơr sa mnơ̆ng myơr čuh kơ Yêhôwa, jing mnâo ƀâo mngưi: sa drei êmô knô dam, sa drei biăp knô, kjuh drei êđai biăp knô mâo sa thŭn amâo mâo anôk jhat ôh,

⁹mbĭt hŏng mnơ̆ng myơr kpŭng ƀhĭ bi lŭk hŏng êa boh ôliwơ, tlâo kdrêč hlăm pluh êphah kơ êmô knô anăn, dua kdrêč hlăm pluh êphah kơ biăp knô anăn,

¹⁰sa kdrêč hlăm pluh êphah kơ grăp drei hlăm kjuh drei êđai biăp;

¹¹leh anăn sa drei bê knô jing mnơ̆ng myơr kyua klei soh, êngao kơ mnơ̆ng myơr kyua klei soh hlăm klei bi doh klei soh, leh anăn mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ, leh anăn mnơ̆ng myơr mnăm.

¹²Ti hruê tal pluh êma mlan tal kjuh brei diih mâo klei bi kƀĭn doh jăk. Diih amâo dưi ngă sa mta bruă kơ diih pô ôh, leh anăn diih srăng hdơr pioh klei knăm kơ Yêhôwa êjai kjuh hruê.

¹³Diih srăng myơr sa mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa pluh tlâo drei êmô knô dam, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

¹⁴mbĭt hŏng mnơ̆ng myơr kpŭng ƀhĭ bi lŭk hŏng êa boh ôliwơ, tlâo kdrêč hlăm pluh êphah kơ grăp drei hlăm pluh tlâo drei êmô knô, dua kdrêč hlăm pluh êphah kơ grăp drei hlăm dua drei biăp knô,

¹⁵leh anăn sa kdrêč hlăm pluh êphah kơ grăp drei hlăm pluh pă drei êđai biăp;

¹⁶leh anăn sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

¹⁷Ti hruê tal dua diih srăng myơr pluh dua drei êmô knô dam, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

¹⁸mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ jih jang êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă,

¹⁹msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

²⁰Ti hruê tal tlâo diih srăng myơr pluh sa drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

²¹mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă;

²²msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

²³Ti hruê tal pă diih srăng myơr pluh drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

²⁴mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă;

²⁵msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

²⁶Ti hruê tal êma diih srăng myơr dua păn drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

²⁷mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă;

²⁸msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

²⁹Ti hruê tal năm diih srăng myơr sa păn drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

³⁰mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă;

³¹msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

³²Ti hruê tal kjuh diih srăng myơr kjuh drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

³³mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă;

³⁴msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

³⁵Ti hruê tal sa păn diih srăng mâo klei bi kƀĭn mâo klei mpŭ. Diih amâo dưi ngă sa mta bruă kơ diih pô ôh,

³⁶ƀiădah diih srăng myơr sa mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa: sa drei êmô knô, sa drei biăp knô, kjuh drei êđai biăp knô mâo sa thŭn amâo mâo anôk jhat ôh,

³⁷mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ êmô knô anăn, kơ biăp knô anăn, leh anăn kơ jih jang êđai biăp tui hlue dŭm drei diñu tui si klei mtă;

³⁸msĕ mơh sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

³⁹Anăn yơh mnơ̆ng diih srăng myơr kơ Yêhôwa ti hruê knăm diih bi kčah leh, êngao kơ mnơ̆ng myơr diih bi sĭt klei ƀuăn leh anăn mnơ̆ng diih myơr hŏng ai tiê čŏng čiăng, kơ mnơ̆ng diih myơr čuh, kơ mnơ̆ng diih myơr kpŭng ƀhĭ, kơ mnơ̆ng diih myơr mnăm, leh anăn kơ mnơ̆ng diih myơr kơ klei êđăp ênang.”

⁴⁰Y-Môis hưn kơ phung ƀuôn sang Israel jih jang klei djŏ tui si Yêhôwa mtă leh kơ ñu.