Read Rade Y-Mathiơ 1 Bible Online

Y-Mathiơ 1 - Rade bible

Y-Mathiơ 1

¹Hră čih anăn phung aê Yêsu Krist, anak čô Y-Đawit, anak čô Y-Abraham:

²Y-Abraham ƀă kơ Y-Isăk, Y-Isăk ƀă kơ Y-Yakôp, Y-Yakôp ƀă kơ Y-Yuđa leh anăn kơ phung ayŏng adei gơ̆,

³Y-Yuđa hŏng mô̆ ñu H'Tamar mâo anak Y-Pêres leh anăn Y-Sêrah, Y-Pêres ƀă kơ Y-Hêsron, Y-Hêsron ƀă kơ Y-Ram,

⁴Y-Ram ƀă kơ Y-Aminadap, Y-Aminadap ƀă kơ Y-Nahsôn, Y-Nahsôn ƀă kơ Y-Salmôn,

⁵Y-Salmôn hŏng mô̆ ñu H'Rahap mâo anak Y-Bôas, Y-Bôas hŏng mô̆ ñu H'Rut mâo anak Y-Ôbet, Y-Ôbet ƀă kơ Y-Yêsê,

⁶Y-Yêsê ƀă kơ Mtao Đawit. Mtao Đawit ƀă kơ Y-Salômôn. Ñu mâo anak anăn hŏng mô̆ Y-Uri,

⁷Y-Salômôn ƀă kơ Y-Rôbôam, Y-Rôbôam ƀă kơ Y-Abija, Y-Abija ƀă kơ Y-Asa,

⁸Y-Asa ƀă kơ Y-Jôsaphat, Y-Jôsaphat ƀă kơ Y-Jôram, Y-Jôram ƀă kơ Y-Usia,

⁹Y-Usia ƀă kơ Y-Jôtham, Y-Jôtham ƀă kơ Y-Ahas, Y-Ahas ƀă kơ Y-Hêsêkia,

¹⁰Y-Hêsêkia ƀă kơ Y-Manasê, Y-Manasê ƀă kơ Y-Amôn, Y-Amôn ƀă kơ Y-Jôsia,

¹¹Y-Jôsia ƀă kơ Y-Jêkônia leh anăn kơ phung adei gơ̆, ênuk arăng atăt ba phung Israel jing mnă kơ čar Ƀaƀilôn.

¹²Leh arăng atăt ba diñu jing mnă kơ čar Ƀaƀilôn, Y-Jêkônia ƀă kơ Y-Sêaltiêl, Y-Sêaltiêl ƀă kơ Y-Sôrôbabel,

¹³Y-Sôrôbabel ƀă kơ Y-Abiut, Y-Abiut ƀă kơ Y-Êliakim, Y-Êliakim ƀă kơ Y-Asôr,

¹⁴Y-Asôr ƀă kơ Y-Sadôk, Y-Sadôk ƀă kơ Y-Akim, Y-Akim ƀă kơ Y-Êliut,

¹⁵Y-Êliut ƀă kơ Y-Êlêasar, Y-Êlêasar ƀă kơ Y-Mathan, Y-Mathan ƀă kơ Y-Yakôp,

¹⁶leh anăn Y-Yakôp ƀă kơ Y-Yôsep, ung H'Mari, pô kkiêng kơ Yêsu arăng pia Krist.

¹⁷Snăn dơ̆ng mơ̆ng Y-Abraham truh kơ Y-Đawit mâo pluh pă ênuk mnuih; dơ̆ng mơ̆ng Y-Đawit truh kơ ênuk arăng atăt ba phung Israel jing mnă kơ čar Ƀaƀilôn mâo pluh pă ênuk mnuih; leh anăn dơ̆ng mơ̆ng ênuk arăng atăt ba phung Israel jing mnă kơ čar Ƀaƀilôn truh kơ Krist mâo pluh pă ênuk mnuih mơh.

¹⁸Nĕ snei klei arăng kkiêng kơ Yêsu Krist. Amĭ Ñu H'Mari bi čuôp leh hŏng Y-Yôsep, êlâo kơ diñu bi dôk mbĭt, H'Mari ƀuh ñu pô dơ̆ng tian leh hŏng Yang Mngăt Jăk.

¹⁹Ung gơ̆ Y-Yôsep jing sa čô êkei kpă ênô, amâo čiăng bi hêñ gơ̆ ôh, snăn ñu mĭn čiăng bi lui hŏng klei hgăm.

²⁰Ƀiădah êjai ñu mĭn snăn, nĕ anei mâo sa čô dĭng buăl jăk Khua Yang bi êdah kơ ñu hlăm klei êpei, lač, “Ơ Y-Yôsep, anak čô Y-Đawit, đăm huĭ ôh mă H'Mari jing mô̆ ih, kyuadah gơ̆ ba tian kơ anak anăn hŏng Yang Mngăt Jăk.

²¹Gơ̆ srăng kkiêng kơ sa čô anak êkei, leh anăn brei ih bi anăn Ñu Yêsu, kyuadah Ñu srăng bi mtlaih phung ƀuôn sang Ñu mơ̆ng klei soh digơ̆.”

²²Jih jang klei anăn truh čiăng bi sĭt klei Khua Yang blŭ leh hŏng ƀăng êgei khua pô hưn êlâo:

²³“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

²⁴Tơdah Y-Yôsep mdih pĭt, ñu ngă tui si klei dĭng buăl jăk Khua Yang mtă leh kơ ñu, ñu ngă klei bi kuôl hŏng H'Mari,

²⁵ƀiădah amâo dôk êkei mniê hŏng gơ̆ ôh tơl leh gơ̆ kkiêng kơ sa čô anak êkei. Leh anăn ñu bi anăn anak anăn Yêsu.